امل رجعت جلست معاهم علي الطاوله وهيا ترعش
اية : امل ان خيرك بسم الله وين كنتي ؟؟
امل : بالله اسكتي توا
اية : امل تكلمي أمي تشوفلك
امل : مافي شي لما نروحو نحكيلك
جت شهد : امل وينك بسم الله كنت ندور فيك
امل : اه كنت نكلم في تلفون
شهد : ايه حقا اعطيني رقمك الحق حبيتك عادي تكوني صديقتي
امل ضحكت وبابتسامه : ايه اكيده عادي وهذا شرف ليا حبيبتي
_______\\\\\_______\\\\\_____
في طريق لسبها
محمد : ايوا خالد
خالد : شن صار في ولد عمك ؟
محمد : كلمته وقال يفكر الاول مزال ما ردش عليا
خالد : تمام غدوا اكدلي ووين انت توا ؟
محمد : والله ماشي لسبها اني والشباب عندنا عرس غادي
خالد : اه تمام يا برو توصل بسلامه
صكر محمد الخط من خالد وهوا يفكر كيف يخلي سامي يوفق يكون شريك فالمشروع ولزم يخليه يوافق
______\\\\\_____\\\\\\________
اية : امي سامي بعتلي قال هيا اطلعو
خيريه : هيا يا بنات البسو
شهد : عمتي مزال بكري !! زيدو شويا
خيريه : لالا هدا هوا يا بنيتي هي خلي نسلم ونطلعو
لبسو وهما كيف طالعين امل شاافت وليد واقف يهدرز علي سامي
وليد : ايه زي ما قتلك
سامي : صحيت والله كنت متردد
وليد : لا تتردد لا شي توكل علي الله
سامي : خلاص بينا تلفون 📞
وليد : تمام يلا في امان الله
وليد وهوا يختلس النظر علي امل وقلبه فرحان
——————-
ركبو كلهم لسياره والجو هادئ
امل : سامي اخطم علي خوش جدو بناخدو سهام معنا
سامي : واااك من سهام وكان تجي تعيش عندنا خير
اية : هدا لي ناقص اصلا لو قلتها ببصاره قدمها اديرها ههههههه
امل : الا سهام هي ما حد يتكلم علها
تلفون امل يرن والمتصل سهام قول واقفه علي جمره ههههه
سهام : تي وينكم يا بنت عطلتو
امل : قريب نوصلو
سهام : كلهم رقدو وبوي في المربوعه الخارجية
امل : هي قريب نوصلو قتلك شويه واطلعي
سهام : تمام بسرعه
بعد ربع ساعه وصلو لي حوش جدهم
نزل سامي يخبط علي الباب طلعت سهام ركبت بسياره معاهم وخش سامي سلم علي عمه وطلع
سهام : السلام عليكم كيف حالك عمتي خيريه و يا امل وين حلوياتي ؟؟؟
اية : هدا هوا همك غير بطنك
سهام : اسكتي انتي اللهم لا حسد
امل : قاعدين عندي ههههه
اية : وين العشي لي بتجيبيه معاك ؟؟
سهام : جعت وكليته اكيد انتم واكلين في العرس
امل : واااك منك سهام ههههههههه
سامي : هادي محد يكلمها علي بطنها اهم من كل شي عندها
سهام : هاهاها يا خفيف الدم
_______\\\\\______
ساعه 2 في منتصف ليل لي راقد ومرتاح ولي سهران علي فيلم ولا مسلسل ولي مروحه من العرس تقرم في فلانه وعلانه وبطله قصتنا كانت تصلي قيام ليل 🌙
امل : اسلام عليكم ورحمه الله وبركاته والتفت لي جها تانيه واسلام عليكم ورحمه الله وبركاته
سهام : تقبل الله
امل : منا ومنك صالح الاعمال
سهام : هي السهريه بتبداء
جت اية في يدها سفره مليانه مشتقات السهره جلست وتربعت وقالت : هي امل احكي شن صار معاك امبكري علاش كنتي تبكي ؟
امل : يا حنه القصه وما فيها .................. الخ
سهام : الله رومنسيه جوي واجوائي
اية : الولد حلو ؟؟؟ طويل ؟؟ عنده عضلات
امل: اسكتي انتي وياها نقولك كنت ميته خوف حد يشوفنا حتي ما ركزتش فيه ( كذابه هيا حتي ملامحه مفصلتهم تفصيل هههههه )
سهام : الله تخايلو تتلاقي معه مرا تانيه وبعدين تتجوزو وتحكي لي صغاركم قصتكم ههههههه
اية : ههههه شكلني كل عرس بندشها علي غرف التصوير بالك تصدف معاي ونلقى راجلي المستقبلي
سهام / امل : ههههههههه يعطهالك
سهرو البنات الفجر وهما ميتين ضحك وسهام كل مرا تحكي موقفها المحرجه هههه
أنت تقرأ
روايه : أمل
Short Storyروايتي مقتبسه من قصه حقيقيه عن بنت تعاني هلبا في حياتها عايشه في بيئه معقده ومحرومه من حقوقها .. امل .. صاحبه القصه تبي توصل صوتها لكل العالم تبي نصحصح الناس من الغفله تبي توقف مع كل بنت مظلومه زيها ... روايتي لا تخلي علي سرد لطيف ونصوص رومنسيه وقصه...
