روايه : أمل

حلقة : 6

تاني يوم والحوش هادى نفس امس امل قاعده مش مستوعبه المصيبه لي صارت امس ...

خش فوزي للحوش : السلام عليكم
خيريه : وعليكم السلام الحمدلله علي السلامه
فوزي شي وجلس جنبها : الله يسلمك وين سامي
خيريه : اخخخ بالله من امس وهوا في الغرفه لا طلع لا شي
فوزي ناض واقف : خيره ولدي ؟؟ ومشي لغرفه سامي
دق دق دق سامي : مني يدق ؟؟
فوزي : نوض يا ولد
سامي فتح الباب وسلم علي بوه
فوزي : خيره وجهك تعبان شن صاير معاك
خيريه سمعت وجهك تعبان جت تجري : ولدي شن فيك من امس وحابس روحك ؟؟؟
سامي منهد حيله : لالا ما صار شي تعبان بس نبي نرقد ورجع لي سريره
فوزي : خيريه خليه يرتاح توا
خيريه : حاضر يا حاج
فوزي : وين البنات
خيريه : رقدات
فوزي بعصاب : توا في حد يرقد لساعه هاذي ؟؟
خيريه : عادي ما عندهم ما يديرو خليهم يرتاحو
فوزي : انتي لي فسدتي البنات تدلعي فيهم بزياده
خيريه وهيا تغير في الموضوع : يا حاج تعالى اجلس واحكيلي كيف كانت السفره
فوزي : هي هي
خيريه وهيا تمدله في طاسه الشاهي : خود يا حاج
فوزي شرب منها : سلم يدياتك علي الشاهي
وقعمزو يهدرزو علي بعض

____________
الفيس بوك كاتبه : ملاك الحراري
انستاغرام @mks21.0
...................
وليد : جنبك حد ،؟؟
شهد : لالا علاش؟؟
وليد : نبيك في موضوع
شهد بتركيز : ايه قول
وليد : تكلمي في أمل ؟؟
شهد : ايه نهدرز معاها غير امس مصكره تلفونها
وليد : نبيك اليوم تمشيلها وتطمنيني علها وحتي وضحيلها عليا مرا وحده
شهد : حاضر من عيوني لكن شن المقابل ؟؟
وليد : شهد هههه يا استغلاليه
شهد : والله يا حبيبي كل شي بالمقابل توا
وليد : شن رايك في سيت عنايه من لندن
شهد : ايه الحلوه دي ههه تمام برو
وليد : تمام هي توا خلي مصعب يوصلك وبعدين كلميني وطمنيني

—————-

ناضت أمل من نوم خشت للحمام ( اكرمكم الله ) وبعدين صلت وسلمت علي بوها ومشت للمطبخ جعانه فتحت تلفونها لقت اتصال من شهد وكم رساله منها ابتسمت ويعتتلها رساله
أمل : يا هلا
شهد : هلا بيك عمري وينك امس
أمل : امس كنت تعبانه
شهد : بسم الله عليك خيرك ؟
أمل : لا شي غير صار معاي ظرف
شهد : ان شاءالله خير
امل : فديتك
شهد : ايه اليوم بنجيك عادي ؟
أمل : مصحك اكيد عادي تفضلي
شهد : تمام ساعه بالكتير ونكون عندكم خلي يجي خوي باش يوصلني
أمل قلبها ينبض : وليد رجع من سفر الحمدلله علي سلامته
شهد : لالا مزال مصعب لي بيوصلني اليوم
أمل : اه تمام هي نتلاقو
صكرت تلفون ومشت قالت لي امها واية انه شهد جايه
بخرت الحوش وخشت دارت حلو سريع وخدت شور وعدلت نفسها
وبعد ساعه بالكتير وصلت شهد خشت سلمت علي العيله ومشت هيا أمل الغرفه يهدرزو
شهد : لالا لون هدا احلى
أمل : اني نحب الالوان الباستيل
شهد : حي زيني هههه
أمل : ذووق فديتنا
شهد عدلت جلستها وقالت : أمل بنقولك
أمل وبتركيز معها : نعم
شهد : فيه حد في حياتك ؟؟
أمل : لالا علاش سؤالك مفاجئ هههه
شهد : شن رايك في وليد ؟
امل : وليد ،؟
شهد : تي ايه وليد خوي شن رايك فيه ،، ؟؟
أمل ابتسمت : من اي ناحيه ؟ هههه
شهد : من جميع النواحي هيا عاد
أمل : ماشاءلله عليه الحق
شهد : ههه ايوا هكي
امل : علاش تسالي به ؟
شهد : خوي يحبك
أمل قلبها قريب يوقف من الفرحه : بالحق من قالك ؟
شهد : هوا قالي وليه فتره يتكلم عليك قال يبيك
أمل بابتسامه خجوله : امم كويس امممم
شهد تضحك : هههه خيرك تحشمتي هههه محلاك
هدرزو لين روحت شهد وامل ميته فرحه
امل في داخلها ميته فرحه انه وليد يبدلها الحب والمشاعر حطت يدها علي قلبها وتنهدت براحه وحب وقالت : يارب يكون من نصيبي

__________

شهد : وعلي باركه الله
وليد بفرحه : بالحق ؟
شهد : ايه والله تحبك حتي هيا لو تشوفها كيف تحشمت ووجها وله احمر هه
وليد : الحمدلله اطمنت انها تبدلني الشعور اول ما نروح بنخطبها طول
انتي حكيتيلها اني نبي نخطب طول ؟؟
شهد : لالا ما جبتش سيره الخطوبه بكل قلت لتروح الاول
وليد : تمام ومنوره شوشو
شهد : ربي يجمعكم حبيبي وبلا سلام
وليد : سلام

—______-

ساعه ثمانيه في ليل جي محمد وبوه لحوش عمه فوزي
مقعمز محمد وبوه وفوزي وسامي في المربوعه الخارجيه
سامي سرحان وساكت محمد مركز عليه خلاه في حاله وطلع من المربوعه
شاف امل تنشر في الشراشف ساعدها
امل بخلعه : بسم الله من وين طلعتلي ؟
محمد : حبي استحشتك
امل : صكر فمك
محمد : علاش هههه
امل وهيا خاشه للبيت : اسمع برا بسرعه وفكني منك
محمد : به امتى بترقدي في حضني زي امس هههه
علي جيه سامي وبصدمه : شني ؟؟؟؟؟
امل ماتت من الخوف : خ خي خيرك تتسهوك محمد سامي فهمت غلط ؟
سامي عيط علها : خشي للحوش يا كلبه حسابك بعدين
وقرب من محمد وشده مر رقبته : شني تقول انت يا حقير
محمد بعده من عليه : وسع بالك يا برو
سامي ضربه علي وجهه : تكلم شن قلت ؟؟
محمد قرب من عليه : اصصص العياط هدا مش في صالحك بكل
سامي : تسكت فيا بعد الكلام لقلته
فوزي وخوه سمعو العياط طلعو يجرو وامل ميته خوف في الحوش وتبكي
محمد شاف بوه وعمه جايين قرب علي سامي وقال : اي كلمه بتطلع منك اعتبر نفسك ميت يا متع البضاعه الجديده واختك بنتجوزها ارتاح هههه
نظف محمد ايده من سامي وضحك علي جنب وقال : مافي شي كنا نبصرو ويابوي هيا وقت علي صلاه العشاء
طلع محمد وبوه وسامي عيونه حمر من العصاب خش لي امل يجري زي المجنون وشدها من شعرها ورفعها لي المخزن وهيا تعيط وامها وايه ميتين علها وفوزي نخلع من تصرف سامي وامل تعيط باعلى صوت
سامي : يا كلبه احكي شن صار
امل وهيا تبكي : افهمني بالله عليك
سامي : اسكتي يا كلبه يا حقيره جبتيلنا العار
امل : ما تقولش هكي افهمني بالله عليك
سامي ضربها ضرب قريب قتلها امها مصدومه شن قاعد يصير ما في حد فاهم شي يشوفو في سامي قريب يقتل اخته وما حد قدر عليه
سامي شاف طرف حديده جنبه خذها وضرب بها امل وخيريه لما شافت المنظر هكي عيطت عيطه هكي طولها واغمى علها فوزي قريب يديرها علي تحته من الصدمه ولده قتل بنته قدامه ومرته مغمى علها واية شبه هبلت
سامي شاف الدم في كل مكان طلع وصكر علها المخزن شاف امه طايحه طلع من البيت كله اية فوزي رفعو خيريه للحوش والجيران جو من صوت العياط
———————-
امل : كان الدم في كل مكان وجسمي كله ينزف مش قادره نتحرك بكل وعيني اليمين مش قادره نشوف بها كويس صقعانه وخايفه من الظلام
صوتي اختفى ضربني بدون ما يعرف الحقيقه واني نحاول نتحرك نبي نشوف امي نبي نحكي شن صار لكن خلاص حسيت هادي النهايه اذكرت امي واية ووليد اخخخ يا وليد حتي قصه حب زي البنات ما عشتها اذكرت حياتي كلها وكيف في اشيا مقدرتش نحكها في روايه ظلم بوي وخوي حياتي وقفت عليهم اذكرت كل شي حلو في حياتي حسيت روحي خلاص كل شي يتلاشى قدامي ونفسي يقطع مش قادره نساعد نفسي عيوني تصكرو

————————-

امل استسلمت جسمها معاش قدر يتحمل اكتر من هكي تعبت من حياتها تعبت من كل شي واخر كلمه قالتها قبل ما يغمى علها امي .... يتبع

كاتبه : ملاك الحراري

تابعوني علي الانستا غرام @mks21.0

رايكم في الحلقه 🤍🤍✨