فوزي رجع لبنته وقعد يخبط لي الباب المحزن لعله يفتح وينقذ بنته في لحظه حس انه بجد بيفقذ أمل يبكي وينوح زي المراة اية خدت تلفون واتصلت بي عمها ما باش يرد تلفونه مصكر فا اتصلت بمحمد اية وهيا تبكي : الوو محمد وينك بالله عليك تعالى بسرعه انت وعمي
محمد : شن فيه ؟؟ شن صاير علاش تبكي
اية : أمل يا محمد أمل
محمد بخوف : أمل خيرها ،؟؟
اية : أمل بتموت الحق علها بسرعه
محمد جي يجري هوا و بوه شاف حاله عمي فوزي عرف انه الموضوع كبير جاب مسدس وطلق علي الباب نفتح علي طول وشافو امل فاقده الوعي وكلها دم نفجعو محمد قريب هبل قرب من علها وحط يده علي رقبتها حس انها تتنفس يبكي خايف يفقدها حتي هوا قمها ورفعها للمستشفى هوا والباقي وناس كل حد يقول قصه من عنده لي يقول خوها شافها مع وحده ولي يقول طالع وين كانت وناس ما ترحم ومحمد كان قلبه بيطلع وصل بها لطوارئ يجري دخلوها لي العمليات طول وفوزي منهار بشكل الكل مستغرب
واية تبكي خايفه علي اختها محمد علي طول شد روحه ومشي يدور علي وليد اتصل علي رمزي : الوو رمزي
رمزي : ايوا برو
محمد : شوفلي موقع سامي وين بسرعه
رمزي : تمام نشوفه ونبعتلك الموقع
محمد ركب لسيارته يستني في الموقع اول ما وصله مشي يجري
لقي سامي في البحر نزل من سياره ومشاله ضربه بدون ولا كلمه
سامي : ماتت ولا مزال
محمد وعيونه حمر واضح انه يبكي : انت مريض انت حقير والله امل تخليك تتعفن في السجن يا كلب هادي اختك شفت كيف حالاتها شفت الدم انت
سامي ببرود: هدا شرفي
محمد ضربه مرا تانيه : أمل اشرف منك وصدقني لو امل صارلها شي ح نقتلك وخليك عارف انك مش ح تستمتع بحياتك اكتر من هكي
سامي كانه استيقظ : امل ماتت قولي امل وينها ؟؟
محمد : امل في الطواري توا رد بالك تقرب غادي
محمد رجع لسيارته وسامي منهار كانه مش هوا لي قريب قتل امل كانه هوا المظلوم يفكر شن بيقول لي اهله والناس ويفكر في حياته والبضاعة
_____
في لندن في اجتماع عاجل
وليد حس قلبه وجعه حط يده علي قلبه
علي : استاذ وليد انت بخير
وليد : ايه بس شويه وجع خفيف
علي : لو تعبان بناجل الاجتماع لي غير يوم
وليد : تمام وناض طلع من الغرفه
والكل مستغرب وليد ولا مرا طلع في نص الاجتماع شكله تعبان بجد
وليد كان حزين بدون سبب اتصل بي اهله وتاكد انهم بخير وكويسين بس قلبه يوجع فيه وليد : زعما شن صاير معاي امل بخير ؟؟
—————
فيسبوك كاتبه : ملاك الحراري
الانستاغرام @mks21.9
————-
محمد وفوزي واية كلهم قدام العمليات
اية اتصلت بس جرتهم مع امها في الحوش واطمنت علها
وفوزي قاعد علي عصابه العمليه لها ساعه لتوا يراجو
محمد فقد عصابه يعيط باعلى صوته علي الممرضات : مافيش حد يطلع ويطمنا وين المسؤلين وين الاداره
الممرضه بخوف : استاذ لو سمحت نقص صوتك احني لي مستشفى
محمد : نبي نعرف شن صاير لي امل
ممرضه : استاذ استني لين يطلع الدكتور
نفتح باب الطوارى وطلعت ممرضه تعيط وتجري : نبو دم نبو دم بسرعه نزفت هلبا وقريب تمشي من يدينا والممرضات يتجاور واية تبكي بصوت عالي حست خلاص بتخسر اختها وفوزي لما شاف انه بنته مراتٍ تموت افقد الوعي حتي هوا
محمد يدعي بكل قلبه : يارب تنوض بسلامه يارب افرج عليا
اية : مشت لغرفه الصلاه وتصلي وتبكي وتدعي لي اختها
أنت تقرأ
روايه : أمل
Storie breviروايتي مقتبسه من قصه حقيقيه عن بنت تعاني هلبا في حياتها عايشه في بيئه معقده ومحرومه من حقوقها .. امل .. صاحبه القصه تبي توصل صوتها لكل العالم تبي نصحصح الناس من الغفله تبي توقف مع كل بنت مظلومه زيها ... روايتي لا تخلي علي سرد لطيف ونصوص رومنسيه وقصه...
