فتاة بالهاوية

الفصل العاشر

بسم الله الرحمن الرحيم وبه نستعين والصلاة والسلام على أشرف المرسلين وسيد الخلق أجمعين رسولنا ونبينا الكريم محمد صلى الله عليه وسلم
أما بعد
🌹
🌹
🌹
🌹🌹
🌹🌹🌹
خرج حسين من المستشفى وهو ينوى على الخذ بثأر أبنته من كل من سولت له نفسه إذاءها وقرر ان بيتصل بأماني فأخرج هاتفه واتصل بها وانتظر قليلاً من الوقت ثم اتاه صوتها فأجاب : الو السلام عليكم
أمانى : وعليكم السلام ورحمة الله وبركاته؛ ايوة؟
حسين : احم انا بعتذر لحضرتك بس انا مش عارف ابداء اذاي
أمانى : اه انت بتتصل تستظرف طب اقفل ولما تعرف عاوز ايه اتصل
قاطعها حسين :والله ابدا بصي بهدوء كده اسمعيني علشان مفيش قدامي غيرك انا اللي اعرفه إن بنتي عندك عاوز اتأكد وعاوز اجيب حقها
سكتت أمانى في صدمه تحاول استيعاب ما تفوه به للتو كيف يكون هذا ابو فريدة وكيف علم بوجودها عندها ولكن فاقت من صدمتها على صوت حسين انا حسين ابو فريدة وعرفت من الكلب كرم انها عندك انا عاوز اطمن عليها ارجوكي ومتخافيش عليها هي برضو بنتي
فريدة بعدما استمعت له : طب ولما هي بنتك وعاوز تطمن عليها كنت رميتها ليه وسيبت الكلاب اشكال والوان تنهشها ليه انت عارف بنتك اتأذت قد ايه انت عارف بنتك وصلت لفين بنتك مش بس انته عرضها لا دي كمان اتعاطت مخدرات لحد دلوقتي بتاخد علاج لتقليل اعراض الانسحاب بنتك اتبهدلت علشان انت كنت غافل عن رعايتها سيبت مراتك تبيع وتشتري فيها وحتى مش عارفين السبب
حسين ببكاء ومرارة : عارف  وعارف كمان إنها بتدفع تمن كل ده دلوقتي وانا والله ما حسيبها غير لما اجيبها حقها وادفع كل اللي اذوها التمن
أمانى بسخرية : اذوها؟ محدش اذاها غير مراتك؛ إيه هتعرف تجيب حقها منها ولا متهونش عليك؟
حسين بأستياء : انتي بتكلميني كده ليه يا ست انتي دي بنتي وانا زي ما قولتي كنت غافل وبكلمك دلوقتي علشان عرفت إنك إنتي اللي نجدتي بنتي ورحمتيها وكنتي احن عليها مني ومن اختها وبقولك عاوز أقف معاكم ونحط ادينا في أدين بعض علشان حقها وعلى فكرة مش مراتي بس اللي ليها يد مراتي دي هي البلوة اللي اترمت علينا بس في غيرها كتير والموضوع مش بنتي بس لازم نقعد ونتكلم ارجوكي لازم راضي بنتي علشان لو مت تبقى مسمحاني
صمتت لبعض الوقت  أمانى وتكلمت بهدوء بعدما استشرت صدقه في الكلام : بص يا حاج احنا ساكنين في......... بس طبعا حنشوفك بكرة على الغداء لان فريدة مرهقة جدا النهاردة وعلشان يبقى في وقت اتكلم معاها وافهمها موقفك
حسين : خلاص مفيش مشكلة المهم إني اشوفها وأنها تبقى بخير وبس وانتي كتر خيرك على إنك شيلتي بنتي وعملتي معاها اللي انا معملتهوش
أمانى : ما تشكرني فريدة دي اختي الصغيرة عموما حصل خير وحنستناك بكرة ان شاء الله مع السلامة؛ واغلقت أمانى الهاتف وهي سعيدة وقررت محادثة أمانى بعد خروج هيثم لشقته
💢💢💢💢💢💢💢💢💢💢💢💢💢
عند هيثم.....
كان هيثم يجلس على السفرة وكانت تجلس أمامه فريدة تنظر إلى طبقها بخجل فهي لم تتعود على وجوده وهو كان ينظر إليها بتفحص  فكانت تشعر به وبنظراته المتفحصة فكان هذا يشعر ها بالتوتر وظلت تفكر لما تركتها أمانى وحدها الان ولكن قطع تفكيرها دخول أمانى  : ايه يا جماعة مالكم ساكتين ليه مش سامعة صوتكم يعني
نظرت لها فريدة وكأنها طوق نجاة وقالت : كنتي فين يا أمانى كل ده
استغربتها أمانى :مالك يا بنتي هو انا سيباكي في الشارع ما انتي في بيتك في ايه بس؟ ومالك وشك اصفر ليه كده؟
فريدة بتلعثم : ما مافيش يا حبيبتي انا انا شبعت عن اذنكم
وهمت ان تقوم
ولكن اوقفها هيثم وهذه اول مرة يوجه لها حديث  لا ما تناميش حنشرب الشاي كلنا مع بعض في التراس لو شبعتي تقدري تستنينا هناك ده بعد أذنك يعني
نظرت له فريدة بضيق : لا والله ما فيش مانع بس انا مش بشرب الشاي عن اذنكم
وغادرت بسرعة فنظرت له أمانى :ممكن افهم ايه اللي عملته ده وليه علشان انا اكتر واحدة فهماك انت عاوز ايه بالظبط وما تلفش وتدور عليا
تحدث هيثم بهدوء : ايه كل الأسئلة دي؟ كل ده علشان بقولها تستنى تشرب معانا الشاي؟
أمانى :لا يا قلب اختك مش علشان الشاي علشان انا عارفة اسلوبك كويس اوي وعارفة نك في فضميرك اللي مخليه عني وبراحتك بس احب اعرفك إنها متجوزة
فبهت وجه هيثم ونظر لها بحزن : انتي بتتكلمي بجد دي متجوزة؟
أمانى : هو مش جواز بالظبط بس هي على زمة راجل تاني وهي انا متأكدة إنها مش هتسمح بأي كلام من فضلك لو في اي حاجة في ضميرك استنى لما تعرف كل حاجة عن حياتها لأنها بجد بقت هشة أوي ومش حمل اي حد يأذيها فخليك بعيد عنها أفضل
هيثم : انتي بتقولي ايه انا بجد لازم افهم في ايه الموضوع شكله كبير وصدقيني مش هيجيلي نوم غير لما افهم
أمانى: طب قوم اغسل ايدك على ما اشيل السفرة  وندخل نتكلم علشان تسمع التفاصيل كلها قدامها انا اصلا كنت هحكيلك علشان احنا اصلا محتاجين معانا لان فعلا اللي جاي صعب ومش هقدر عليه لوحدي وعلى فكرة انا استأذنتها علشان احكيلك فطبيعي انك تسمع الحكاية كلها قدامها
قام هيثم بدون كلام وغسل ايديه واتجه لاماني حتى يأخذها ويدخلون سوياً لفريدة.
💢💢💢💢💢💢💢💢💢💢💢
عند فريدة كانت تفكر فيما ستفعل في فؤاد وطلباتهم كيف ستعطيه المال الذي طلبه هي تخشي على اختها وابيها منه ولكن ما تعبها اكثر إنها صدمت من فؤاد أكثر مما حدث لها فهي اعتقدت إنه سند وعمر قادم ولكن ما حدث جعلها تنكسر منه أكثر من أي شئ وهنا دخل الأخوة أمانى وهيثم جلسو وقالت أمانى لفريدة : تعالي يا ديدي اقعدي يا حبيبتي عوزاكي في موضوع مهم
اطاعتها فريدة على الفور وجلست بجوارها
فتكلمت إماني بصي يا فريدة زي ما فهمتك هيثم محامي شاطر جداً جداً ومتمكن في شغله وانا قررت استغله وهو لازم يعرف كل التفاصيل اللي حصلت علشان لازم يبقى عندنا حل قانوني؛ ثم نظرت لهيثم بص يا هيثم انا متأكدة انك عندك حل للي حقوله بس لو مش حابب تساعد كأنك مسمعتش اي حاجة عننا تمام
هيثم بسخرية لتهداءت الجو  : ما تقولي يا ستي نشفتي ريقنا بقى هي قتلت ولا ايه
أمانى : بضحك لا يا فقري مقتلتش بص يا سيدي ثم قصت عليه كل شئ وهو  يكاد يجن مما قصت على اذانه وأخيراً رفع رأسه فوقعت عينيه عليها وجدها تبكي بصمت فتمزق قلبه من ما سمع ومن ما يظهر عليها من ألم
حمحم هيثم لينقي صوته من شدة التأثر وتكلم طب أولا الفديو اللي مع البنى آدم ده انا ممكن اسجنه بيه اصلا ده سيبيه عليا بكرة إن شاء الله هيكون خلص كل حاجة دي نقطة تاني حاجة هي لازم تنزل تعمل التحاليل بتاعتها علشان نفهم هي حصلها ايه وازاي مجرد حبوب بتقلل من اعراض الانسحاب بتخليها متتعبش زي المدمن اللي بيتعافى انا مبقصدش اغلط بس كلنا عارفين يعني ايه إدمان وأعراض الانسحاب شكلها ايه فأكيد في حاجة غلط وده هيبان في التحاليل وبالنسبة للحبوب اللي بتاخدها انا عاوز منها عينة علشان احللها علشان نفهم اللي بيحصلها بس انا عاوز اقولك اني شامم ريحة مش مريحاني لمرات ابوكي في حاجة غلط مش هي بس اصلا حتى جوزك شاكله ليه فيها بس حنفهم المهم متخافيش انا معاكي وهحلها بأذن الله
فريدة بصوت متحشرج من شدة البكاء :شكراً لحضرتك.
هيثم : متشكرينيش دلوقتي بعدين هخليكي تشكريني بس بطريقة تانية
نظرت فريدة بعدم فهم تحاول أن تفهم فوجدته يضحك ويقول لها خلاص بقى كفاية كدة النهاردة الأحداث دي ولا الفيلم الهندي انا عاوز انام تصبح على خير يا بنات؛ ثم تركهم وخرج ليذهب لشقته فخرجت وراءه أمانى تتحدث بهمس : تعالى هنا يا واد انت تقصد ايه انها هتشكرك بطريقة تانية مش قولنا انها مش هتستحمل اي قهرة تانية
هيثم : هو انتي ليه شيفاني ندل هو انا لا سمح الله قليت بأصلي قبل كده مع حد
أمانى :لا طبعاً
هيثم: امال ايه بس؛ وبعدين انا مقولتش حاجة انا قولتلها اشكريني بعدين ايه المشكلة
أمانى : واد انت انت بقيت لائيم أكتر من الاول ربنا يستر روح نام  امشي
هيثم : قبلها على خدها وجرى تصبحي على خير يا قلبي
أمانى بأبتسامة : وانت من أهل الخير يا حبيبي
والتفت للداخل وجدت فريدة تخرج من التراس وتتجه ناحية الغرفة فكلمتها حتنامي يا ديدي
فريدة : اه محتاجة انام حاسة اني مجهدة
أمانى :طب ممكن نتكلم شوية صغيرين مع بعض في حاجة لازم اقولك عليها
جلست فريدة : طبعاً اتفضلي اتكلمي براحتك
أمانى جلست وبدأت ترتب أفكارها بهدوء ثم نظرت لفريدة وحمحمت لتنقي صوتها بصي يا فريدة ان من زمان متكلمتيش مع أي حد في اي حاجة تخصني بس هحكيلك حكايتي وهطلب منك طلب ولو سمحتي متقاطعينيش ممكن
فريدة بتشوق: اه طبعا اتفضلي
أمانى : انت عارفه فريده انا كنت متجوزه من سبع سنين مثلا واحد كنت باحبه جدا بس هو للاسف باعني وباعني على حاجه انا ما كنتش لي دعوه بها احنا اتجوزنا حوالي سنه كنت تقريبا خلال السنه دي بحاول اعمل له كل اللي هو نفسه فيه لدرجه انه شغلته في المصنع عندي وخليته رئيس عمال كنت بحاول ارفع منه باي شكل من الاشكال علشان اخليه احسن الناس حتى لو هيكون احسن مني انا شخصيا وفي خلال السنه بعد ما كان لا يملك شيء اخذ مني فلوس واخذ مني ذهب فتح مصنع صغير لنفسه علشان يكون صاحب راس المال علشان خاطر ما يبقاش جوز الست زي ما بيقول ومع كل ده باعني في اقرب فرصه ورماني بطول دراعه لمجرد بس ان هو اكتشف ان انا مش هاقدر اخلف الدنيا عندي مشكله والمشكله دي ما لهاش حل فجاءة على اهون سبب واتخانق معايا خناقه كبيره وقال لي انا محتاج اشوف حياتي ومحتاج اعيش الحياه اللي انت حرماني منها انا ما بقتش قادر على الحياه دي وما بقتش تنفع معايا فانا بمنتهى الهدوء قلت له خلاص تقدر تطلقني وتشوف حياتك انا قلت له الكلمه دي وانا متخيله انه مش هيستغنى عني وهيقول لي لا اتفاجئت بي بمنتهى البرود بيقول لي بكره هنروح للماذون وهنطلق وفي وقتها على طول وانا في صدمتي لم هدومه واخذ كل حاجاته ومشي وانا اصلا ما اعرفش هو هيروح فين له مكان ثاني ولا لا كل ده انا ما عنديش عنه فكره اتفاجئت به ثاني يوم بيتصل بي وبيقول لي يلا علشان هنروح للمأذون انا في الاول فكرته لما قال لي كده انه بس مصدوم اكتشفت انه هو كان نفسه اني اقول له كده من زمان وفعلا قبلته عند الماذون وانا اقصد ميته مش متخيله ان البني ادم اللي انا حبيته وصممت اني اتجوزه بالرغم من انه هيثم كان معترض وقلت له انا هتجوزه تحت اي ظرف اكتشفت ان هو اصلا رايح للمأذون وجايب معه بنت من البنات اللي كانت شغاله عندي في المصنع دخل واطلقنا وهي معه وانا مستغربه عمالها بسال هي جايه معه ليه اكتشفت انه جايبها علشان يتجوزها بعد ما يطلقني لانه شرطاها الوحيد علشان تتجوزوا ان ما يكونش على ذمته حد غيرها فهو لبى طلبها وفعلا اتجوزو من وقتها ما اعرفش عنه حاجه فانا اللي انا عايزه اقوله لك دلوقت انك ما تثقيش في الناس غير لما تشوفي موقفهم لان للاسف الناس مش بتبان بالعشره بالمواقف والمواقف قادره تعرفنا حاجات كثير قوي قوي قوي عمرنا ما كنا هنعرفها بالعشر ة
وظلت تبكي جلست فريدة بجانبها لتهداءها انتي ربنا بيحبك علشان رحمك منه ومستمرتيش معاه في كذبه قولي الحمد لله انتبهت لها أمانى وقالت ايوه صح الحمد لله وهو ده بالظبط اللي عوزاكي تعمليه قولي الحمد لله ومدام في ناس بتحبك وعاوزة تنجيكي متخافيش ابدا ابدا فهماني
فريدة بهدوء : ربنا يخليكي ليا انتي دايما واقفة جنبي
أمانى وهي تمسح دموعها : ومش انا بس اللي عاوزة أقف جنبك والدك كلمني النهاردة
انتفضت فريدة من جانبها انتي بتقولي ايه ابويا كلمك ازاي وقالك ايه؟
أمانى : اهدي شوية بي هو كلمني ازاي والله ما اعرف بس قالي..... وقصت عليها ما حدث
فسكتت فريدة سكوت غريب وقالت لها يعني هو جاي بكرة؟
أمانى بتوجس : ايوة
فريدة : تمام بكرة يفرجها ربنا يلا ننام اليوم المهارة كان تقيل أوي
أمانى : طيب يا حبيبتي تصبحي على خير
وذهبا كل منهما لغرفته وعم الظلام على أركان المنزل
💢💢💢💢💢💢💢💢الحمدلله خلص البارت لحد هنا اتمنى انه يعجبكم وبتعملو له فوت كتيير
اشوفكم بكرة مع أحداث جديدة
فتاة بالهاوية بقلمي :رنا سلامه