فتاة بالهاوية

الفصل الخامس عشر

بسم الله توكلنا على الله ولا حول ولا قوة الا بالله العلي العظيم واتوب اليه عدد خلقه ورضا نفسه وزنة عرشه ومداد كلماته
💞
💞
💞💞
💞💞💞
💞💞💞💞
في فيلا أمجد كان ينتظر ان يأتي له هيثم وبعد وقت بسيط اتصل به هيثم وأخبره بوجوده في الخارج
أمجد : لا والله وانت بقى بتستأذن ولا خايف على الستات اللي في البيت انت بتستعبط يابني ما انت عارف اني عايش لوحدي
هيثم: لا والله ما علشانك أصلا أنا برة وجاي ومعايا أماني مدام فريدة يا محترم يا ريت يكون المكان منااااااسب
هم أمجد من مكانه قائلا : طيب طيب علي ما تدخل هكون لبست ادخل انت على طول يلا يلا سلام
ضحك هيثم غهو يعرف طبع صديقه يحب أن يتحرر دائماً ونظر لفريدة في المرأة فوجدها يبدو عليها الخوف فأراد طمأنتها قائلاً : متخافيش عاوزك تجمدي قلبك علشان النهاردة حتخلصي من جزء كبير من مشكلتك لازم يكون جواكي طاقة إيجابية كبيرة
فريدة : انا بجد مش خايفة انا مش طايقة اشوفه ومش عارفة حقوله ايه اصلا وحديله الفلوس ازاي ما انا كده مضمنش انه يرجع يهددني تاني
أمانى بتأييد لفريدة : انا شايفة إنها عندها حق يا هيثم
هيثم بغموض : ممكن تهدو شوية وتعملي زي ما بقولك حتكلميه و تشوفيه وصل فين وبعدين لما يجي هتشوفي هنعمل ايه ويلا بقى زمان أمجد لبس الدولاب كله
ونزلو جميعاً من السيارة واتجهو لباب الفيلا ودخلو جميعاً اجلسهم هيثم بالجنينة واخذ هاتفه ليحدث شركة البودي جارد وأخبره انهم اوشكو على الوصول فخرج لمقابلتهم والاتفاق معهم
💥💥💥💥💥💥💥💥💥💥
عند سميرة كانت تتحدث مع فؤاد
سميرة : طب وهي هتجيب الفلوس منين يا فؤاد
فؤاد : وانا ايش عرفني يعني وبعدين مش مهم هتجيلهم منين المهم اني هاخدهم وبس
سميرة : يا حبيبي ما أقصدش انا بس قصدي نطمن إنه مش مغرز ليك علشان توقعك في مصيبة
فؤاد : مصيبة ايه المصايب كلها عندها هي وبس هي اللي عليها زلة مش انا انا الراجل الغلبان اللي مراته وحب عمره ضحكت عليه وغشته وهي أصلا بتعمل فديوهات مع اشكال والوان
سميرة : اه بس ماتقولش حبيبته فاهم ولا افهمك؟
فؤاد : انت وبس اللي حبيبي بدماغك الألماظ دي ما لولا دماغك دي ما كناش وقعنا على الراجل الكبير ده ولا حتى عرفنا سكة البنات اللي بتسلكيهمله كل شهر بس انا متعكر علشان الفقر اللي حصل الدور ده البت بت جوزك دي نحس وقفت العملية كلها وقت كبير ويا عالم هنشتغل امتى تاني
سميرة : هانت يا حبيبي هكلم الباشا ونعرف هنغورها أمتى
فؤاد : اه بس أوعى يعرف إني كلمت البت فاهمة ليخاف ويقفل القصة ويروح علينا قرشين حلويين من ورا البت دي
سميرة :لا ما تخافش المهم تطمني عليك وعلى الفلوس يا حبيبي أوعى تنسى أن ليا فيهم نسبة ولا ايه يا سي فؤاد؟
فؤاد بتهرب : اه اه طب لما اجي بقى ربنا يسهل  سلام
سميرة :سلام يا فؤاد شكلك ناوي على الغدر إما وريتك
❄️❄️❄️❄️❄️❄️❄️❄️❄️❄️
عند فريدة بعد ما كلمت فؤاد وعرفت انه جاي كمان شوية جلست مع فريدة تحاول أن تتحدث وتتشارك في المواضيع ولكنها لم يكن لديه اي قدرة فجلست بجانبها أمانى:  وبعدين بقى قلنا ايه يا فري مش اوزينع يشمت فيكي وبعدين هيثم بيقول عاملك مفاجأة حلوة أوي.
فريدة بأبتسامة هادية : هيثم ده ربنا يباركله بصراحة وقف جنبي وميعرفنيش قاطع حديثها دخول هيثم وهو يتحدث بهزار : الله الله يا ست فريدة بتقولي هيثم كده حاف من غير استاذ لا والله صدمتيني  فريدة بخجل شديد للغاية : أ   أنا انا أسفة  مقثدش والله
هيثم بضحك : على فكر انا فعلا كنت عارف ناوي اكلمك في الموضوع ده انا هيثم وبس ذي ما هو
أمانى هزت رأسها واجابت : اكيد بس اديني وقتي وان شاء الله ربنا يسهل
أمانى : المهم ركز هنا دلوقتي اللي هيجي ده انت هتقابله معانا ولا احنا بس وهنقابله بصافتنا الحقيقية ولا ايه
هيثم مش بالظبط ومش هقولك حاجة اصبري وانتي هتفوقي
أمانى : الله هو مش قال إنه خلاص على وصول
فريدة : لا هو شكله مش هيجي اصلا ده طلع ملعون وبيلعب بيينا اصلا
هيثم : لا صراحة ظلمتوه ده اكتر إنسان ملتزم شوفته جاي يجري في مستعجل على رزقه أوي حضرته بس زوقك طلع وحش أوي يا فريدة كنت مفكر إني هشوف شاب كويس على الأقل بس شكله أصلا يغني عنه باين أوي انه سوابق
فريدة : كنت بدور على الاستقرار وخلاص وكنت عاوزة بيت وأسرة والسلام
هيثم : كله بأوانه متستعجليش  ارجوكي
أمانى بتغطية على كلم أخوها : ايه انت بتقول الغاز ليه هو فين جوزها ده اللي جه وشوفته
هيثم : حالاً حتشوفيه لحظات وجاي
ثم خرج من الباب مت جهاً لمكان مثل القبو تحت الارض وبها فؤاد يكاد يموت من كثرة الضرب الذي تعرض له على يد البودي جارد الذي احضرهم هيثم وعند دخول هيثم أمرهم بالتوقف عن ضربه
هيثم : ها يا فؤش ناوي على ايه؟
فؤاد وهو ينازع للبقاء : انت مين وعاوز ايه
هيثم : انا مين؟! 😏انا اللي هطلع روحك؛ اما بقى عاوز ايه ده سؤال حلو؛ بص بقى يا معلم  فريدة زي الشاطر كدة من غير مشاكل هتطلقها دلوقتي على ايد مأذون تمام ده أول أمر؛ كاد فؤاد ان يتكلم فصفعه هيثم بغل وأمره ان يخرس؛ تاني حاجة الفديو اللي معاك ده فين الأصل بتاعه؟
فؤاد بخوف ورجفه : أصله عند سميرة مرات أبوها أصل مرات ابوها هي اللي عملت فيها كل ده
هيثم بسخرية : عارف انها اللي عملت كل ده بس ليه ايه السبب عاوز افهم؟
فؤاد : كيد حريم يا باشا والله وبس
هيثم بسخرية : وانت كمان كان كيد حريم؛ ما تتكلم عدل يلا وهو انت مفكر نفسك هتخرج من هنا تاني ولا ايه انت هتفضل تحت ايدي لحد ما نخلص من القصة دي كلها
فؤاد بخوف : لا يا باشا ارجوك سيبني اعيش وانا والله هبعد عنها  ومش عاوز حاجة خلاص وسميرة كمان هسكتها وقولها اني ما قابلتش فريدة
هيثم : ايوة تعالي بقى دغري وطلع اللي في قلبك سميرة عاوزة ايه منها وناوين على ايه وما تكدبش علشان الله لو كدبت لهسجنك بمليون تهمة أخرها الفديو اللي في جيبك وعادي اسبت انك بتشتغل في تسهيل الدعارة وانك بتستغل زوجتك غصب عنها وهي أصلا بتاخد مخدر وده يبان بتحليل دم صغير ها هتجيلي دغري ولا اشوف شغلي؟ اخلص علشان مش فاضيلك
فؤاد بصدمة مما يسمع هو لم يكن يتخيل أبداً انه ممكن ان يقع في مثل هذه البلوة ابداً فقرر ان يفصح عما يعرف لينجو بنفسه
فؤاد : بص يا باشا والله انا هقول كل اللي اعرفه : هي منها لله اللي اسمها سميره هي اللي عملت فينا كل ده كنت باحبها زمان وكنا هنتجوز لولا طماعها في الفلوس هي اللي عملت فينا كل ده طمعت تتجوز الراجل الكبير علشان كم مليم حيلته والراجل رايل عليها ما صدق لقى واحده حلوه وصغيره كمان فيها الطمع فقال يجدد شبابه معها حضرنا نتقابل فتره بعد ما اتجوزت وبعد كده عرفت منها انها عرفت واحد راجل كبير في البلد له اسمه بيشتغل في الاعمال الخيريه وعنده مستشفيات كثير بياخذ بنات من اللي بتتسول الي في الشارع وبيبيعهم للاشغال المشبوهه لامؤاخذه وفيهم اللي بياخذوا علشان تجاره الاعضاء وهي بتطلع من وراءهم بسبوبه حلوه وبتاخذ من وراءهم مبلغ مش بطاله فزاد منها بعد كده حقدها على فريده خصوصا ان جوزها كان بيدلعها قوي وهي كانت بتغير منها علشان الثانيه كل حاجه لها مجابه وبصراحه البنت كانت عجباني فهي قررت لما عرفت انه انا هتجوزها وانها حلوه في عيني قررت تعمل فيها حوار المخدر ده علىشان تخليني ابعد عنها بصراحه ما بقتش عايزها بعد ما شفت الفيديو بتاع المحروق اللي اسمه كرم بصراحه في الاول كنت متضايق كنت متغاظ منها قوي بس في الاخر جت  سميره وقالت لي انها عايزها في الشغل وان انا هاطلقها بعد كده لما تسافر هم بس عايزينها على ذمتي الفتره مؤقته علشان كده انا لحد دلوقت ما طلقتهاش علشان اكبرها على السفر معهم وبعد كده طلقها ما ليش دعوه بها هم هيتصرفوا معها وهيشوفوها تنفع لاي شغل فيها وهاطلع من وراءها بقرشين حلوين قوي فوافقت علشان أمن حياتي بعد كده
كان هيثم يسمعه وهو يكاد ان يجن ظل يضرب فيه حتى تعب فجلس وظل يبكي على هذه المسكينه هي حقاً مسكينة وقعت بين يدين مافيا وشياطين ولكن مهلاً هو لن ييأس لابد أن يكمل فهب واقفً وعدل من مظهره واتصل بأمجد وطلب منه أن يسبقه بالمأذون للداخل عند فريدة ثم نظر الملقى أرضاً وطاب منهم ان يأخذوه معهم لفوق عند فريدة وذهبو سويا؛ وعندما دخلو لفريدة وأماني ورأو منظر فؤاد شهقت فريدة من هول منظره فنظر لها فؤاد بغضب؛ وتكلم بغيظ : بتعملي فيا انا كل ده ماشي يا فريدة
كل هذا وهيثم يحاول السيطرة على نفسه أمامها فأمسكه من كتفه وتكلم بحده بتقؤل حاجة؟
هز فؤاد رأسة علامة على النفي فدخل في هذا الوقت المأذون وجلس وحضر ورقه وأتم اجراأت الطلاق و أخذه أمجد وخرج فالتفت هيثم ل جاله ان يأخذو فؤاد للاسفل كما كان حتى يبث في أمره وأمرهم ان يأتوله بطبيب وطعام هو يريده حي حتى يتمم إجرأت القبض على حمدي الباشا وهو حاليا اول مسمار في نعش الباشا.
بعد خروج فؤاد التفت هيثم لفريدة وتكلم بأبتسامة دافئة : مبروك يا فريدة
فريدة براحة : الله يبارك فيك لولاك مكنش كل ده حصل
أمانى بفرحة : الحمد لله خلصنا من الكابوس ده كده لازم نشوف ورانا ايه يا هانم الشغل بقالنا كام يوم مش بنروحه لازم بقى تأسسي نفسك ولا ايه
هيثم معلقاً على حديث أمانى :انا مش بخوفك بس لسه الخطر ما زالش للأسف لسه سميرة وحمدي برة السجن والله أعلم مين تاني معاهم بس لازم نوقعهم ولازم فريدة تتمم علاجها نفسياً وجسمانياً علشان تقف على رجليها صح واللي فات ميأثرش على اللي جاي
فريده بجدية : انا معاك في اي حاجة حقولها انا بسببك حسيت بالحرية وعندي طاقة اني احارب الدنيا كلها انا معاك يا هيثم في كل اللي حتقوله
هيثم بفرحة : كده يبقى نتوكل على الله.
💞💞💞💞💞💞💞💞💞💞💞💞💞
خلص الفصل الحمد لله
اشوفكم بكرة
متنسوش الفوت يا حلويين
فتاة بالهاوية بقلمي رنا سلامة