فتاة بالهاوية

الفصل التاسع

بعدما نزل كرم من شقة سميرة اخذ الأول وذهب إلى إحدى الملاهي الليلية ليلهو ويشرب ويفعل ما حرمه الله وفعلا بعدما فعل كل المحرمات بأنواعها خرج من ذلك الماخور وهو يتهاوى يميناً ويساراً ولم يرى أمامه من شدة الثمالة فإذا بسيارة هوجاء تصدمه وتلقى به لجانب الطريق ولكن السائق تركه وهرب وظل على وضعه حتى رأه احد المارة واتصل بالاسعاف وتم نقله للمشفى في حالة يرثى لها.

🕳️🕳️🕳️🕳️🕳️🕳️🕳️🕳️🕳️🕳️
عند فريدة
كانت جالسة على سريرها تفكر بما يحدث في حياتها وما أصابها مؤخراً فهي كانت كل أحلامها ان تتزوج وتستقر وتنحب أطفال تراعيهم فجأة دخلت بمأساة تشبهة البئر العميق الذي لا يرا نهايته من شدة ظلمته ظلت على هذه الوضعية لوقت طويل تارة تبكي وتارة تفكر إلى أن إنتشلها صوت أمانى من أفكارها وهي تقول : ايه الجميل سرحان في إيه؟
فريدة بأبتسامة لا تصل لعينيها : ابدا بفكر شوية في حل للي انا فيه؛ المهم بس قوليلي الاستاذ هيثم وصل؟
أمانى :  اه يا حبيبتي الحمد لله وصل بس بصراحه مرضيش ياكل لما عرف إنك عاملة الاكل ومش هتاكلي فهو استأذن إنه يدخل يغير وياخد شاور وهيرجع ناكل كلنا سوا هو حابب يتعرف عليكي و احم و يعد إذنك لو ميضايقكيش إحنا عاوزين نشاركه في المشكلة بتاعتك هو محامي شاطر على فكرة وكان من ضمن فريق محامين كتير في شركة في الكويت بس اكتشف تلاعب وقضايا اتجار بالبنات وكان بيفتش في الموضوع  بس الراجل اللي متورطت بالموضوع ده شوكته حامية أوي فرجع لمصر وقال يتابع كل حاجة من هنا أفضل  واهو يبقى معانا
فريدة : يا لهوي كل ده واضح ان مش احنا بس اللي بنقع في المصايب المهم علشان مايجيش واحنا لسة جوة ميصحش يلا بينا دلوقتي وهمت ان تقوم ولكن اوقفها أمانى
أمانى : ايوة حنخرج ما قولناش حاجة بس انتي موافق  على اللي قلته ولا لا؟
فريدة : يا أمانى انتي اكتر واحدة وقفتي معايا وسندتيني في حياتي وانا مش هثق في حد زيك شوفي ايه الصح وانا معاكي في أي حاجه
أمانى : خير يا حبيبتي بأذن الله كل حاجة حتكون كويسة متقلقيش خالص اصبري بس كده وان شاء الله هيثم هيعمل اللي يقدر عليه يلا بقى هنتأخر
خرجا سويا يعدان الطعام قبل رجوع هيثم.
💢💢💢💢💢💢💢💢💢💢💢💢
في منزل الحاج حسين كان جالس يفكر بقهر على ما وصلت له ابنته على يد زوجته وظل يناجي ربه ويتحدث لنفسه بقهر : اه اه من اللي عملته فيكي يا بنتي انا لو اعرف انها هتعمل كده في بنتي كنت موتها والله لو قتلك هو الحل ما كنتش اتأخرت بس ماهواش حل كده هضيع حقها انا لازم أقعد معاها واكلمها لازم اراضيها واعرفها اني مش هسيب حقها بس يا ترى هي فين تليفونها ديما مقفول اكيد غيرته خايفة مني يا بنتي يا حبيبتي ولكن هنا قطع تفكيره صوت هاتفه نظر له وجده رقم غير مسجل فرد بسرعة ظناً منه إنها فريدة ولكن وجد. صوت شاباً يقول له : حضرتك الحاج حسين
حسين : ايوة يا بني خير مين حضرتك؟
الشاب : حضرتك إحنا استقبال مستشفى.......... وعندنا مريض جاي في حادثة وحالته حاليا حرجة جدا جدا وطلب حضرتك بالاسم ويبلغك تلحقه قبل ما يقابل ربنا.
حسين بفزع وربكة : لاحول ولا قوة الا بالله العلي العظيم مين يا بني ده طيب.؟
الشاب : ده واحد اسمه كرم  بس يا حاج ضروري بسرعة لانه بيقول عاوز يعرفك حاجة مهمة
حسين بربكة : كرم انت متأكد انه كرم
الشاب : ايوة يا فندم
حسين ببعض الهدوء : حاضر مسافة السكة
أغلق الهاتف وقام ينادي سميرة في كل مكان بالشقة ولكن لم تجيب فعرف إنها خرجت فخرج هو أيضا حتى يعرف ما يريده كرم هو لم يشمت به ولكن حمد الله إنه لم يستطيع مراقبة ابنته مرة اخرى ولكن عندما دخل  المستشفى وجده بحالة صعبة جدا جدا فأقبل عليه وهو فعلا يشفق عليه مما حدث له
ولكن هنا أتى صوت كرم وهو صوته ضعيف وواهن
جداً جداً يقول : يا عم حسين مفيش وقت وانا عارف اني دي نهايتي وادعيلي ربنا يغفرلي علشان اقابله وانا نظيف ارجوك سامحني وقول لفريدة تسامحني ارجوك
حسين : فريدة هي فين فريدة هو انا عارف أوصلها متفكرش إني معرفش عن عملتك السودة انت واختك بس انا مستني احمي بنتي ومش هسكت حتى لو حموتكم.
كرم : حقك بس اسمعني علشان خلاص  مفيش وقت
ع عرف فريدة إن سميرة وراها بيه كبير أوي شغلته يشغل البنات في شغل شمال وبعدين لما فلوسها تقل بيبيعوهم أعضاء الناس دي فريدة مش قدهم دول مافيا عالمية وهي مش هتعرف تقف لوحدها
وسميرة مش هتسيبها غير لما تسلمها ليهم علشان تخلص منها😷😷😷😷 والفديو اللي راح لجوزها كان قبل الفرح سميرة بعتته ل ل لفف لفؤاد  علشان يسيبها ويرميها
حسين : منكم لله حسبي الله ونعم الوكيل فيك وفي اختك عملتلك ايه بنتي علشان تعملو فيها كده دي عمرها ما أذت حد خالص
كرم : اسمع اخر حاجة يا حاج علشان مش قادر  ولازم ارتاح؛ انا اسف فعلا اني دوست على بنتك وعرضها انا وسميرة كنا بنخدرها وكانت بتصورها وهي معايا 😔😔😔😔😔
حسين بهياج : هو انت كسرت ايد ولا رجل انت ضيعتها ودوست عليها دمرت مستقبلها روح يا شيخ منك لله مش مسامحك واختك دي هخليها تحصلك انت فاهم
كرم :............
حسين : انا بكلمك انت عامل كده ليه؟
كرم :.............
حسين:أستغفر الله العظيم وأتوب إليه إن لله وإن إليه راجعون؛ إن لله وإن إليه راجعون
وخرج وترك المستشفى بأكملها بعدما أخذ رقم أمانى من على هاتف كرم كما اخبره كرم وقام بمسح الهاتف حتى لاتعرف زوجته اي جديد  عن ابنته وقرر ان ينقز ابنته بأي شكل ويراضيها.
🕳️🕳️🕳️🕳️🕳️🕳️🕳️🕳️🕳️🕳️🕳️🕳️🕳️🕳️
إنتهى البارت لحد هنا هو صغير النهاردة بس تتعوض بكرة بأذن الله استنوني في أحداث جديدة ومفاجأة مش متوقعة
فتاة بالهاوية بقلمي رنا سلامه٠