#السمراء_المستحيلة🖤🌻
#بقلم : موده محمد
#البارت : {1}
_ ما اتكلمتي معاهو تاني ؟!
~ لا .. ولا ح اتكلم اصلاً 😏
_ هو اعتذر ليك لكن ..
~ حتى و لو اعتذر.. .ما عايزة اتكلم في الموضوع ده تاني😒
_ ما تبقي قاسية ياخ
~ عايني انا زاتي ماشه .قمت خليتها و رجعت البيت مع اني مغيوظة من متوكل شديد بس اتمالكت نفسي ما اتصل ليهو و انفعل فيهو دخلت ادوشت عشان الغضب يخف ..
تعالو اعرفكم عليها :
اسمها طيف💛 سمراء ملامحها جميلة عيونها متوسطة عسلية🤤💛 حواجبها كثيفة و مرتبة...💛 يعني بالجد حلووة { و كل السُمُر حلوين🖤🔥 }
امها اسمها ياسمين حلوة و بتهتم بي نفسها و بي أولادها شديد💙 و صحبتهم قبل كل شي ....💙 زولة فاهمة لي حد بعيد....💙🥀
ابوها ابوبكر راجل متدين و مسامح علاقاتو حلوة مع جيرانو و اهلو🖤🖤
بت واحدة عند امها
" الكلام الفوق ده كانت بتتكلم مع شادن صحبتها "
نرجع...
من التعب طوالي رقدت و نمت حوالي ٣ ساعات بعدها صليت العصر و كنت جعانه شديد مشيت اكلت ... لقيت متوكل متصل ما كنت عايزة ارد طوالي فصلت الخط
ختيت مساند في الارض و اتربعت دخلت الفيس و كنت بكتب في موضوع كده استغرق مني ساعة بعد انتهيت طلعت من الفيس و ختيت التلفون في الدولاب ...لبست لي عباية و طرحة كلمت امي انو ماشه لي بت جيرانا... دقيت الباب تلاته مرات حتى فتحت لي
نودين : كيفك اتفضلي ادخلي
- تمااام وانتي كيف
نودين : والله بخير
- وين مختفية ؟ طولتي ما جيتينا
نودين : طيف انتي عارفه شغل البيت والله ما لاقية طريقة زاتو عشان اخد نفس☹️
- فعلا والله و خاصة مع الشفع ديل صعبة..
عملت لي شاي و اتونسنا و رجعت البيت
صباح اليوم التاني :-
في بيت صغير في حي من احياء امدرمان كانو اسرة مكونة من أمـ و أب و ولد صغير و بنت اصغر منو شوية
سعاد " امهم " كانت واقفة في مطبخ صغير مبني من العصا بتحضر في شاي اللبن اثناء ما بتحرك في الشاي
حست بي يدين صغيرونة بتلفت فيها قالت نعم و قبلت ناحيتها
رحيق : ماما دايلة ثتولاته😢 ( دايرة شوكلاتة )
= حاضر ي عيون ماما انتي💋
اصلا عودت بتها ع الشوكلاته💛 قالت ليها اقعدي في الكرسي ده لحدي ما تخلص الشاي .... نادت ربيع و شربتهم الشاي..
جهزت حاجاتها عشان ماشه تجيب الخضار اتصلت لي بت جارتها
= صباح الخير
لجين : صباح النور
= كيف اصبحتو ؟!
لجين : كويسين الحمدلله وانتو كيف
= بخير و عافية .. عايني تعالي اقعدي مع اولادي ديل مسافة اجيب الخضار و اجي ..لو ما عندك شي
لجين : لالا ما عندي شي بجي اقعد معاهم هسي...
= طيب ، يلا 💛👋
لجين جات طوالي ..و سعاد سلمت عليها و طلعت ...بي جاي لجين لعبت الاولاد و سرحت لرحيق شعرها♥️♥️
سعاد لما جات كانت مبسوطة من لجين شديد على تعاملها الحلو مع اولادها..🤍🌺
بلسان سعاد :-
لما قعدت كده بي حبة جاتني رحيق جارية
رحيق : ماما عاني لُدين سلحت لي شعلي كيف
" عايني لُجين سرحت لي شعري😹 "
- حلووو💋
اديتها الشوكولاته حقتها و ربيع برضو اديتو حقتو....
لجين قالت ماشه قلت ليها اصلو ما بتمشي الا تفطري معانا بعد اصرار مني حتى وافقت
فطرت معانا و قعدت حبة و مشت بيتهم.
^^ طـيف💛 ^^
كنت بنضف ف البيت بعد انتهيت اخدت لي دش و لبست شداد اسود و فنيلة رمادية تحت الكمر بشوية...
شلت ال Max tella من الدولاب و قعدت اكل بمزاج عالي🤤🖤🖤
في اليومين ديل متوكل بتصل و انا م برد عليهو النهار كده كنت نايمة بس صحيت بصوت التلفون و هو برن كم مرة
لقيتو ده أحمد
الوو
* طيف كيفك ؟!
عافية و انت كيف
*انا بخير الحمدلله
خير ؟؟ مالك متصل كتير كده🤨 ؟!
* عايني متوكل ده تعبان شديد يا طيف .. و قال عايز يشوفك و يتكلم معاك هسي
≈ متوكل مالو😭 ؟!
*انتي تعالي و بحكي ليك
≈ طيب جاية😭😭
يتبــــــع.....💛
