#السمراء_المستحيلة🖤🌻
#بقلم : موده محمد
#البارت : {3}
بعد رجعت البيت و ارتحت عملت بسيمة🤤♥️
و موقف احمد ده شاغل بالي شديد ..اول مرة يكون بالطريقة دي .. أحمد اتصل ما كنت عايزة ارد عشان موقفو البايخ ده ...لكن عايزة افضي غضبي فيهو
= طيف ؟!
_ ولا طيف ولا شي😒
= اسف 😔 انا عملت كده عشان بحبك يا طيف.... وربي بحبك
_ { ضربات قلبي زادت😳❤️ } اتمالكت نفسي و قلت ليهو
واو الحب كده يعني ؟!
طيب الغيرة في نظرك تتضايق من تصرفاتي مع صاحب عمرك ؟!
و لا تفتكر انو انا و متوكل بنحب بعض ؟! الحب " تَفهُمـ " و اهم شي تتفهم الطرف التاني ....و انت للاسف ما عندك الحاجة دي 🙂 !
= انا بغير عليك شديد يا طيف .. اعمل شنو يعني ؟! ما بقدر امسك نفسي ☹️ و اسيطر على غضبي ...
_ نتكلم في وقت تاني 🙂 ... تعبانه عايزة انوم ...
= طيب .اخدي راحتك
( اي جني نومـ عارفه😂😂 )
« نودين » :
قمت نضفت البيت و عندي ملابس ما نضيفة قمت غسلتها .. لما جاني وجع ضهر من الغسيل😫😫 بعد انتهيت طوالي استحميت و حممت اولادي و جرري للنومـ نُمنا انا و اولادي بعد ٣ ساعات كده و انا نايمة سمعت صوت الدولاب و هو بفتح ...فتحت عيوني لقيتو ده راشد
معقولة نُمنا الزمن ده كلو ؟!
-راشد😴 جيت متين ؟!
= جيت هسي....
ـ كويس...قمت اتوضيت و صليت العصر ..صحيت محمد و عمار ( ديل اولادي ) و ختيت الغداء اكلنا كُلنا مع بعض ..قمت غسلت عدة الغداء و جيت قعدت جمب راشد ...
ـ راشد عليك الله وافق ياخ
= نودين انا خايف عليك انتي لأنو المسؤلية ح تكون كتيرة عليك و ما ح تقدري توازني بين الجامعة و البيت ..
- هي كلها سنتين ح اضغط فيهم نفسي عشان مستقبلي
= خلاص مدام مُصرة ح اخليك تواصلي قرايتك و ربنا يعينك ان شاء الله
واي ما بتتخيلو فرحت قدر شنو 😭😭😭 طوالي ضميت راشد شديد و انا بقول ليهو بحبك والله😭💛💛💛💛
= و انا كمان بحبك شديد يا نودين🖤🌷
« سعاد » :
كانت قاعدة و معاها نسوان الحلة بشربو في الجبنة و يتونسو ..اساسا هي عملت الجبنة و عزمتهم ..
سمية : والله منال دي ما بتطلع لي زول نهائي الا يكون في بِكا ولا عرس في الحلة غير كده ما بتطلع بس قافلة بابها عليها🙄
ـ ربيعة : مفروض تطلع تتفقد جاراتها كل مرة
سُعاد : بكون عندها ظروف يجماعة.. " الناس ظروف والله "
اخدو ونستهم و طلعو فضلت زينب مع سعاد
زينب : انا عندي فكرة حلوة للقعدات دي ..
سعاد : اها قولي😍
زينب : طيب ! بدل القعدات تكون كلها ذنوب و قطيعة في الناس و نميمة ..و تكون سبب لدخولنا النار ..الافضل تكون للذكر💗💐 و نفع لينا في الدنيا و الاخرة..
سعاد : بالجد والله فكرة حلوة شديد🤤❤️ اها تمي
زينب : مثلا اي وحدة حافظة قصة من قصص الانبياء تحكيها لينا و العندها معلومة تقولها و كل مرة نمسك موضوع نتكلم فيهو و العندها كتب دينية تورينا ليها عشان نستفيد من بعض بقدر الامكان
سعاد : ما شاء الله عليك 🥺💛 ياريت النسوان كلهم زيك💛
زينب : تسلمي يارب
يتـــــبع.....💛
