#السمراء_المستحيلة🖤🌻
#بقلم : موده محمد
#البارت : {7}
بعد خلصت كل شغلي في البيت كلمت امي انو ماشه اشوف لي معهد و اسجل فيهو قالت لي امشي.... بسرعة ادوشت و لبست و شلت تلفوني و القروش و طلعت لفيت كم معهد كده حتى سجلت في واحد منهم طلعت اشتريت اكل من مطعم و اكلت في العربية بعد خلصت جاني اتصال من متوكل فتحت الاسبيكر و انا سايقة بعد السلام و كده قال لي عايز يلاقيني ضروري قلت ليهو انا اصلا برا البيت وصف لي المكان ال ح نتلاقى فيهو و مشيت عليهو
متوكل : السمحة🖤
–عيونها🤤🤤
* : كيف حالك ؟!
– بخير الحمدلله ..انت كيفك ؟!
* : عافية والله
–احكي
* : طيف انا مسافر الاسبوع الجاي تركيا و ح اشتغل هناك
– متوكل انت جادي😭 ؟!
* : جادي والله يا طيف ..
– ليه بس😭 ؟! يعني تاني م ح تكون جمبي و ما ح اشوفك و لا ح اطلع معاك و لا ح نعمل اي حاجة سوا 😭😭😭
* : طيف عارفها صعبة عليك و م براك والله ..انا زاتي صعبة علي و يمكن اكتر منك كمان بس فترة و ح تعدي ان شاء الله و ارجع و نتلاقى و نعمل اي حاجة عايزنها...
كنت ساكتة و دموعي ما وقفت
* : انتي عارفه اوضاع البلد كيف و الزول م بقدر يأمن مستقبلو بسهولة صح ؟؟ ما عايزة تشوفيني ناجح ..
ابتسم و قال لي ي حاقدة م بتتمني لي الخير 🙂؟!
ضحكت و قلت ليهو يا غبي ماف زول بتمنى ليك الخير اكتر مني 😑
* : عارفك والله💛💛
– ربنا يوفقك ان شاء الله و ترجع لينا بعافية 😔
* : اللهم امين يارب ..دعواتك ي غالية
– اكيد ☹️
* : م محتاج اكلمك عشان ح تمشي معاي لمن اعمل الاجراءات😊
– اساسا😃♥️
اتونسنا شوية و رجعت البيت من دخلت غرفتي بس قعدت ابكي حرفياً حاجة صعبة شديد 😭 متوكل ده جزء اساسي في حياتي و م بقدر بدونو ..دايما لمن اكون عايزة اجرب اي شي ولا اي مكان لاول مرة كان بمشي معاي و لمن اكون زعلانه من حاجة اول زول بخطر ع بالي هو .. لمن ازعل بعرفني من ملامحي و لمن اتوتر بخفف علي و لمن اكون عايزة اعمل اي شي بكلمو و بنخطط سوا يعني بالجد هو "رفيق دربي🤎"
بنستشير بعض في كل أُمورنا الشخصية و غيرها ..ح افقدو شديد والله😭 ربنا يرجعو سالم و يوفقو 💛💛
« نـودين » :
كان يوم الخميس مشيت الجامعة و مر اليوم عادي لحدي يوم الجمعة الصباح كلو انتهى مع النضافة و الفطور ..بعدها ادوشت و صليت الظهر و اخدت لي نومة لحدي العصر قمت عملت الغداء
–راشد بكرة عايزة امشي ناس امي اقيل معاهم
* طوالي تمشي ليهم🧡
– بكرة شغال انت ؟!
* اي.. بوصلكم و لمن اجي راجع بسوقكم
_ كويس
تاني يوم اتجهزنا و راشد وصلنا لي ناس امي سلمنا عليهم و انبسطو بي جيتنا ..فطرنا معاهم و طبعا نمارق اختي من جينا ماسكة عمار و محمد و تلعب فيهم و هم كمان اخر إنبساطة😹 ..
امي : كيف مع الجامعة و القراية ؟؟
–ماشي الحال ..لكن والله تعب شديد مع البيت و الاولاد😫💔
امي : صعبة والله ..طيب كان تخليها ي نودين انتي عندك اولاد و بيت و راجل م بتقدري عليها والله
– لالا ي امي اخليها كيف يعني ؟؟
لو كنت عايزة اخليها م كان رجعت ليها ي امي ..اي صاح صعبة مع الشفع و كده لكن كلها السنة دي و السنة الجاية بس و بعدين انا شغالة تلاته يوم في الاسبوع بقدر على البيت و الاولاد ان شاء الله و الغسيل و الحاجات الصعبة بشتغلها الايام ال م مداومة فيهم ..
امي : خلاص مدام كده ربنا يسهل عليك ان شاء الله
– امييين يارب ادعي لي كتير ي امي💜
امي : سمح بدعي ليك
قضينا الوقت كلو ونسة و ضحك و عملنا الغداء سوا و بعد اتغدينا اتصل راشد قال في الشارع جاي علينا ..اتجهزنا و منتظرنو .. لمن وصل دخل سلم على ابوي و قال ليهم بنجيكم مرة تانية ان شاء الله و نقعد معاكم فترة اطول ..
ودعتهم و طلعنا بعد وصلنا البيت و غيرنا و عمار و محمد كانو نايمين رقدتهم سوا
راشد : كيف كان يومك❤️؟!
– حلوو والله اتونسنا و غيرنا جو
راشد : كويس طيب ..يوم نعزمهم عندنا
– اي فكرة حلوة💛 بحبك ي راشد بالجد انت ماف زيك😭❤️❤️ ....
راشد مسك يدي و قال لي و انا كمان بحبك شديد ي نودين و ربنا م يحرمني مِنك😴🖤
« سُعاد » :
بعد خلصت من نضافة البيت كان عندي ملابس كتيرة وسخانه قعدت قعدة وحدة و غسلت.. لمن انتهيت ضهري وجعني شديد فتحت المكيف و تاني م حسيت بي حاجة من التعب
بعد زمن طويل حسيت بي زول محاوطني بي يدينو و بنده علي بصوت اقرب للهمس فتحت عيوني بتعب و عاينت ليهو في عيونو
ايمن : حبيبي انتي كويسه ؟!!
– الحمدلله بس مُرهقة شوية
ايمن : من شغل البيت مش ؟!
– لا بس عشان غسلت الهدوم ضهري وجعني
ايمن : طيب ليه تغسلي كتير كده ي سعاد ؟!
– عشان الهدوم اتراكمت شديد
ايمن : حبيبي م تستعجلي على حاجة اشتغلي بي كيفك و م تضغطي على نفسك طيب ؟!
– حاضر
اثناء ما بنتكلم انا و ايمن سمعنا صوت ربيع ببكي قمنا جرينا و نحنا مخلوعين طلعنا لقيناهو قاعد في الواطة و ماسك يدو و كل مرة بعاين ليها و بزيد في البكاء شلتو و قلت ليهو مالك يا ربيع ؟؟ في شنو ؟؟
ربيع : الكديسة عضتني😭😭
لما شفت يدو لقيتها مجروحة لمن نزفت قلت ليهو اوعك تاني تهبش الكديسة كويس ؟! قال لي تاني م بهبشها عشان م تعضيني 😢 نضفت ليهو الجرحة و لفيتها
رحيق مشت ل ربيع و قالت ليهو " معليس تاني نلعب ثوا ما نلعب مع الكديثة خلاث م تبكي😢 "
انا و أيمن بقينا نعاين ل بعض و نبتسم قلت ليهو الاطفال ديل بريئين شديد ربنا يحفظهم ان شاء الله❤️❤️❤️❤️❤️❤️ .
يتبـــع.......
