#السمراء_المستحيلة🖤🌻
#بقلم : موده محمد
#البارت : {6}
صحيت بدري صليت و نضفت البيت كلو بعدها دخلت غرفتي فتحت تطبيق حق تعليم اللغة الانجليزية قريت قريب الساعة كده بعدها عملت الفطور ناديت امي و قعدنا نفطر
ياسمين : طيف ارح نمشي لي ياسر خالك ده طولنا منو شديد
– اي والله مدام قاعدين ساي احسن نمشي ليهم
ياسمين : خلاص نشرب الشاي بس و نقوم
– طيب
عملت الشاي وديتو لي امي و انا شربت في غرفتي و ادوشت لبست فستان مع شنطة صغيرة اتصورت كم صورة كده و طلعنا
وصلنا و سلمنا عليهم اتونسنا و جابو لينا القهوة و صلينا العصر بعد شوية كدا جابو الغداء اتغدينا ودعناهم و طلعنا زي ربع ساعة كده وصلنا البيت طوالي غيرت ملابسي و نمت💛 بعد صحيت صليت المغرب و عملت شاي لبن و قعدنا انا و امي و ابوي شربنا سوا و اتونسنا كده بعدها رتبت غرفتي اثناء م برتب سمعت صوت تلفوني بضرب....
–الوو
** شنو الغيبة دي ؟! لا بتسألي و لا بتسلمي شكلك نسيتينا عديل🙂
– والله مشتاقين🥺 معقولة ياخ انت بتتنسي هو
** ما ظاهر لكن + لو مشتاقة كان اتصلتي ..
– مشغولة بس حقك علي يا متوكل
** يا زولة ماف مشكلة مدام مشغولة❤️🙏🏽
– كيفك ؟!
** ما كويس ي طيف😔
–ليه😢 ؟! مالك في شنو ؟!
** ما عارف اقول ليك شنو ي طيف
– متوكل قول ياخ فـي شنو ؟!
** اتشاكلت مع ايات لأنو هي م قادرة تفهم انو نحنا اصحاب
صراحة راسي شطب م عرفت اقول شنو ..يعني بقيت سبب في انو متوكل يزعل و يتشاكل مع ايات بسببي
– ليها حق ي متوكل اي بت لو كانت مكانها ح تزعل و تغير عليك مني😊
مع انو نحنا اصحاب و اخوان م اكتر بس البفهم الناس شنو💔 دموعي نزلت لا ارادياً
** م ضروري زول يفهم ي طيف ..خلي اي زول يفكر زي ما عايز ما مهم ..المهم انو انا و انتي نفضل اصحاب و اخوان و م نتأثر بي شي
– طيب و ايات ؟!
** ايات انا بحاول اتفاهم معاها براحة بس انتي ما تشيلي هم اوكي ؟؟
– اوكي😔💛
قفلت منو و انا لسه مضايقة من الموضوع ده بكيت حتى حسيت نفسي شوية ارتحت
فتحت الواتس لقيت احمد مرسل لي
" إذ كانَ الحُب قدر فـ أنتي قدري؛ وإذ كان إختيار فـ انتي إختياري🤍 "
ابتسمت لما قريتها اكتفيت بي انو عملت ليهو لوڤ للمسج و خلاص
م عارفه بس فرحت بي رسالتو دي و حسيت كأنو م كنت مضايقة و ببكي ..زي ما بقولو جات في وقتها و عدلت مزاجي للاحسن ♡♡
" ما تبخلو على زول بكلام حلو قادر انو يفرحو و يعدل مزاجو ..اوقات كتيرة لما نقرا كلام حلو بنتشلنا من الحزن الإحنا فيهو و بدينا طاقة ايجابية و بملانا تفاؤل و نشاط .. كل م تحسو انو في زول حاسي بي ضيق و زهج حاولو فرِحُوهو و لو بأبسط حاجة ..إحساس عظيم والله "
« نـودين » :
في اليوم ال م عندي فيهو جامعة ده اهتميت بي عمار و خليت بالي منو و من محمد كمان لحدي م عمار اتحسن و بقى كويس الحمدلله و برضو قرايتي م مقصرة منها و كل م القى زمن فاضي بقرا... في يوم راشد جاء من الشغل زهجان و الضيق ظاهر في وشو لمن استغربت فيهو و بقيت افكر يا ربي راشد ده بكون حاصل ليهو شنو 💔 لمن ختيت الغداء راشد اكل بسيط و قام ..اصلو م حاولت اتكلم معاهو لحدي م الاولاد نامو جيت قعدت جمبو و مسكت يدو
– راشد حبيبي في شنوو 😔؟! من ما جيت و انت ما على بعضك ..احكي لي في شنو ؟!
راشد : والله يا نودين قروشي اتسرقت💔 الحمدلله ربنا يعوضني بس💔
– لا حولة ولا قوة الا بالله .. حسبي الله و نعم الوكيل في الحرامية ديل..غايتو البلد دي الله يكفينا شرها
اتكلمت معاهو مسافة كده العرفتو انو قروشو الاتسرقت كتيرة ما شوية يعني😢 والله بالجد حارة شديد كونو تشتغل و تتعب و تجي اخر اليوم مرهق و في النهاية لمن تجمع قروش من تعبك ده تجي بكل بساطة تتسرق منك غايتو بس حسبي الله في اي زول بسرق ..و بشيل تعب زول من غير ما يراعي ليهو و انو هو تِعِب قدر شنو لحدي م جمعها ..
الصباح مشيت الجامعة عدا اليوم و رجعت البيت نضفتو و عملت الغداء اكلت عمار و محمد و قعدت اتحنن
لكن اه وين ياه 🥲 عمار و محمد بلعبو جمبي و كل مرة يخربوها لي
رسلت محمد ينادي لي منى من بهناك مشى و جوني بعد مسافه هو و منى ...سلمت عليها و قلت ليها امسكي لي الشفع ديل م تخليهم يجو علي
و قعدنا نتونس ساي طولنا من بعض ياخ ..
منى : اها كيف مع الجامعة ي بت ؟!
–والله تعب بس🥹🥹
منى : اصلا ي بت ربنا يسهل بس
–اي والله
منى : طولتي من ناس امك يا نودين ..كان تمشي ليهم يوم جمعة ولا سبت
–فعلا والله طولت شديد لكن ان شاء الله بمشي ليهم يوم اقيل معاهم ..
« سعاد » :
الحوش نضيف و مرشوش ..ريحة الطين المنعشه ..الكراسي المقابلة بعض و في نصهم تربيزة فيها كبايتين ليمون بالنعناع
ايمن : سُعاد انتي بتحبي شنو ؟!
~ بحبك انت طبعا😌❤️
ايمن : حبيبي ياخ .. انا واثق لكن تاني بتحبي شنو عايز اعرف اي شي بتحبيهو
~ بحب الشوكلاتات و الهدايا و بحب السفر و الرحلات و الاندومي🤤 و الميك اب😫♥️♥️ .......الخ
ايمن : في حاجات م كنت عارفها🌚
~ و هسي عرفتها ما فات شي😹😹
ايمن : عارفه يا سُعاد ؟؟
~ اها
ايمن : م عارف بدونك كنت ح اعمل شنو يعني جد يا سعاد انتي ربنا عوضني بيك ..كنتي لي الصديقة و الحبيبة و السند ..استحملتيني في كل حالاتي لا كليتي لا مليتي .. اي حاجة بقدمها ليك شايفها بسيطة في حقك لانو والله انتي ماف زول زيك ..بحمد ربنا على انو جمعني بيك ♡♡♡
سعاد : ايمن يروحي انت😭😭
يتبـــــــع..........💛
