#السمراء_المستحيلة🖤🌻
#بقلم : موده محمد
#البارت : {5}
لما كان بقول في كلامو ده انا مرة اعاين ليهو و مرة اعاين ف الارض و مرة اقبل ع اتجاه تاني....
~ اخدت نفس مسافة و طلعتو حتى قلت ليهو يا احمد انا اول شي م زعلانه ع موقفك داك او خليني اقول كنت زعلانه و خلاص الزعلة راحت☺️💛 + انا بحترم مشاعرك ناحيتي و كلامك كلو عين العقل..ف عشان كده ح اخد وقتي الكافي في التفكير زي م قلت انت و بتمنى منك تتقبل اي رد مني بعد الوقت المناسب و اي قرار م يأثر على علاقتنا قبل الكلام ده طيب ؟!
أحمد : ان شاء الله يا طيف🖤
بعدها اتونسنا عادي و طلبنا نسكافي بعد خلصنا طلعنا قبل افتح العربية احمد قال لي دقيقة مشى طلع بوكس كده من عربيتو و جاني خت البوكس في المقعد الجمبي وقفل الباب طبعا م سألتو ودعنا بعض و مشينا رجعت البيت غيرت ملابسي و ريحت شوية تاني قمت طبقت الهدوم الغسلتها قبيل و دخلتها الدولاب و اتوضيت صليت العصر ..دخلت المطبخ سخنت اكل و ظبطت الشطة🤤🔥 و قعدتا اكل بمزاج... بعد انتهيت طلعت اشوف البوكس الاداني ليهو احمد
ياخ فرحت شديد لما شفت جواهو شنو😭🤍🤍 خاصة اني بحب الشوكلاته جداً🥺🥺 و كمان لما قريت المكتوب في الورقة م قدرت اعبر... لما دمعت من الفرحة ساعتها عرفت أحمد بحبني قدر شنو☹️🤍
و اتمنيت انو ربنا يسعدو زي م اسعدني بي هديتو دي🫶🏻 .....
مر الوقت سريع و بعد صلاة العشاء طوالي رُحت في سابع نومة......
« نودين » :
مر زي اسبوع و في الاسبوع جهزت كل حاجة للجامعة و طوالي نزلت الاحد..حرفيا اول ايام كانت صعبة عديل بجي القى الشفع من اللعب الكتير ملابسهم اتوسخت بقوم احممهم و اغير ليهم و اعمل الغداء و الشاي ده كلو حالتي بعد م اجي من الجامعة لكن بعد ده راشد م مقصر معاي و بساعدني دايما و كتير بعمل الشاي و بمسك لي الشفع عشان اقدر اقرا .. يعني تقدرو تقولو بعد مُدة من الزمن قدرت اعمل توازن بين الجامعة و البيت و لولا راشد كنت م ح اكون فاهمة شي لقرايتي ..كل مرة بذكر نفسي " انو عادي اتحمل كل الصعوبات البتواجهني في مشوار قرايتي ..لأنو في النهاية ح احصد نتايج حلوة و انسى كل التعب وقتها من الفرح "
في يوم جيت من الجامعة و لقيت عمار راقد في الغرفة و ساكت و محمد قاعد جمبو اول م قعدت جاني محمد قال لي امي عمار عيان☹️ اتخلعت طبعا و جيت هبشتو لقيت جسمو مسخن انا لمن اتلبشتَ 💔 قمت طلعت طرحتي و الجزمة و العباية و مشيت جبت موية باردة و قطعة نضيفة ..قعدت جمبو و أول شي ضميتو علي مسافة و قلت ليهو عمار حاسي ب شنو حبيبي💔 ؟! مالك ؟!
الفهمتو عندو حمة و وجع في بطنو ( عمار اصغر من محمد بي سنتين ) عملت ليهو مكمدات و غليت ليهو حِلبة خليتها لمن بردت حبة و اديتها ليهو ..مشيت استحميت و رتبت الغرفة سألت محمد قلت ليهو عمار اكل ؟! قال لي لالا ابى ياكل
حمرت بطاطس و ختيت معاها جبنة و قعدت اكلتو عارفاهو بحب البطاطس و الحمد لله أكل💛 بعدها رقدتو كويس عشان ينوم
الحاجة الكويسة انو بكرة م شغالة جامعة ...فضلت طول اليوم براقب في عمار كل خمسة دقايق ..شوية و الحمة نزلت الحمدلله بعدها مشيت قريت زي ساعة كده ..كنت مرهقة شديد عملت عصير و اديت محمد و نومتو جمبي هو و عمار و انا نمت في نصهم💛
« سعاد » :
كانت قاعدة مع ايمن و بتونسو و قدامهم شاي و ربيع و رحيق بلعبو جمبهم ..
أيمن : رأيك شنو بكرة نمشي البحر من الصباح بعيد عن جو البيت المُمِل ده نغير جو بالمرة و نتونس 🧡🧡
سعاد : فكرة حلوة ياخ🥺❤️ طوالي اصلا زهجت من قعدة البيت دي☹️.......
أيمن : بما انو ح نقعد هناك كتير شوفي الحاجات العايزاها و وريني عشان اجيبها ليك
سعاد : خلاص طيب بشوف انا عايزة اعمل شنو و بعدها بكلمك
أيمن : كويس
جهزت ملابسنا كلها و فكرت اعمل شنو لبكرة ...الصباح لما اصبح قمت عملت خلية نحل و سلطة أسود و سلطة جزر و للتحلية عملت بسبوسة و كيك و كده خلصت💜🤗
مشيت حممت ربيع و رحيق و لبستهم ...بعدها ادوشت و لبست لي فستان و شبط واطي عشان اخد راحتي في المشي ... و أيمن لبس بنطلون و قميص
و قبل نطلع عملت لي قهوة سريعة كده و طلعنا
يلا نروح على شط البحر💜 🎶
بالرمل الناعم نلعب 💜🎶
😂😂😂 م جادة انا م تركزو 🥲
وصلنا و طبعا م محتاج وصف🤤 يالله من جمال البحر و الاشجار ...و الهدوء 😭💛💛 فرشنا قريب من البحر و قعدنا نتونس و نتذكر في مواقف حلوة و ربيع و رحيق م صدقو شغالين يلعبو جمب الشجر و مرة في الرملة و انا بس متابعاهم كل ما يكونو ماشين على الموية انا برجعهم و بحذرهم ..مع انو الحتة ال في البداية دي ما بتكون غريقة و عادي الناس بدخلوها بس لا انا م بخليهم و بذات هم اطفال و اقل شي ممكن يغرقو و لا يقعو فيها ...بخاف عليهم شديد😥😥 شربنا القهوة اول شي
و اكلنا و اتمشينا و اتصورنا كتير و احلى حاجة لما صورت ربيع و رحيق مع بعض و هم قاعدين في الرملة و بضحكو كانو cute جداً🥺❤️❤️❤️ صورتهم صور عميقة معاكم فتوغرافيك طبعا😌😌 ..
كان يوم حلو و مرهق رجعنا البيت غيرنا ملابسنا و انجدعنا نومنا😴
« متوكل » :
كان قاعد مع حبيبتو جاهو اتصال و بقى يتكلم كتير و يضحك لكن ايات م عاجبها الوضع و كانت مضايقة
بعد خلص متوكل
ايات : دي طيف مش🙂 ؟!
** اي دي هي😇
ايات : و لي بتتصل ليك🙂 ؟!
** ده سؤال شنو ي ايات ؟! صحبتي و اتصلت تسلم علي فيها حاجة ؟!
ايات : البت دي انا م حبيتها ..م ممكن طول الوقت متلصقة فيك كده 😠
** عايني ي ايات فهمك ده زحيهو بعيد ..طيف دي صحبتي و اختي ماف شي بخليك تغيري منها تمام ؟! + و احسن م تتكلمي عنها بالطريقة دي تاني لانو انا م بستحمل فيها شي😊
ايات : كده ي متوكل💔 ؟! م بتستحمل فيها شي و انا بتستحمل فيني صح ؟! غلطانة انا ي متوكل🙂💔💔
" شالت شنطتها و مشت منو "
متوكل اتنهد مسافة و قال " دي مصيبة شنو دي😖🤦🏽♂️ "
قام هو زاتو رجع البيت اخد دش و رقد في الكنبة كان بفكر لحدي ما نام
بعد صحى اتوضى و صلى المغرب و اتغدا و اتونس مع ناس البيت
متوكل : ي جماعة انا قدمت لي وظيفة في تركيا و قبلوني
حاجة بتول : لي يا متوكل ؟! ما تشتغل هنا مالو يعني ؟! هنا و هناك واحد يا ولدي ..
متوكل : امي واحد كيف ؟! والله مختلف كل الاختلاف يا امي هنا الشغل كعب شديد ما زي برا الزول بأمن مستقبلو سريع عكس هنا
محمد " اخوهو " : والله ي متوكل انا رأي احسن ليك تسافر بره ..اتوكل ي زول و جهز امورك و ربنا يسهلها عليك
حاجة بتول : كان ده قولكم خلاص سمح يا ولدي ..بس خلي بالك من نفسك البلد دي ما زي بلدك و ما تباري اي زول ..شوف الناس الكويسين و صاحبهم
متوكل : ان شاء الله يا امي ، دعواتك بس....🌻❤️
يتبـــــع..........💛
