روايه انا لك دُنيا تضمك من اتعابكَ

2

بارت واحد  و عشرون.

في بيت ابو فهاد
أجتمعوا البنات هناك وكل البنات كانوا هناك ماغير ليان واختها .
يارا وهي تقدم الحلى والقهوة وبعدها جلست بجنب جُود وابتسمت :جُود ياحلو بنات خالك .
جُود ردت الابتسامة ونطقت : ياحلوك انت .
دخلت ليان واميرة وسلموا على البنات بعد ما سلموا أميرة ناظرت البنات بصدمة على لبساتهم اللي لابسه تنورة ولي لابسه فُستان بس مكان قصير زي لبسها ناظرتها ليان بمعني (شفتي). كشرت أميرة وكانت تحاول انها تتداخل مع البنات بس ماحد زي جوها يارا قامت وقامت معها ضيّ ودخلوا المطبخ ضي بـ هدوء:ياكرهي لها .
يارا :من ههي؟؟
ضي: من بعد !! اكيد اميرة .
يارا ضحكت :يوهه ترا مَ حصلت جوها .
ضي: في مصيبه جايه احساسي يقول كذا.
يارا : اوب عليتس يا ام الاحساس .

عند الجّازي وسكرة
سُكرة دقت الجّازي علشان تنتبه لها ونطقت بخفوت : الجّازي شفتي لبس أميره؟؟
الجارة بضحكة : حلو بس فاصخ واجد حتى انه مو ححلو للـ جمعات و خاصتاً الديرة !!
سُكرة :شوفي وش راح اقول لها ؟؟
الجّازي : يوهه تراها من اول تناظرنا ودها تتعرف يلا ابدي .
سُكرة ناظرت أميرة وحكت: ماشاءالله أميرة لبسك حححلوو .
أميرة ابتسمت :صدق ؟؟
سُكرة ابتسمت : والله .
الجّازي : أميرة تكفين من وين شتريني هِفستان ؟؟ مره عاجبني ؟؟
أميرة ابتسمت للبنات وتقدمت وجلست جنبهم وعلمتهم من وين اشترت الفستان وسكرة والجازي ماسكات الضحكه من اميرة . أما غرور اللي كانت تناظر البنات بصدمه : ترف مو منجدهِن عجبهن اللبس!!
ترف : انطمي ما تعرفي سُكرة تحب تمزح مع البنات .
وليان كانت متفشله من اختها ناظرت أميرة ونطقت : أميرة ممكن شوي ؟؟
أميرة تنرفزت وناظرتها بمعنى ( ما ابغى) ليان :ابغاك ضروري .
أميرة قامت وناظرت البنات : السموحه راجعه لكن .
الجّازي : لا عادي اكيد انها تحتاجك !!

بارت اثنان و عشرون.

في بيت الجّد متعب .
مزنه أم فيصل كانت تلعب بجوالها وتناظر مشعل ابو فيصل ، أبو فيصل تنهد : وش فيك يا مره؟
أم فيصل : متى بنرجع المدينه ؟
ابو فيصل : اذا خلصت الاجازة !! ليه؟
ام فيصل : اسمع يابو فيصل انا ما قدر اعيش هنا فاهم ؟؟
ابو فيصل : تحملي شوي وبنمشي !! ما كانك زمان عايشه هنا؟
ام فيصل : ذاك زمان يبو فيصل زمان اول تغير ياروحي !!
اردفت : ماقدر اعيش في بيت مشتركة واسمع سوالف حريم خوانك.
ابو فيصل قام بيمشي مسكته ام فيصل ونطقت : تكفى يا مشعل ان رجعنا اهلك ما يجلسوا عندنا تكفى ابغى نظامي مما يتغير !
ابو فيصل ابتسم لها : ياعيون مشعل انتي ابشري بالي تبيه واساساً ان رحنا اهلي بيجلسون عند غازي او عبدالعزيز ..
ام فيصل ابتسمت : نشوف ..

في الحوش سعُود وفيصل اللي كانوا جالسين جنب بعض وكل واحد لهي بجواله مرت امهم وجلست جنبهم و سحبت جوال سعود ، سعُود صرخ : يييوه يمااا !!
أم فيصل رفعت حاجبها : لا ترفع صوتك ، واردفت بهدوء : اسمع ياسعود ذولا الايام ما انت بعجبني وحركاتك بعد .
سعُود زفر بضيق : وش فيهم حركاتي .
فيصل بسخريه : انت خابر حركاتك يا قلب .
سعُود تنرفز : انت شعليك احد مكلمك !!!
ام فيصل : ان شفتك معها والله ياسعود اني لا ازوجك بنت خالك وجدان .
فيصل ابتسم : عاد هي تناسبك شوي وتموت عليك .
سعُود : يمه اولاً انا ما احبها وابعديها عنني !! ثانياً ما بينيو بين سُكره شي غير سلام عليكم وعليكم السلام !
فيصل ضحك بصوت مسموع : ياولد شذا الكذب وسهرات تالي الليل و تقابلون في المزرعه .
ام فيصل بـ عصبيه : فيصل انت اسكت وسعُود ان شفتك مره ثانيه حولها او هي حولك اقسم من احل الاقسم اني اعلم امها عليها و تتفاهمون الام وبنتها .
سعُود حرك راسه بضيق وقام من الجلسه وطلع .
ام فيصل خذت نفس وناظرت فيصل وباسته براسه ونطقت : يا امي انتبه لنفسك ولا اخوك الخبل على باله بنت غازي بتحبه ترا تلعب عليه مارح ترضى انها تتزوج واحد اقل من مستواها ومستوى عيشتها .
فيصل تنهد : ما عليك مني ماهم عاجبيني بنات عمي كل وحده رافعه خشمها مدري ليه ..