روايه انا لك دُنيا تضمك من اتعابكَ

7

بارت مائة وواحد وعشرون. .

عَند زايد بعد مادرى عن خطوبه فَيصل وترف وهو بغرفته ماطلع منها ، دخلت عليه هاجس وارتعشت من قوه البرودة بغرفه زايد و ظلام دامس ، فتحت ليتات الغرفه وبندت تكيف ، زايد تافف : هاجس اطلعي وسكري ليت وافتحي تكيف .
هاجس : ماني مسويه شي اصحى على نفسك كل ذا عشان ترف !!!؟
زايد : اطلعي .
هاجس : مارح اطلع وها شوف ، جلست بجنبه .
زايد بضيق : هاجس انتي ما تعرفين وش امر به ياهاجس احبها احبها يييا بنت مقدر.
هاجس : طيب انت تدري ان فيصل يحبها وهي بعد واضح عليها انها تحبه ياخوي ابعد عنهم واصحى على عمرك .
زايد بصراحه : اطلعي انتي ما تفهميني ..
هاجس طلعت من الغرفه وهي مقهوره من تصرفات اخوها ودها تضربه لين يصحى على نفسه .

في ديرة .
في بيت ابو سيف وتحديداً في مجلس ابو فهاد و فهاد و ابو سيف وسيف جالسين يهرجون عن الاوضاع بديره ، تنهد فهاد وناظر ابوه عشان يبدا بموضوع ، ابو فهاد : حنا جاين طالبين القرب منكم من بنتكم أميرة لـ ولدنا فهاد .
ابو سيف : هذي الساعه المباركه ياخوي وانا اتشرف فيكم .، بس ياخوي الرد عند البنت .
ابو فهاد : ايه البنت لها الحق وعسى ربي يكتب لهم الخير .
بعد ثلاث دقايق طلع ابو فهاد و فهاد ، سيف جلس جنب ابوه ونطق : والله عمي ابو فهاد عباله قلنا له البنت وافقت .
وجلس يضحك ، ابو سيف : انطم انت ما تعرف الهرج ، واسكت ولا تعلم احد .
سيف هز راسه بشويش وجلس يلعب بجواله . .

بارت مائة واثنان وعشرون.

طلال : ياخوي علمني من ذي سعيده الحظ ؟؟
سعود ناظره: وش تبي فيها .
طلال : اقول اسكت اساساً واضح انها سُكرة ،المهم وش صار علمني بسالفه كلها .
سعود : انطم انت وش واضح .
طلال : شوف نظراتكم لـ بعض حتى اذكر أخر مره كنا بـ ديرة قبل الحادث يوم كنتوا بـمزرعه .
سعود سكت ولا نطق بشي ، طلال تنهد : اخويييي علمني وشصار ؟؟
سعود تنهد وعلمه سالفه كلها .
طلال : طيب انت لحين البنت وافقت ولا؟
سعود : صدق انا ماني فاهم شي مدري هي وافقت ولا لا .
طلال : يخرب بيتك ما تعرف .
سعود : لاحولللل.
طلال : اقول اذا تبي سُكرة ماعندك غير جدي متعب .
سعود ضحك : وش بسوي جدي متعب !!!

عند فَيصل ارسل لـ ترف : ‏مساء الخييير ياعيون فَيصل .
تَرف استحت يوم شافت مسج من فَيصل وما تبي تفتح رساله سُكرة صرخت : والله بفتح اشوف حبيب القلب وش مرسل لكك!
تَرف : بنت اطلعي من غرفتي .
سُكرة : وجع بتغيري علي عشان ملعون الرقبه فيصلوه .
ترف : قليله ادب ،احترمي زوجي المستقبلي .
سُكرة : اقول لا تصيري خفيفه ياروحي طيب .
ترف : اطلعي ياعيوني انتي.

بارت مائة وثلاثة وعشرون.

في الديرة .
وتحديداً في بيت ابو سيف .
ابو سيف جالس بصاله يفكر كيف بيتكلم مع بنته عَن الخطبه ، ام سيف ناظرت ابو سيف بهدوء : يا بو سيف علامك؟
ابو سيف تنهد : أبو فهاد خطب أميرة لـ فهاد.
ام سيف ابتسمت : هذي الساعه المَباركه .
اردفت ام سيف بهدوء تام : علامك يارجال؟؟ ما تبيه ؟ .
ابو سيف : يا أم سيف انتي تعرفين أن أميرة أمها متوفيه واكيد البنت بتحس بفقده أمها بذي الفتره .
ام سيف بهدوء : انت شفت مني شي ؟؟ والله يا بو سيف اني عاملتها مثل بنتي ولا ضربتها وبضل أعملها نفس بنتي .
ابو سيف ابتسم بحُب : ما شفت منك الا الخير ويشهد عليك ربي انك عاملتيها زي ليان ولا فرقتي ما بينهم!
ام سيف : الحمدلله ، الحين أمشي انت وعلم بنتك.
ابو سيف : بما انك صرتي ام لها امشي وكلميها انتي.
ام سيف ابتسمت : ابشر .