روايه انا لك دُنيا تضمك من اتعابكَ

4

بارت واحد وستون

عند الجّازي نزلت من سياره ودخلت البيت بهدوء ودخلت غرفتها وبدلت واخذت شاور سريع وطلعت جففت شعرها جاها اشعار في الواتس وناظرت الاسم وابتسمت .
كان محتوى الرساله :
كيف الدوام معك يا النتفه ؟
أبتسمت الجّازي وكتبت :
مُمتع جداً !! ونت؟
سُلطان : ماشاءالله ، زفت .
الجّازي ضحكت: الله يعينك 😭😭!
سُلطان : يا نتفه روحي ريحي .
الجّازي : واضح انك انت تبي الفكه مني ذا لحين؟
سُلطان : لا والله ابغى راحتك ياعيون سُلطان .
الجّازي ابتسمت وسكرت جوالها وتوجهت لـ سريره علشان تنامم.

عند تُركي
كان واقف قدام الجامعه وهو تعبان ركبوا البنات السياره ، التفت لهم تُركي : كلكم هنا ؟
جُود : ايه حرك .
غرور : قبل لانرجع البيت اذا ماعليك امر تمرنا الكافيه اللي قريب من هنا !
تُركي : ماله داعي !!
ضي : الا له داعي تكفى نبغى كوفي.
غرور ناظرت الشارع والتزمت الصمت ..
تُركي كان يراقبها من المرايه ولف للـ كافي وناظرهِن : وش تبون؟؟
غرور قالت طلبها وضي خذت مثلها أما جُود اخذت موهيتو بلو بيري ، وتركي اخذ قهوه الحارة .
تُركي ناظر المرايه ونطق بهدوء : عساك ارتحتي ؟
غرور ناظرته : مشكور.
ضي ضحكت ، غرور جالسه تتوعد في ضي .
و تُركي كان مُبتسم على حركات غرور .

بارت اثنان وستون

سائق وصل لـ سوبر ونزلوا ترف و سُكرة ودخلوا ياخذون اللي يبون ، سُكرة اخذت كم حبه من كندر و بطاطس دوريتوس حار حلو و حمضيات وصلت عند الكاشير بتدفع شافت سعُود كان واقف عند الكاشير سعُود ناظرها بصدمه كيف طالعه بذا الشكل بما ان سُكرة ما تتغطى وجها ، سُكرة ابتسمت له ودفعت وكانت بتطلع بس وقفت تنتظر أختها سعُود تحرك ووقف جنبها : ليه طالعه كذا ؟؟
سُكرة : ليه ؟؟
سعود : يا بزر انتي مو شايفه شكلتس؟؟
سُكرة زفرت بضيق : وش فيه شكلي ؟
سعُود بحده : ليه طالعه كذا ؟
سُكرة : مالك شغل !!
سعُود : الا لي شغل ، تلثمي واذا بتطلعي لبسي نقاب فاهمه؟
سُكرة : ياخي انت من ؟؟ مو ابوي ولا اخوي ؟؟
سُعود : انا شخص يخاف عليك ..
اجت ترف انصدمت بسعود : هاي سعود.
سعُود : هلا .
ترف : وش تسوي هنا؟
سعُود ناظر السوبر : ذا سوبر أبوي ، وانا جاي اشوف اذا في شي ناقص ولا في مُشكله.
ترف : اها .
سعُود : ايه ، تبون شي ؟
سُكرة بضيق : لا مشكور .
سعُود وهو مشى متنرفز من اسلوب سُكرة .
ترف ناظرت اختها : وش فيه ذا ؟
سُكرة : مدري عنه .
ترف : طيب خلينا نرجع البيت والله لاخليك تهرجين وتنطقين زي العرب .
سُكرة ركبت السياره وهي متضايقه من كل شي .

في بيت ابو سُلطان .
الجّد متعب جالس في صاله وجنبه ولده عبدالعزيز اللي كان راجع من دوام تعبان شوي ناظرة الجد ونطق بهدوء : اسمع يابو سُلطان الاسبوع الجاي ملكه غرور و تُركي .
ابو سُلطان عدل جلسته : وش ما كانك استعجلت؟
الجّد ابتسم : وش اللي استعجلت به !
ابو سُلطان : تُركي يدري ؟
دخل عليهم تُركي والبنات ونطق الجد وهو مبتسم : ايه ولحين درا تُركي .