-يعني اي مش هكمل تعليمي طب والجامعة والامتحانات اللي بعد اسبوع؟
-مليش دعوه انا قولت مفيش طلوع من البيت يعني مفيش طلوع كفاية العرسان اللي كل يوم تطفشيهم عشان خاطر تعليمك ده...
" كُنت واقفه مش مستوعبه هو قال أي... بعد كل ده!! بعد تعب السنين دي هسيب حلمي كده يضيع مني! هنسي الهدف اللي كُنت بحلم اوصلهُ بعد كل ده لا مش معقول مش مش هينفع اسيب حلمي مش عشان هو اخويا الكبير يبقي اتنازل عن حاجه بحبها وعن حياتي كمان إن اعيش مع شخص مش عايزه عشان هو شايف كده... "
-خدت شنطتي بسرعه بعد ما نزل وجريت علي طول عند فرح منا مليش حد غيرها بعد ربنا...
ــــــــــــــــــــــــــــــــــــــ
-انتي بتقولي اي يا حور! ازاي هتهربي يعني مستحيل اللي بتقوليه ده...
-اعمل اي يا فرح مفيش فايدة، هو مش عايز يسمعني حته دايما بيحكم ويأمُر وانا بقول حاضر عشان خاطر بابا وماما الله يرحمهم بس عند النقطه دي مش هينفع، مش هينفع اسيب مستقبلي يا فرح دا الحاجه الوحيده اللي هـ تحققلي كل اللي نفسي فيه...
-طب منا قولتلك فيها اي يعني لو اتجوزتي عريس من كل اللي اتقدمولك وكُنتِ كملتي هناك عنده علي الاقل يبعدك عن تَحكُمات اخوكي دا...
-يبنتي جواز اي بس دا كل واحد من دول عايز اللي يتحكم فيها ويتأمر عليها يعني ذي يوسف بالظبط كده بمعني إني هخرج من الجُحر بتاع اخويا هقع في سجن س جوزي...
-طيب خلاص مقدمكيش حل غير إنك تقعدي عندي كام يوم...
-ايوه بس....
-مفيش بس انا قعده هنا لوحدي سليم مش موجوده في المأموريه بتاعته ولسه قدامه كمان اسبوع...
-خلاص موافقه بس هروح الجامعه ازاي اكيد يوسف هيجيلي علي هناك...
-مش مضطرة تروحي الجامعة اصلا خدي اجازة و وقت الامتحانات روحي يكون هو نسي وتكوني انتي كمان خلصتي رسالة الماجستير بتاعتك...
" قعدت افكر في كلامها مع إني مرعوبه من انفعال يوسف عليا بس مضطرة عشان اخلّص الرسالة علي هدوء وفي نفس الوقت ابقي حققت ذاتي "
" عدي كام يوم وانا قعده مع فرح كُنت بذاكر شويه وقعد انا وهي نحكي طول الليل وبعدين تروح هي الجامعة وانا ارجع اذاكر تاني منا لازم انجز عشان الرسالة قربت اسلمها ومبقاش عندي وقت "
-اي يا حور سرحتي في أي؟
-خايفه يا فرح من يوسف، كان نفسي يكون اب تاني ليا يفهم إني مش محتاجه غير مستقبلي اللي قضيت عُمري فيه ولو هعيش تاني برضو هكمل فيه، انا مليش حد غير ربنا بعدين حلمي دا لو ضيعته مني يبقي ملهاش لزمه اكمل حياتي بعد كده انا عيشت طول حياتي بحرم نفسي من حاجات كتير عشان بس اوصل، دلوقتي مينفعش بعد كل ده اتنازل كده وبسهوله...
