"مكنتش قادره اصدق..." انا في كابوس"
ازاي عرفوا طريقي وازاي...
ايوه افتكرت هو الشخص اللي كان ماشي ورايا انا وفرح!! "
"مسكت في سليم جامد ورجعت لوراء وانا مستخبيه فيه، كُنت اتمني لو اعيش معاه وقت اكتر، كُنت محتاجه بس لو فرصة واحده تخليني مبسوطه، كان نفسي اكون معاه... "
_احنا مش محتاجين منك اي حاجه رجعلي اختي و يا دار ما دخلك شر...
" لقيت فرح وقفت قصادهم وبغل قالت:
اختك!! اختك منين يا مازن انت نسيت انت عملت فيها اي! نسيت ضربك وتعذيبك ليها! نسيت انك حاولت اكتر من مره تواقفها عن التعليم وانك غصبتها علي الجواز...!
_اسمعيني كويس دي اختي وانا حُر فيها إن شاءلله اولع فيها وبعدين انا ما اجرمتش انا عايز احافظ عليها، اضمنلها سعادتها بس عشان عاملتها دي مش هرحمها، سمعاني يا حور مش هرحمك...
" اترعشت من صوته العالي، وافتكرت قد اي كان بيعذبي ويضربني عشان اعمل اللي بيقول عليه، الرعب دخل جوايا وانا شيفاهم كلهم قدامي... انا.. انا..."
"سكت وهديت اول ما لقيته محاوطني بدراعه جامد وبيبصلهم بشر، وبصلي بأمان كبير كأنه بيقولي اطمني انا جمبك"
_اسمع يا حضرت احنا مش جايين نتخانق اديني بنت اخوي ونفك العركة دلوجت..
_وانتو ملكوش عندي حاجه حور مش هتمشي من هنا...
_يبقي صحيح اللي سمعناه عاد بنت اخوي عاشت معاك هنا ولوحديكم يا خراب بيتك يا رفعت يا خراب بيتك...
_اخرس انتوا عايزين توبظوا سُمعت البنت وخلاص انت واحد مش محترمـــ...
"لقيت فرح صرخت فجأة اول ما سحبها مازن و رفع السلاح عليها"
_يا تسلمني اختي يا اختك تروح فيها...
"سليم سبني بسرعة وحاول يقرب ينقذ اخته معرفش ورجع لوراء تانى، عياط فرح خلاه انسان ضعيف جدا، مش مستحمل عليها وجع عشان يشوفها بالمنظر دا، شوفت قد اي حبه لاخته وخوفه عليها"
" لقيت مفيش حل اكتر من اني اتقدم كام خطوة عنه واسلم حياتي لعمامي واخويا"
_استني هنا رايحه فين؟
_سليم ارجوك سيبني فرح محتاجالي...
"لقيت فرح بتصرخ تاني من الخوف، سيبته بسرعة ووقفت قدامهم وبكل استسلام عيني دمعت عشان حسيت إن خلاص الحكاية انتهت"
"مازن مسكني جامد من دراعي وبص في عيني بكُره وغل وقالي جملة رنت في وداني"
_ وربنا يا حور لهتشوفي ايام تخليكي تكرهي نفسك ميت مره، هخليكي تتمني الموت بس مطلهوش...
" سحبني عمي جامد من ايدي وطلعنا من البيت من غير اي نفس تاني، كنت بصه لبيت فرح وكأني بودعهم لأني عارفه كويس اي اللي هيحصلي.. "
ـــــــــــــــــــــــــــــــــــــــــــــــــــــــــــــــ
_انت رايح فين؟
_مش هسيبهم يقربولها كفايه اني فضلت واقف عاجز معملش حاجه...
_سليم دول ناس مبترحمش انا مش مستغنيه عنك...
_ولا انا هستغني عن حور... افهمي..
_سليم انت اول مره تزعقلي من وفاة بابا وماما... ارجوك متروحش لوحدك انا مليش غيرك لو حصلك حاجه انا هروح فيها...
" فرح كلمها جرحني وخصوصا لما حضنتني جامد وعيطت حسيت بالذنب عشان زعقتلها بس مش هينفع لازم اروحلها لازم انقذها قبل.... "
"حسيت بتقلها علي كتفي افتكرتها نامت لكن اللي اكدلي إن فيه حاجه لما لقيت جسمها تلج وفقدت النطق..."
_فرح!!... فرح!!
