انت الذي ما يشبهك بالملا حي...

2

ام عيسى: ههههههههه اقولك علي سير مر على عزوه خ تنزل هني اليوم بيونا ضيوف ابيها تساعدني

امل: اساعدج عموه

عيسى: لا ولله؟!!

امل: شووه ؟؟

ام عيسى: ماشي قعدي ولا طلعو انتي وياه

امل: ليش عموه عادي

ام عيسى: لاء عويس طلعها

عيسى: منعيوني يلا قومي لبسي

امل: انشالله

عيسى: يلا انا بعد بسير

ام عيسى: حافظكم الرب... اقلج حمدوه بنادي ميشيل تيلس عند بنتج لين نخلص و من اتي تعالي انتي عندي

حمدة: انشالله 

طلعو من الصالة و سارو المطبخ بعد ما دخلت ميشيل المربيه... نزلت عزة من فوق و سارت المطبخ... كانت لابسة هودي وردي و بنطلون رصاصي ( سويت بانتس).... دخلت المطبخ و قعدت تسوي السويتات .... و حمدة و امها كانو يرتبون المواعين اليديدة.... طلعو امها و حمدة و تمت هي بروحها... طلعت الكوكيز من الفرن و حطتهم عالطاوله يبردون... و عقب سارت تسوي خليط كيكة السحاب او الكلاود كيك... سرحت و هي تخلط المكونات.... تبون تعرفون بشو تفكر؟!.... اسفين عزوه بس بندخل مخج دقايق بس .... 

عزة" ليش كلما اشوفه احس اني اختبص؟!... ماعرف احس احس باحساس غريب..... انا احاول ابعد روان عن عبيد ....ابي عبيد حقي و بس... صحيح انا جرحته بس جرحت نفسي بعد... لا لا لا محلا عامر... اخخخخ ي ابتسامته... ي عيونه الكحلية.... اخخخخ ي شعره اللي اتمنا امسكه..... ايه عزوه امسكي عمرج يالخفيفة.... اوفف بعد ما حصلو الضيوف وقت غير اليوم.... ياربي ...زين ليش ما احط احتمالات 50% ان عامر بي؟..... لا لا لا كذا اوفرررر.... لازم اوقف هالتفكير السم.... ايش هذا بالله!.... اخخخ بس " 

و فهاللحظة كانت عزة فاتحة شعرها اللي يوصل لنص ظهرها.... حطت الخصلات اللي طايحة على ويهها ورا ... و دخل عامر وهو عباله المطبخ فاضي... على حسب كلام ام عيسى.... و تصنم من اللي جافه.... حس بقلبه شوي و يطلع من صدره... كانت عزة الحين تحظ الخليظ ع شكل جبال صغيرة في صينية الفرن.... و لما خلصت حطت شويه لوز ... و شلت الصينية عسب تحطها فالفرن لكن لما التفتت ....شافت عامر و تمت واقفة مكانها و الصينية فايدها....