Part-3

119 18 2

by Forsythia_Bom

by Forsythia_Bom

သည်လိုနှင့်ရက်တွေ၊လတွေ၊နှစ်တွေကိုကျော်ဖြတ်လာခဲ့ပြီး နာကျင်မှုနှင့်အသားကျတော့မည်ဆိုမှ ဆူဘင်းအနားကိုဟျူနင်းကပြန်ရောက်လာလေသည်။

ကံကြမ္မာကသူကိုဘာဖြစ်စေချင်နေတာများလဲ။

ဆူဘင်းတစ်ယောက်ဟျူနင်းကိုပြန်လိုက်ပို့ပေးပြီးကတည်းက ထပ်မတွေ့ဖို့မျှော်လင့်ခဲ့ပေမယ့် ဟျူနင်းအကြောင်းကိုအမြဲတွေးနေခဲ့သည်မှာတော့အမှန်။

သူ့အတွေးတွေကိုအမြဲစိုးမိုးထားတဲ့ဟျူနင်းက သူ့နှင့်ပြန်တွေ့တဲ့အခါမှာလည်း မေ့ချင်ခဲ့သောအတိတ်တွေကိုပါပြန်လည်ခေါ်ဆောင်လာခဲ့သည်။

မတွေ့ချင်သော်လည်း တွေ့ချင်မိပြန်တဲ့စိတ်ဟာ တကယ်ပင်နားလည်ရခက်ပါဘိ။ ဟျူနင်းခါအီနှင့်ပတ်သက်လာရင် ဆူဘင်းစိတ်ကအမြဲထိုသို့ပင်။

ချစ်ရသည်မှာလည်းပင်ပန်းလှပြီ။ အဲ့လိုဆိုတိုင်းလည်းမစွန့်လွှတ်နိုင်ဘူးလေ။

" သူဌေး၊ သူဌေး! "

ဆိုင်ကဝန်ထမ်းတစ်ယောက်လာခေါ်မှ သူ့အသိစိတ်တို့ကိုပြန်လည်စုစည်းမိသည်။

" ကျွန်တော်မကြားလိုက်လို့၊ ဘာများလဲဟင် "

" ဧည့်သည်တစ်ယောက်ကသူဌေးကိုတွေ့ချင်လို့ပါတဲ့ "

ဝန်ထမ်းကောင်လေးစကားကြောင့်ဆူဘင်းအနည်းငယ်စဥ်းစားလိုက်သည်။ သူ့ကိုလာတွေ့စရာလူလည်းမရှိပါဘူး။ ဘောမ်ဂယူလာတယ်ဆိုရင်လည်းဆိုင်ကဝန်ထမ်းတွေအကုန်သိနေမှာပဲကို။

" နာမည်ကဘယ်သူတဲ့လဲ "

" အဲ့တာတော့မမေးလိုက်မိဘူးဗျ "

" ကောင်းပြီ ကျွန်တော်သွားလိုက်ပါ့မယ် "

" ဟုတ် "

သူ့တာဝန်အတိုင်းပြောပြပြီးနောက် ကောင်လေးကထွက်သွားသလို ဆူဘင်းလည်းထွက်လာခဲ့လိုက်သည်။

သူ့ကိုရှာနေတာဘယ်သူများလဲဆိုပြီး ဆိုင်ထဲကွေ့ပတ်ကြည့်နေတုန်းမှာပဲ အလွတ်ရနေတဲ့မျက်နှာပိုင်ရှင်ကိုတွေ့လိုက်ရသည်။

" အကို "

" ဒီဆိုင်ကိုဘယ်လိုသိပြီးရောက်လာတာလဲ "