تكسرات روح
البارت 1
الساعه٩الصبح
يدك المنبه
ملاك:اووففففف تكوم و اطفيه تفرك عيونها و تصفن خمس دقايق وتلعب بشعرها
ملاك:والله م بيه حيل هسه اكو واحد يروح يتغده ب ١٢ الظهررر ماكو هيج تره شكد توسلت بيه بس ولا يفيد
تكوم تفتح الكنتور اطلع هدوم تاخذهن وتدخل للحمام تسبح تطلع تمشط و تتعطر وتنزل
ملاك:صباح الخير
ام ملاك:صباح النور شعجب اليوم كاعده من وكت
ملاك:عندي طلعه ويه كرار ب ١٢
ام ملاك:كلتي ل ابوج؟
ملاك:اي ماما اكيد قابل شلون اطلع بدون ما اكله غير يذبحني اصلاً كرار خابره وكله
ام ملاك:اي زين اذا هيج لعد تعاي تريكي
ملاك:تمام بس خل اصب چاي
تصب چاي وتكعد تاكل يدخل ابوها للمطبخ
ابو ملاك:ام ملاك من يمج استكان چاي
ملاك:صباح الخير بابا
ابو ملاك:صباح النور صباح النورر لعد اليوم راح تطلعين ويه كرار
ملاك:اي بابا
ابو ملاك:تمام بس لا تتاخرين اني وصيت كرار بس هم اوصيج م يحتاج اكرر كلامي سمعتي مو
ملاك:اي بابا ان شاء الله
ابو ملاك:عفيه عليج ام ملاك من يمج انطيني الساعه و المبايل
ام ملاك تروح تاخذهن و تنطيهن اله
ابو ملاك:شكراً يابه تعبتج
ام ملاك:لا ادلل حجي
ملاك تكوم تاخذ الماعين تغسلهن
ملاك:يلا ماما حبيبيييي اني خلصت راح اصعد ابدل
تبوس امها و تصعد
احنه عائله حقيقه واحد صعب يفهمها لانو اكو اشياء بابا يكون كلش متعصب بيهن واكو اشياء لا انو يخلينه براحتنه اني مو محجبه بس بنفس الوكت لبسي طويل و مستر بابا ما جبرني ع الحجاب يكول من انتي تقتنعين عود لبسي بس هواي اشياء ماكدر اسويهن لانو بابا ما يقبل المهم ويه الايام راح تعرفون شنو عائلتي
اني لبست بنطرون اسود فوكاه قميص اخضر و جواه سترابلس اسود وطبعاً خل احجيلكم مواصفاتي اني طولي ١٦٤ و وزني ٥٥ انو رشيقه جسمي حلو ومرتب شعري وسط يعني لنهايه ظهري صاير و اسود عيوني كبار خشمي عادي و حلكي عادي سمره بس مو سمار كلش انو سمار طبيعي او نكدر نكول قريبه كلش من الحنطاويه عمري١٩سنه
يدك مبايل ملاك
ملاك:الو ها حبيبي ..ايي ايي خلصت اني تمام انتظرك
أنت تقرأ
تكسرات روح
Romanceملخص الاحداث . . ملاك:ايي كال هسه راح افوت بفرعكم ام ملاك:بنيتي انتبهي ع نفسج ولا تتاخرين تعرفين ابوج ملاك:ماما لا تخافين قابل اني وين رايحه تره ويه كرار هوه ناكل ونرجع ام ملاك:حتى لو بنتي الدنيا مو امان ما تعرفين شنو يصير ملاك:ماما بس عوفي هذا...
