تكسرات روح

البارت 10

'
'

﴿ قَدْ جَعَلَهَا رَبِّي حَقًّا ‌‏﴾.
،
،
اندكت الباب بهل اثناء توجه نظرنه على الباب ودخل شخص ما توقعت راح اشوفه بهل مكان

عمر:السلام عليكم

ملاك:فتحت عيوني استوعب معقوله عمر كدامي اخويه حبيبي كدامي شجابه هنا ليش اجه راح عليه محمد و سلم عليه استغربت محمد شلون يعرفه باوعت عليهم

ملاك:انتو تعرفون بعضكم؟

عمر:هيج تستقبلين اخوج

ملاك:ركضت عليه شمرت نفسي بحضنه وكمت ابجي ممصدكه هوه موجود يمي و هوه يبوس براسي و يمسح على شعري

عمر:يمه حبيبتي انتي اروحلج فدوه شكد مشتاقلج اني

ملاك:والله اني اكثر والله

علي:احم محمد ممكن تفهمنه الموضوع تره صرنه مثل الاطرش بالزفه

محمد:هههههه هذا اخو ملاك

علي:اخوها !؟

محمد:اييي اخوها

علي:تشرفت خويه

عمر:حبيبي الي الشرف اني كلش اسف لان دخلت عليكم هيج بس والله عبالي بيها شي من شفتها طلعت من البيت اجت للمستشفى تخبلت عبالي صار بيها شي

عيسى:لا عادي اخويه من حقك

عمر:حبيبي تسلم من رخصتكم اخذها شويه من يمكم و ارجعها بعدين

محمد:تمام تمام

ملاك:كل الي صار واني بعدني ما مستوعبه الي صار ولا مصدكه شلون محمد يعرف عمر!! شلون عمر اندل مكاني شلون عرف اني هنا مدافتهم كلشي عمر لزم ايدي و طلعنه من الغرفه طلعنه خارج المستشفى نتمشه ونحجي فات محمد للاسواق اشتره الي مي و عصير و حلويات و طلع انطاني العلاكه واني كلش فرحانه بيه باوع عليه ابتسم و حجه

عمر:شبيج

ملاك:ممصدكه عمر شجابك لهنا

عمر:اخخخخ ملاكي الحلو شنو اكول الج اخخخ من يوم طلعتي من البيت لحد قبل ما الكاج اني كل يوم اموت الف موته كل يوم اتعارك ويه ابويه علمودج لان ما تفاهم وياج ما عرف شصار بيج لان دمر حياتج اما امي حالتها حالة منتهيه بحيث من كلت الها انتي بخير و تزوجتي و استقريتي بحياتج وهيه كل يوم تبجي على السجاده وتتشكر رب العالمين انو حفظج و ستر عليج ملاك البيت بدونج ابد مو حلو لج اني ضعت بدونج لج انتي روحي مو بس اختي ملاك ما الي عين اباوع بعيونج بعد كل الي صار احنه دمرنه حياتج احنه ما انطيناج فرصه تشرحين الي صار وياج بس وداعتج اني جنت اعرف بيج انتي ما تسويها ولحد هاي اللحظه اني متاكد اختي ما اسوي هيج شي وتنزل راسنه بس ملاكي فهميني الي صار والله راح اموت من التفكير شنو تختفين و ترجعين للبيت حالتج حالة فهميني حبابه