عيسى: جانت الدنيا ليل و دخلت للبيت بهدوء حتى محد يسمع باعو عليه الولد هزيت براسي بمعنى يلا و حجيت بداخلي واخيراً بعد ايام طويله راح اشوفها وراح نكدر نخلص من هذيج الايام و واطلعها من القذاره الي هيه بيها رحت على غرفتها و نصدمت بالي شفته هيه بلكاع و الدم يطلع من ايدها معقوله انتحرت وما انتظرتني اجييي معقوله عافتني وراحت !!
ذبيت السلاح من ايدي و ركضت عليها جانت غركانه بدمهاا حطيت راسها بحضني واضرب بوجها بلكي تصحه حطيت ايدي على ايدها اليسره اشوف نبضها نداريت على الولد و كلت
عيسى:بيهااااا نبض ولكم بيها نبض رميمييييي ما عافتنيييييي ولكم بعدها عايشه
محمد:صدككككك
عيسى:والربببببب بيها نفس شوف شوف
علي:شباب خل نطلعها منا بسررررعه اذا بيها هسه نفس يجوز منا لكم دقيقه ما يصير بسرعه خل ناخذها مستشفى
عيسى:اي ايييي خل ناخذها
عيسى:اخذتها بحضني و شلتها طلعو الولد كدامي يشوفون خاف اكو احد اني ما جنت اعرف شسوي بهذيج اللحظات كلشي اسويه لا ارادي وبدون اي تفكير فقدت من شفتها بهل حاله صعدو الولد بلسياره واجه علي يمي بلسياره يسوق واني كعدت وره و هيه نايمه بحضني اباوع عليها واحجي
عيسى:والرب وصلنه حبيبتي ما بقه شييييي تحملي بعد عيني انتيييي تحملييي راح تصيرين زينه و تطلعين مناك و نتزوج بعد بعد عدنه هواي اشياء متفقين عليها نسويها سوه لا تعوفيني رميم اني بدونج اضيع والله اضيع يا امنا العذراء ساعدينه ما عندي غيرهاااا بنيتي راح تروح منيييييي علي بسرررررعه عليك الله بسررررعه
علي:اعصابك عيسى سيطر على نفسك صدكني داسوق باسرع شي اكدر عليه بس الشوارع ما تساعد شوفها هسه دقايق و نوصل المشكله ماكو مستشفى اهلي راح تستقبل حالتها لازم نروح على الحكومي يعني لازم تصبر ياخويه
عيسى:ولكككك شصبررررر واني داشوفهااا بهل حاله ولكككك دمهااا خلص روحي كاعد تطلع مداتحمل خويه مداتحمل
علي:كول يالله شنو السالفه عيسى خليك قوي انت لازم تصير سند عليها لانو تساعدها لا تضعف اني متاكد راح تصير بخير
باوعت بلمرايه شفت محمد ورانه بلسياره بعد دقايق نزلنه للمستشفى بسرعه اخذوها دخلوها طوارئ و حاله عيسى ما تنوصف ختم الممر روحه وجيه الف مره و بس يدعي و تنزل الدموع من عيونه اول مره اشوف عيسى هيج ضعيف طلعت الممرضه وكالت المريضه نازفه هواي و تحتاج دم عيسى بسرعه وافق وراح اتبرع بعد فتره رجع النه يعدل بملابسه و وجهه اصفر كعد يمنه و حط ايده على راسه ونزل راسه محمد راح عليه
محمد:عيسى شبيك شنو السالفه
عيسى:ماكدر محمد ماكدر
محمد:شنو ما تكدر يول انت رجال شنو السالفه
عيسى:رجال بس يم رميم اصير طفل ماكدر اسيطر على نفسك ولك هاي بنتي محمد بنتي لككككك من عمرها ١٦ سنه واني اهتم بيها وهيه هسه ٢٣ سنه تعرف شنو لكك شافتني اني الامان الها جانت كل يوم تنتظرني اطلعها مناك اني غبي انيييييي غبي ما استعجلت و صدكت بيهم راح ينطوني ياها بهل سهوله لككككككك قبل لا نروح اني بيدي اتصلت عليها و اتفقنه على كلشي بس اريد اعرف شنو الي صار وخلاها هيج اسوي هيه تعرف بيه اني جاي الها اني بلطريق اني راح اطلعها ليش من دنرتاح سوت هيججج لككك محمد تخيل لو احنه شويه متاخرين مجرد شويه جان شصااااارررر محمد ماكدر اتخيل نفسي بدونها صارت جزء من حياتي لك حتى مو جزء لا لا مو جزء هيه لك هيه حياتي كلها اني حياتي بدونها ما تسوه شيييييي اني كلي على بعضي بدونها نكرررره هيه احتوتني هيه اهتمت بيه هيه حبتني هيه طلعتني من الجنت بيه لك صارت الي ام ثانيه محمد ما مستعد اخسر امي للمره الثانيه ابد ما مستعد اكره المستشفيات اكره هاي الاماكن محمد خل نطلعها منا مكاعد اتحمل اني راح يموتوهااااا مثل ما موتو اميييي راح يحرموووني منها مثل ما حرموني من اميييي لجج اخخخخخ يمه اخخخ تعاي شوفي ابنج شصار بحاله اخخخ يا يمه .
أنت تقرأ
تكسرات روح
Storie d'amoreملخص الاحداث . . ملاك:ايي كال هسه راح افوت بفرعكم ام ملاك:بنيتي انتبهي ع نفسج ولا تتاخرين تعرفين ابوج ملاك:ماما لا تخافين قابل اني وين رايحه تره ويه كرار هوه ناكل ونرجع ام ملاك:حتى لو بنتي الدنيا مو امان ما تعرفين شنو يصير ملاك:ماما بس عوفي هذا...
