تكسرات روح

البارت 7

عند محمد وملاك
ملاك:محمد يجيني و وجهه ما يتفسر من العصبيه و التوتر باوع عليه وكال
محمد:راح اسئلج سؤال جاوبي بصراحه
ملاك:تمام شنو
محمد:احد متقرب منج؟
ملاك:مفتهمت شنو شدتقصد
محمد:اكو واحد من جنتي يم سوسن بهذاك البيت متقرب من عندج مسوي شي وياجججججججج
ملاك:انتتتت ليش دتصيححح
محمد:داحجي وياج جاوبيني
ملاك:لا لا محد تقرب جنت محبوسه بالغرفه بس بنيه ادخل عليه و تطلع
محمد:لعد هاي شنو
ملاك:رفع ايده وشوفني ورقة التحليل باوعت بوجهه مستفهمه
ملاك:شنو هاي
محمد:مبروك حامل
ملاك:ما استوعبت الي كاله باوعت عليه غمضت عيني ورجعت بااوعت عليه ممصدكه احس نفسي اختنكتت وصارت حراره بجسمي باوعت عليه وحجيت
ملاك:انت شدتحجي
محمد:انتي حامل
ملاك:مستحيل
محمد:شنو المستحيل هذا التحليل كدامج
ملاك:اكيد غلطانين اكيد
محمد:تمام راح اعتبره غلط ونروح لغير مكان و نفحص اذا صدك حامل لو لا تمام
ملاك:والله غلط مستحيل اكون حامل
محمد:هسه نشوف
ملاك:لزم ايدي و جرني وياه صعدني بلسياره وسد الباب حيل وراح صعد وحرك السياره ابد ما حجينه واحنه بسياره اني صافنه مداستوعب الي صار مستحيل اكون حامل اني محد تقرب مني حتى اصير حامل من الصدمه نسيت الي عايشته وصلنه للمختبر اخذني و دخلنه سويت تحليل وكل هذا واني بصدمه ماحس بكلشي وره فتره طلعت النتيجه كمت بسرعه رحت طلعت الدكتوره مبتسمه وكالت
الدكتوره:مبروكك حبيبتي انتي حامل
ملاك:شنو تحجين انتي متاكده
الدكتوره:ايي حبيبتي هذا التحليل كدامج ومستحيل يصير غلط بيه
ملاك:باوعت على محمد وبعد ما حسيت بشي بعد فتره حسيت على شي صاير بيدي فتحت عيوني لكيت محمد واكف على راسي باوعت عليه وحجيت
ملاك:جنت داحلم مووو
محمد هز راسه بمعنى لا
ملاك:لا حباب كول داحلم والله محد تقرب مني والله بشنو تريد احلفلك
محمد:لعد منين اجه هذا من سوق بلي نزلتيه
ملاك:والله مادري والله
محمد:خلص لا تفكرين بهذا الموضوع هسه بس حالياً انتبهي على نفسج
ملاك:زين خل نروح لغير مكان نسوي تحليل
محمد:ملاك شنو المصلحه من يجذبون عليج!!
ملاك:يجوز مكاعدين يجذبون انو الجهاز غلط و همه عبالهم حامل
محمد:اخذتج لاحسن مستشفى و كلنه يجوز غلط جبتج لمختبر وهم طلعت نفس النتيجه ممعقوله ثنينهم غلط و ثنينهم جهازهم عاطل و يابه هم تدللين هسه صيري زينه ونعيد التحاليل بلمكان الي تختاريه بعد شتريدين
ملاك:باوعت عليه و عيوني مليانه دموع حطيت ايدي على وجهي وكمت ابجي تقرب من يمي يسكتني بس ما يفيد حضني و ضل يمسد على شعري و يحجي ويايه
محمد:اششش بابا اششش كافي لا تبجين
ملاك:والله محد تقرب مني والله
محمد:خلص بابا مصدكج
ملاك:تعبت اني تعبتتتت ماعرف ليش هيج ديصير ويايه ليشششش ياربييي

محمد:اششش حرام تحجين هيج هذا قضاء ربج

ملاك:بس والله الي ديصير ويايه مو طبيعي يعني اطلع ويه خطيبي وبعد مارجع الاهلي اله ثاني يوم و حالتي حاله اهلي يريدون يكتلوني و نهزمت منهم و كلت راح اروح لبغداد ارتب وضعي شويه شويه و اعرف الي صار بيه وما ارجع لاهلي اله واكون اني ثابته برائتي النوبه التقيت بسوسن اخذتني لمكان ماتوقعت كل حياتي ادخل اله و انت اجيت ماعرفك ولا اعرف اي شي عنك و تزوجتك عايشه وياك ببيت واحد ماعرف شنو نهايتي و حالياً انصدم انو اني حامل كلي شلون اصبررررر كول
ملاك:جنت احجي ومنهاره وهوه بس يباوع عليه تنفس وزفر الهواء و حجه
محمد:جنتي مخطوبه؟
ملاك:ايي
محمد:بس خطوبه او عقد؟
ملاك:عقد شيخ بس
محمد:و هوه وينه خطيبج؟ شلون لعد تزوجتيني وانتي عاقده؟؟معناها متزوجه انتي
ملاك:خطيبي يكون ابن عمي و بهذاك اليوم طلكني وعافني
محمد:زين تكدرين تحجيلي شنو الي صار بهذاك اليوم بالتفصيل لانو هسه بقت هواي اسئل ببالي؟؟
ملاك:ليش
محمد:جاوبيني تكدرين لو لا؟
ملاك:ايي اكدر
محمد:تمام يلا احجي وراح اسمعج
ملاك:حجيت اله من بداية اليوم اول ما اجه كرار عليه و رحنه للمطعم وبعدين نخطفت ورجعت للبيت و اهلي رادو يكتلوني خلاص و امي  هزمتني و شلون وصلت لبغداد
ملاك:باوع عليه وجان مصدوم وفاتح عيونه على وسعهن
محمد:واهلج ما سمعو منج اي شي مو
ملاك:ايي
محمد:خلص لعد ومني وعد هاي الفتره راح اعرف من سوه بيج هيج اما علمود الطفل الحايره بيه يا ست الحسن و الذكاء هذا ابن الي تحارش بيج و تكول الي محد تقرب مني
ملاك:ممعقوله هيج مسوين بيه
محمد:بابا شنو ممعقوله انتي بنفسج حجيتي شلون جانت حالتج مستحيل هاي جنت بس اثار ضرب الكو... مغت...
ملاك:ضليت صافنه بوجهه ما مستوعبه الي صار
ملاك:يعني هسه الي ببطني ابنه؟
محمد:احتمال جبير اي
ملاك:اريد انزل الطفل
محمد:شنوووو
ملاك:ماريدددده ماريده اريده يمووووتتتتت
ملاك:كمت احجي واعيط واضرب بيدي على بطني بكل قوتي وهوه يحاول يلزمني و يصيح على الدكتوره اجت الدكتوره و الممرضات ضربوني ابره مهدء وحسيته وخر ايده عني و يبعد الشعر عن وجهي ونمت
////عند علي
علي:جنت كاعد و اباوع بلمبايل انتظر رساله منها اي شي
علي:اهووو اني شبيه شنو مخبل مكابل المبايل و كاعد خل اكوم اشوفلي شغله شي
اجه صوت اشعار رحت على المبايل بسرعه لكيت عيسى اتصلت عليه
علي:ها خير لازم واحد منكم يخرب عليه الشغله
عيسى:شبيك يا شغله
علي:هيج غلس المهم اكو شي؟
عيسى:علي اريد اهزم رميم مناك
علي:اييييي يالله هيه هاي الاخبار الحلوه شوكتتتت
عيسى:هل ايام بس محتاجك انت ومحمد
علي:خويه اني يمك شوكت ما تريد و محمد عود نروح عليه للبيت و نشوفه اذا يكدر تعرف بعد صار رجال البيت و موجوده المره و تسيطر عليه و هاي السوالف
عيسى:هههههههههه طاح حظك لازم تحجي عليه لازم هسه انت اول واحد راح تسيطر عليك مرتك هسه نشوف
علي:عوفك مني اني حالياً انسان بائس انت حير برميمك هاي الي سيطرت عليك
عيسى:احلى من يسيطر عليه والرب
علي:ديلا بلا وين زلم قبل الخشنه و وين ولد هسه حتى ماكدر اكول عليك زلمه
عيسى:خليت الزلمه الك عزيزي
داحجي وياه واجتني رساله باوعت لكيتها لارين كتله
علي:ديلا لككك امشي روح
عيسى:تره سمعت سمعت صوت الاشعار
علي:اييي مو اني العاشق الولهان برميم
عيسى:راح تصير اضرب مني انت و سالفتك مو فارغه اكو شي
علي:اي اي راح اجيب الك مرت اخ
عيسى:يلا نتوكل لعد
علي:ديلا ولي هسه بعدين نتشاوف ونتفق
عيسى:تمام ولي
علي:سديت الخط من عنده و دخلت على الواتساب لكيتها دازه رساله ما فتحتها بسرعه سويت نفسي ثكيل و مشغول بعدين جاوبت جانت كاتبتلي
لارين:(هلاو)
علي:(هلا منو ؟)
لارين:(ماعرفتني؟)
علي:(مو صغراً بيج بس لا ماعرفتج)
لارين:(اني لارين البنيه الي اخذت رقمك قبل كم يوم)
علي؛(يهلا يهلا اسف اختي ماعرفتج)
لارين:(لا عادي مصار شي)
علي:(تفضلي خويه محتاجه شي؟)
لارين:(ها لا بس جنت ضايجه و كاعده وحدي كلت ادخل احجي وياك اشوف اذا تكدر نطلع لمطعم شي )
علي:(اييي تدللين بس اشوف اليوم اذا كدرت اني امر عليج ونطلع)
لارين:(مايحتاج بس كلي المكان واني اجي)
علي:(لا ما يصير نخليج وحدج تجين)
لارين:(هههههههه لا لا عادي اصلاً متعوده)
علي:(متاكده)
لارين:(اي نعم)
علي:(تمام براحتج واني بس عندي شغله اتاكد من عدها وارجع انطيج خبر ع ساعه و المكان)
لارين:(تمام براحتك)
علي:(انتبهي على نفسج خوششش)
لارين:(هههههههه خوشششش)
علي:عفت المبايل رحت سبحت وخابرت عيسى و رحنه على محمد للبيت
/////// عند محمد وملاك
ملاك:فتحت عيوني لكيت نفسي للبيت عرفت انو رجعني للبيت وخرت الغطا اريد اكوم جان يفتح الباب و يفوت يصيحح
محمد:لككككك هلاااااااا صححح النوووومممم
ملاك بنظره استغراب: هاي شكو
محمد:ماكو شي بس ما ناويه تاكلين
ملاك:ما اشتهي
محمد:اهووو اكلج لا اتعبيني و تتنعوصين اكلي وسكتي
ملاك:هوه غصب يعني!!!!
محمد:اي غصب يلا فتحي حلكج اجت الطياررره اجت الطياره وييييي عفيه بلشاطره
ملاك:رغم جنت كلش تعبانه و مالي خلك لكلشي بس ضحكني بهاي سوالفه كعد يوكل بيه و اكلت شويه شافني شبعت انطاني كلاص عصير شربته باوع عليه وكال
محمد:الف عافيه يلا كومي فوتي سبحي واني راح انزل جوه انتظرج
ملاك:ليش ؟
محمد:شنو هاي الليش
ملاك:يعني ليش تنتظرني جوه اكو شي؟
محمد:لا ماكو بس شنو كاعد وحدي بلبيت
ملاك:ماريد اريد ابقه بلغرفه
محمد:تمام انتي ردتي هيج
ملاك:شنوه
ملاك:باوعت عليه لكيته نزع التيشيرت مالته و تمدد على الجربايه و باوعلي غمز ضليت فاتحه عيوني بكل وسعهن على الي سواه و كمت اصيح
ملاك:انتتتتتت شدتسوووويييييي
محمد:مداسوي شي
ملاك:فوت البس ليش نزعت هدومك
محمد:تصحيح نزعت تيشيرت مو هدومي كلهن تريدين انزعهن كلهن يحجي و يغمز
ملاك:شكد ادبسززززز انت
محمد:تؤ تؤ هاي اني
ملاك:لا انيييي
محمد:اي اكيد انتي
ملاك:اهووووو اني ليش داتناقش وياك كوم البس
محمد:باعي اني كتلج انتظرج جوه ما قبلتي تريدين بغرفه النوم و عزيزتي بغرفه النوم واحد ياخذ راحته واني اخذت راحتي
ملاك:لا لا خلص اسفه قابله انزل والله قابله
محمد:ها متاكده
ملاك:اييي اي
محمد:تمام انتظرجج
ملاك:تمام بس هاك البس التيشيرت
و شمرت التيشيرت عليه اخذه مني و كام يضحك بهاي الاثناء ندك الباب طلع من الغرفه واني اصيح وراه علمود يلبس وهوه يحجي
محمد:لججججج ايييييي راح البسه لا تلحيييين
فتح الباب شاف علي و عيسى
علي باوع على عيسى و حجه
علي:والله يا خويه شكلنه اجينه بوكت غير مناسب ابد
عيسى:اتوقع ما تشوفه حتى التيشيرت بعده ديلبس بيه
محمد:اكلو خ...و فوتو يلا بدون هذا الكلام الخايس
علي:ليش كلام خايس يابه اجينه و زعجناكم
محمد:راح احجيييي
علي:ههههههههههههه لا لا خلص
محمد:فوتو يلا
عيسى:يابه اجيناك بطلب
محمد:اي كول
علي:عيسى لا تحجي خليني اني احجي
محمد:فضووها
علي:يابه اجيناك نريد نطلب ايد بنتك ل ابنه
محمد:يابه دكل خ... و احجو
عيسى:هههههههه حمودي اريدك حتى نروح نهزم رميم من يم سوسن
محمد:شعجب تهزمها؟؟ مو دائماً جنت تريد تشتريها و كل يوم ينطوك سعر شكل
عيسى:وامنا مريم العذراء تعبت والرب تعبت ياخي كل يوم اروح اوكف وماكو بس يجيبون واحد و يخلوه وارجع الزمه وهم ما يحجي شي يطلع ولد منطيه فلوس و جاي لا اكثر ولا اقل
محمد:وهسه شلون راح تطلعها مناك
عيسى:كعدت احجيلهم تفاصيل الخطه و كل واحد شنو راح يسوي و بأي وقت راح نطلع و فجأة انفتح الباب كلنه باوعنه للباب شفنه بنيه ماده راسها و اول ما شافتنه نصدمت و سدت الباب بسرعه عرفتها مرت محمد ومحمد كام يضحك و عافنه وطلع
محمد:هاي شدتسوين هنا شلون هيج تمدين راسج
ملاك:والله مادري عندك احد
محمد:عادي عادي شبيج خفتي مراح اكلج
ملاك:هااا مو عبالي راح تصير عصبي
محمد:لا حبيبي اعرف بيج ما تدرين بس بعد اخذي احتياط قبل لا تدخلين للصاله دكي الباب خاف احد موجود
محمد:جنت احجي وياها و هيه بس صافنه بوجهي صحتها مره مرتين ما تسمع ثالث مره فزت
ملاك:ها ها شكلت
محمد:شبيججج
ملاك:ها لا ما بيه
محمد:متاكده
ملاك بارتباك:ها اي اي اكلك
محمد:كولي
ملاك:انت منو سمح الك تكول الي حبيبي
محمد:ليش عندج اعتراض؟
ملاك:ايييي اني مو حبيبتك واحنه حتى زواجنه مو حقيقي
محمد باوع عليه و غمز:تريدين يصير حقيقي؟
ملاك:اهوووووو عفيه انت كل تفكيرك هناك وخر وخر
محمد:بيج حيل اسوين عصير او چاي لو اني اسوي ؟
ملاك:لا لا هسه اني اسوي بس انتو شدتسوون ليش من دخلت عليكم سكتو؟
محمد:هيج شغل
ملاك:اي شنوه
محمد:معليج بيه
ملاك:ليش
محمد:شنو تريدين احجيلج شلون نهرب مخدرات لو شلون نبيع اعضاء لو نبيع بنات للملاهي حددي واني اشرحلج
ملاك:شهكت وحطيت ايدي على حلكي ضحك و حجه
محمد:شبيج
ملاك:كل هذا تسوووووه!!!! صدك تحجي
محمد:اييي ليش عبالج اجذب من كتلج مجرم
ملاك:انت ما تخاف الله انت شلون هيج تسوي لككككك شلون تبيع اعضاء شلوووون تبيع بنات شلون تهررررببببب مخدراتتتتت لككككك صدك تحجي انتتتتتتتتتت لككك حرام عليك كاعد ادمررررر الناس حررراااامممم و تجي يمي تصير شيخ براسي و اكلي قضاء ربج لك انت تعرف رب العالمين حتى هيج تحجي لككك انت مسوي مصايب بيا عين تحجي بالديننننن بس فهمني بياااا عييبننن لكككك حسبي الله ونعم الوكيل بيكككك الله ينتقم منكم عزززه واني لكككك اني شلون باقيه يمك بس فهمنييييي شلون باقيه وياك يجوز بأي لحظه تبيعني او تبيع اعضائي لكككككك لو خالنيييي بهذاك البيت احسن والله احسن لككككك انتو حلالللل بيكم الموتتتتت والقران حلاالللللل
محمد:اششششششششش صوتجججججج كافي كافي اهدددديييييي
ملاك:لكككككك شنو اهدء انتتتت سمعتتتت نفسك شنو حجيت او لا
محمد يحضنها و يحجي
محمد:داتشااااقه اسف اسففففف والله داتشااااقه
ملاك:وخرررررررر وخرررر لا تتقرب مني وخر عنييييي
محمد: بشنو احلفلج جنت داتشاقه
ملاك:ماريد حلفااانك ماريد انت واحد جذب واصلاً حتى ما تخاف من الله روح الله ياخذك الله ينتقم منك
ملاك:لزم ايدي بقوه و صك على اسنانه و يحجي بعصبيه و يباوع بعيوني
محمد:كافيييي لا تخليني اتصرف غير تصرف ورب الكعبه تره اندمج كافي عاد الولد يمي و صارلي ساعتين ساكت اكول حقها اكيد نفعلت بس صوتج كلش عالي واذا اسمعه مره لخ لسانج الحلو ينكص افتهمتيييي
ملاك:باوعت عليه و بلعت ريك عفته و صعدت للغرفه قفلت الباب وكمت ابجي مداصدك الي سمعته ومداعرف الحقيقه شنو قررت هاي الكم يوم امشيها وياه و شكله هاي الايام راح يصير عنده شغل واني استغلها و اطلع من بيته
محمد:رجعت يم الولد لكيتهم يضحكون
محمد:ها خير ضحكوني وياكم
علي:لا حبيبي سلامتك انت شبعت رزايل
محمد:نجب لا اجي اش....
عيسى:ياخي هسه هوه كاعد يجذب مو سمعنه كلشي
محمد:يابه انتو فد كوا....
علي وعيسى:والنعم من عدنه
محمد:هههههههههههه معليكم بلصار شكلي راح اعاني هواي بين ماعرف قصتها شنو
علي:انت متأكد راح تطلع هيه نفس البنيه ؟؟
محمد:٨٠٪؜ متاكد هيه لككك نفس المواصفات وشمعنى بنفس اليوم يلا بينت ليش ما بينت بهذيج الفتره سالفتها بيها شي وماكون محمد اذا ماعرفتها
عيسى:كفو كفو بس لا تظلم البنت هواي خاف تطلع بريئه
محمد يمسح وجهه و يحجي :الله كريم الله كريم خل نكمل هسه الخطه
عيسى:كملت الهم كل الشرح و جنة متفقين اليوم نطلع بس علي عارض كال عنده موعد ما يكدر باوعت عليه صفح وحجيت
عيسى:كتلك سالفتك مو خاليه
علي:يابه عادي عندي شغل
عيسى:نجب نجب يا شغل هذا واحنه مو وياك انت منيلك هاي الكلاوات !!
علي:من خالتك جبتهن
عيسى:كم مره افهمك ما عندي خاله ياخي شنو هاي الملحه
محمد:صدك علي شنو هذا الشغل
علي:يالله راح يبدي التحقيق يلا يابه من رخصتكم اني رايح مع السلامه . اخذت سويج السياره وطلعت اسمع عيسى يصيح وراي عفته رحت للحلاق زينت و رتبت نفسي اني لازم كل اسبوع ازين ما اتحمل يطول شعري بس يطول شويه ابين عبالك واحد وصخ شكد ما اسبح ما يفيد المهم خلصت زيان و رجعت للبيت سبحت و دزيت الها رساله على الوكت و المطعم طلعت الي ملابس رسميه بنطرون و ستره و جواهن بدي ابيض و رشيت عطر و مشطت شعري وركبت السياره حسيت نفسي بالغت بيهن رجعت نزلت دخلت للبيت لبست بنطرون و قميص وطلعت ركبت السياره و بسرعه حركتها قبل لا اغير ملابسي للمره الثانيه وصلت للمطعم نزلت ودخلت كعدت على الميز وره عشر دقايق دخلت للمطعم اجت يمي و كالت
لارين:سلامم
علي:هلا هلا
علي:جريت الكرسي الها باوعت عليه رفعت تك حاجب و ضحكت
لارين:طلعت تركي واني ماعرف
علي:هههههههههه شنسوي من نشوف هذا الجمال كدامنه لازم نحترمه
لارين:ههههههههههه تسلم
علي:ولو ايي شتاكلين
لارين:والله الصراحه ماجوعانه اني بس اشرب عصير
علي:هاي شنو ليش هيج ادري جايه مطعم و دنيا كله علمود عصير صدك جذب حتى ب الاسواق موجود
لارين:هههههههههههه بس والله ما اشتهي يابه يلا اكل حلويات هاي الاشياء الخفيفه
علي:يلا شنسوي امر الله نطلب الج اشياء خفيفه على كولتج
علي:طلبت اكل و باوعت عليها ابتسمت وحجيت
علي:ايييي شكو ماكو
لارين:هههههه ماكو شي
علي:يعني اسف على الي راح اكوله الج بس اكو شغله بقت ببالي
لارين:شنو اكو شي
علي:يجوز يضوجج هذا السؤال
لارين:غير اعرفه ؟
علي:ليش هذيج المره كلتي ماعندج احد اهلج وين ؟
لارين:الصراحه ماما متوفيه و عندي بابا تاجر و متزوج وعندي اخوان بس من غير ام طبعاً كلهم عايشين بالخارج ماعدا بابا مرات يجي لهنا و يرجع يمهم علمود شغله
علي:شعجب ما رحتي وياهم انتي؟
لارين:ماريد يأذوني صح بابا مدللني ويحبني بس اغلب وكته بالشغل وهمه هنا راح يدخلون و يستغلون الوضع من بابا ماكو فه قنعت بابا ابقه بلعراق وهوه كل فتره راح يجي و يشوفني وهم اكمل دراستي هنا
علي:شنو تدرسين
لارين:ادارة اعمال
علي:حلو و اسف سئلتج هيج سؤال والله يرحم امج يجوز قهرتج
لارين:لا عادي عادي واصلاً ماما من اني و صغيره توفت يعني مالحكت عليها وحتى ماعندي ذكريات وياها
علي:حاولت اغير الموضوع وياها خاف تنقهر و اجه الاكل كلت
علي:لكككككك هلاااا شوف الاكل يابه
لارين:ههههههههه بلعافيه
علي:الله يعافيج هاج هاي الاشياء الخفيفه مالتج
لارين:تره طيبة لا تستهين بيها
علي:لا يابه ما مستهين بس السالفه اني ما اكل هاي الاشياء يعني نادراً اكلهن اني اكل الاكل الحقيقي الدسم
لارين:هههههههههههههههه
علي:باوعت عليها وابتسمت لضحكتها و بدينا ناكل ونسولف ومر الوكت و هيه راحت بعدين رجعت للبيت سبحت و نمت
//////////عند ملاك ومحمد
محمد:رحت لغرفتها اريد افتحها مقفول الباب
محمد:راح تضلين هيج لج بابا جنت اتشاقه طلعيييييييي
ملاك:روح عوفني معليك انت
محمد:لا حول الله لج بابا اني عندي شغل لا تخبليني يجوز باجر ما ارجع الج خلي اليوم يمر بسلام يجوز بعد مراح تشوفيني وراح تخلصين من عندي وترتاحين
ملاك:سمعت كلامه استغربت الي كاله فتحت الباب ووكفت كام يباوع عليه من جوه ليفوك رفع حواجبه وكال
محمد:هااا
ملاك:هاا
محمد:شعجب طلعتي
ملاك:عجبني اكلك وخر من وجهي تره جوعانه اني و وراح انفجرررر
محمد:اني مواكف بطريقج عندج هذا المكان يكفيج انتي و ٣منج عفتي كل هذا الفراغ اجيتي على المكان الي واكف بيه اني
ملاك:باوعت على الطريق و نزلت راسي من الفشله جان حقيقه اكو هواي مكان ماعرف ليش شفت بس المكان الي هوه واكف بيه حاولت ابين نفسي ممهتمه وكلت
ملاك:اهووووو دوخرررررر مو حتى ثولتني كمت ما اشوف زين  عفته و نزلت من الدرج بسرعه دخلت للمطبخ طلعت اكل وكمت اسوي اجه للمطبخ وكف يم الباب و ارتجه على الباب و مكتف ايديه وحط راسه على باب المطبخ و حجه بهدوء
محمد:ملاك
ملاك:هاا
محمد:ما تريدين تعرفين اني باجر وين رايح؟؟
ملاك:لا
محمد:متاكده
ملاك:ايي
محمد:تمام باعي احنه رايحين نهزم بنيه
ملاك:انت منو كال الك اريد اسمع
محمد:اشششش حتى اذا ما تريدين هم سمعي
ملاك:باوعت عليه و سكتت رجع كمل
محمد:هاي البنيه حبيبة عيسى عرفها هم عن طريق سوسن طلعت خوش بنيه مو مثل باقي البنات عيسى كلش حبها كلش وهيه هم اكثر من مره حاول يتزوجها ياخذها يمه ماكو ما يقبلون ينطوها يعني اني من اخذتج دفعت فلوس لسوسن و انطتنياج اما هيه لا يعرفون عيسى كلش يحبها و مستعد يموت نفسه علمودها و مستغلين هذا الشي اكثر من مره يتفقون على مبلغ جبير بعدين ما يجون و يعوفون عيسى ينتظر و اليوم قرر عيسى انو نهزم البنيه تطلع مناك اتفقنه على باجر يجوز بليل نطلعها ويجوز الفجر نروح ومادري اذا بعد راح نطلع مناك او لا الي اريده منج تهتمين بنفسج و تهتمين للطفل الي بداخلج و سامحيني خاف فديوم ضوجتج
ملاك:شسمها البنيه
محمد:مراح تعرفيها
ملاك:هسه انت شعليك اذا اعرفها او لا اريد اعرف اسمها
محمد:اسمها رميم
ملاك:فتحت عيوني على وسعهن ممصدكه بالي سمعته
ملاك:هاي صديقتي
محمد:صديقتج!!
ملاك:ايي اي والله لك هاي الي جانت اجيب الي اكل و هل سوالف كلش حبابه والله صح ما حجينه هواي ولا عرفتها هواي بس جان مبين عليها كلش حبابه ومره كعدت تحجي ويايه يجوز جانت تقصد عيسى محمد حباب انتبهو عليها و حباب اول ما تطلع مناك جيبوها هنا اريد اشوفها حباب
محمد:تمام تمام نجيبها عود زين اني ما تريدين احد ينتبه عليه؟
ملاك:مو جاهل انت بكد الفيل شكبرك حتى الواحد يخاف يضربك او يسوي بيك شي
محمد:ههههههههههههههههه يعني انتي هسه تخافين تضربيني؟
ملاك:لا
محمد:ها اوكي
ملاك:بده يتقرب مني واني بلعت ريك و اباوع عليه وارجع ليوره والطباخ مشتغل كال وهوه نفتح عيونه بوسعهن و مبتسم ابتسامه جانبيه
محمد:ما تخافين مو
ملاك:اييي ما اخاف
محمد:تمام تمام
ملاك:اني ودارجع رجعت على الطباخ وما حسيت غير ايده صارت على خصري جرني بسرعه عليه و وكع الجدر ورايه عيطت واني مصدومه
محمد:ديربااااالجججججج
ملاك:مادري مادري
محمد:صار بيج شي تأذيتي؟؟؟
ملاك:لا لا
محمد:لا تخافين ماكو شي امشي طلعي اني انظف المكان
ملاك:لا لا عوفه اني انظف
محمد:ماكوو داكلج امشي روحي
ملاك:تمام
محمد:نظفت المكان و رجعت سويت اكل الها اكلت و فاتت سبحت و نامت واني سبحت و فتت نمت ثاني يوم كعدت من الصبح غسلت سويت اكل حطيته بالثلاجه و حطيت الادويه مالتها على الميز و كتبت رساله الها و بدلت و طلعت رحت على عيسى و علي وكعدنه نشتغل على الخطه و شلون انفذها بدون اي غلط وناخذ الاحتياط وكلشي كمل جهزنه نفسنه و الاسلحه و صار الوكت نطلع من البيت عيسى جان خايف كلش واعرف هذا الشي مو بيده خايف خاف تتاذه رميم هوه اتفق وياها على كلشي وصلنه نزلنه
عيسى:شباب انتبهو ما يحتاج اوصيكم
محمد:لا تخاف خويه احنه بظهرك
علي:يلا شباب نبدي
محمد:يالله
عيسى:يا رب يا يسوع المسيح
عيسى:  جانت الدنيا ليل و دخلت للبيت بهدوء حتى محد يسمع باعو عليه الولد هزيت براسي بمعنى يلا و حجيت بداخلي واخيراً بعد ايام طويله راح اشوفها وراح نكدر نخلص من هذيج الايام و واطلعها من القذاره الي هيه بيها رحت على غرفتها و نصدمت بالي شفته هيه بلكاع و الدم يطلع من ايدها معقوله انتحرت وما انتظرتني اجييي معقوله عافتني وراحت !!
——————————————————————————
انتهى البارت يحلوينييي
،
،
،
شنو تتوقعون للبارت الجاي ؟؟
،
،
،
تتوقعون رميم ماتت وعافت عيسى بعد كل هذا الحب و الانتظار؟
،
،
حلويني لا تنسون التصويت و الكومنت الحلو بين الفقرات و المتابعه
،
،
للكاتبة مريم الكبيسي