وصلت لبغداد واخيراً بس ماعرفت وين اروح قررت اضل امشي لحد ما وصلت يم فندق صح قديم وبسيط بس اكدر اعيش بيه فتره مؤقته بين ما الكي شغل و استقر اجرت غرفه و دخلت حطيت اغراضي و صفنت على الصار بيه كعدت بلكاع كمت ابجي
ملاك:ياربي ما اكدر اتحمل كل هذا ليش هيج صار ويايه يارب انت تعرف بيه اني بريئه اني ما سويت شي
ضليت بحدود نص ساعه بس ابجي بعدين كمت دخلت للحمام سبحت و طلعت مشطت و تمددت على جربايه ونمت
ثاني يوم كعدت و قررت من هذا اليوم لازم ادور على شغل كمت سبحت و بدلت نزلت ادور على شغل من محل ل محل لحد ما تعبت دخلت على مطعم ارتاح بيه وهم اشوف اذا عدهم مجال علمود اشتغل وياهم و ضليت افكر واتذكر هذاك اليوم بصفي ميز جانو كاعدين بيه ٣بنات و مره جبيره وياهن اني وصافنه ماحس بس دموعي تنزل على خدي كامت وحده من البنات اجت يمي
البنيه:بيج شي؟
هزيت راسي لا و امسح بدموعي
البنيه:متاكده
ملاك:لا
وكمت ابجي اكثر
اجت المره الجبيره يمي
المره:شبيج حبيبتي
ملاك:ماعرف كلشي ماعرف
المره:ليش وحدج انتي ؟
ملاك:لان ماعندي احد
المره:اهلج وين
ملاك:ب البصره
المره:وانتي ليش هنا
ملاك:سالفه طويله
المره:احجي حبيبتي فضفضي
ملاك:لا خاله تسلمين
المره:يااا ولججج احجي شنو تسلمين احجي
ملاك جنت محتاجه افرغ الي بداخلي و حجيت الها على قصتي ما توقعت من وراها راح ادخل بقصه ثانيه و بمصيبه اكبر
المره:يا حبيبتي سوده عليه شلون هيج يسوون بيج
ملاك م جاوبتها بس ابجي
المره:زين انتي هسه وين كاعده
ملاك:أجرت غرفه ب فندق قريب منا
المره:لا يمه شنو هاي كاعده وحدج ماكو هيج تعاي يمي
ملاك:لا خاله شلون اجي ميصير
المره:ولج شنو ميصير اني داكول الج تعاي اني اريدج
ملاك:خاله والله ما يحتاج اصلاً هسه شويه و اطلع ادور ع شغل
المره:اي تعاي اشتغلي يمي
ملاك:شنو صدك تحجين عندج شغل
المره:اي بس ماعرف اذا يناسبج او لا
ملاك:عادي خاله كلشي اشتغل ما عندي مانع
المره:تمام تمام بس لازم تعيشين يمي
أنت تقرأ
تكسرات روح
Romanceملخص الاحداث . . ملاك:ايي كال هسه راح افوت بفرعكم ام ملاك:بنيتي انتبهي ع نفسج ولا تتاخرين تعرفين ابوج ملاك:ماما لا تخافين قابل اني وين رايحه تره ويه كرار هوه ناكل ونرجع ام ملاك:حتى لو بنتي الدنيا مو امان ما تعرفين شنو يصير ملاك:ماما بس عوفي هذا...
