الهوس القاتل

البارت (التاسع عشر)

هدى::شوي ونزل احمد سابح ومبدل وشعرهه مبلل للحضه اني فهيت عليه بعدين ذكرت يوو هدى شجاج كلتي رجال بعيونج شو كلش مستخفه انتي كعدنه نتغده كلساع اباوعله ولا يباوعلي ضجت
احمد ::نتبهت عليه كلساع تباوعلي سويت نفسي ماباوعله واللّٰـه لعلمج ياهدهد شلعتي كلبي شلع
هدى:: خلصت اكل واني متنرفزه من عنده خلصت اكل كل عاده خاله مقبلت اغسل ماعين صعدت للغرفه لبست دشداشه ماروني كصيره وفتحت شعري وخليت حمرا حمره  وكحل وخليت عطر اني اعلمك اشوف تبقه هيج كالب خلقتك عليه اني اعلمك ابو شوارب شوي ونفتحت سويت نفسي داصفط ملابس بالكنتور شفته باوعلي ودخل سبح هذه شبي عود صدك
احمد::صعدت دخلت وشوف البلوه الي عدي لابسه دشداشه ماروني كصيره ورجلين تلالي والحرا حمره خاطتهه خط وكحل تارسه عينه بي باوعت الهه عرفت شناويه عبالهه ماعرف انا نقيب احمد هلامور ماتعدي عليه درت وجهي ودخلت للحمام بس اني مشتعل نار سبحت وطلعت كاعده ؏ جربايه رجل ؏ رجل وتلعب بشعره
هدى:: فكرت اكو مشهد بمسلسل تركي سوي حركه والبطل جان زعلان ومن شافهه ماتحمل وحضنهه كلت خل اجربه كعدت ؏ جربايه وخليت رجل ؏ رجل والعب بشعري شو هذه ابو شوارب طلع لا حس ولا حساس مثل الحايط وكف يمشط بشعره خرب حضج هدى هيه مال مسلسلات وكاعده سوين مثلهم بــآبـا العدج حايط نرفزني كلش لحد ماكال
احمد:: شعدج مكيجه وكاعده مو باجر عدج دوام
هدى:: فشلني .. كاعده بكيفي اتمكيج ل روحي مو اله لاحد
احمد ::اي خوش دكومي ومسحي هل خرابيط حته صبح اخذج نص يوم وجيج اخذج
هدى:ليشش؟
احمد:: اباوع بوجهج
هدى:: صدك واللّٰـه هوه منو الي ميريد يباوع بوجهي صدقه
احمد:: بكلبي كلت صدك صدقه قابل جذب .. لا ؏ كيفج زليخه نسيتي باجر يجون ربعي
هدى:: خرب بليسه فشلني .. اي خوش
كمت :: غسلت وجهي مامنه فايده وجيت تمددت هوه بقه ؏ لابتوب يسوي وحاط كومه ملفات ماحسيت غير نمت
احمد:: باوعت نايمه مثل فراشه اخ يهدهد كلبي مشتاقلج حيل بس لازم اسوي هيج حته تمشين عدل سديت لابتوب وشلت ملفات ضميتهن ورحت تمددت يمهه بقيت اباوع ل ملامحا لحد مانمت
هدى::كعدت صبح شفت احمد نايم يالله شعجب كعدت وحدي هاي معجزه اباوعله نايم يربي هل رجال شكد حلوو خرب عرضج ياهدى هذه رجلج ونبي لازم اشيل خسمي ؏ بنات ويطلع فريخ يشبه يححح يمه
احمد::خلصتي صفنتج بوجهي؟
هدى::كمزت كبل يافشلتي من فشله كتله اي
احمد::خوش جا كومي غسلي وبدلي
هدى::طاح حضج هدى طاح حضج اي واللّٰـه
كمت غسلت وبدلت وشلت جنطه وخليت عطر نزلت لكيته ماهوه
هدى::صباح الخير خالتو
ام عــلي ::صباحج عافيه يبعد خالتج
هدى::وين ابو شوارب
ام عــلي::منوه
هدى::اقصد احمد وينه
ام عــلي::منتضرج بره وهاج هذه اكلج
هدى::فديتج يااحلا خاله بدنيا باي لافيوو
ام عــلي ::ولج وشني ها لافيوو
هدى:: يــعــني احبج احبج
ام عــلي::ياا داده فلك جا اني بعد هم احبج الله وياج
هدى::صعدت باوعلي وحرك كبل يربي هل رجال راح يجلطني
احمد::ب11اجيج خوش
هدى::خوش
وصلني طاني مصرف كل عاده نزلت وهوه راح دخلت وكل عاده تلكتني سرى
سرى::صباح الخير عروستنه
هدى::عرووس بعينج
سرى::وجع شبيج كالبه الخلقه جنج بومه من صبح
هدى::ماعرف بس سويتلي سالفه تسوه ﻋــﻣـࢪي
سرى::شسويتي ولج
هدى::سولفت الهه صــآر ودمغتني كبل
سرى::اكو وحده عاقله وعدها عقل سوي هيج
هدى::مادري اريده يهتم بيه مثل ويتغزل
سرى::يمكموعه معناهه تحبي انتي
هدى::لارد ...
سرى::ولج لا يطير رجال منج وتجي وحده تاخذه منج وصيرين خادىه الهه ولابنه بس
هدى::وشحده يجيب وحده شناقصني اني
سرى::ناقصج عقل ولج اذا سوين ويا هيج طبعا يروح ل وحده ثانيه مشوفين البنات كاتلات روحن عليه نقيب وفلوس ومنصب وجمال شيردن بعد تلاحمي روحج قبل لا يطير من ايدج
هدى::توني اريد احجي ودك جرس اجت مدرسه وكلشي مافهمت مثل ثوله افكر بكلام سرى كله صح يمه واللّٰـه اذا جاب وحده اكتله وكتل روحي دك جرس واني مامفتهمه شي اصلا 
سرى::ها يثوله وين صافنه
هدى::بحجيج واللّٰـه
سرى::شقررتي
هدى::لا خــلص استر ؏ عرضي اقصد ؏ بيتي
سرى::يربي هاي ثوله بمانتك لاتجفص وطير رجال
هدى::شسوي زين
سرى::لا ربحنه اني مزوجه لو انتي
هدى::جا مزوجه اني مثل العالم وناس
سرى::شوفي باليل لبسي مشلح وحطي مكياج قوي وخلي ورد ؏ جربايه وشموع وطفي الاضويه الله ونبي جفاف صــآر
هدى::ولج ترديني اسوي هيج شيكول عليه وحده مهيلكه
سرى:: ولج قابل انتي صاحبته غير مرته يحضي يحضي غباء موهبه
هدى:: اي فهمت هاذهو
سرى::نشوف تاليتج مدبريه واجيج العصر اجيبلج وياي ثوب مشلح عليج انتي تلبسين جادر واجي اهلسج شايفه وجهج وحواجبج عبالك ارمله
هدى:: خوش انتضرج
دك جرس وجت مدرسه معرفت شلون خــلص الوكت وجت بنيه
بنت:: من رخصتج ست اريد هدى قاسم..زوجهه اجه ياخذهه
هدى::كلهه لتفتت وباوعتلي ياكاع نشكي وبلعيني شكو
المدرسه::تكدرين ترحين هدى
هدى::شكرا ست ..سلمت ؏ سرى وررحت للاداره دخلت وشوف هذه ابو شوارب كاعد ولابس زي ومخلي سلاحه ؏ مكتب مديره ويسولف ومعاونه واكفه ومديره تتمضحك ويا شهل هيلكه هاي مشايفات حلو اقصد رجال يووه
المديره::تفضلي ماما زوجج اجي اخذلج اجازه مص يوم وتكدرين ترحين ويا
هدى:: ماما بعينج .. اي شكرا ست
احمد:: استاذه شكرا الج تعبناج
المديره::ولو عيوني تدلل سيدي
هدى::طلعنه مت الادراه شمرت جنطه عليه
احمد:: هاي شبيج
هدى:: بتقليد استاذه شكرا الج تعبناج ولو عيوني تدلل سيدي ...شيل جنطتي حامل وتعبانه مشيت كدامه ضايجه
احمد:: ههههه بداخلي اروح فدوه للتعبانه وغيرانه فوول
هدى::صعدت بسياره شوي وجه صعد
احمد::شو داشم ريحه دخان قوي
هدى::منشوله ماشم
احمد:: ها مو اكول
هدى:: يلا تاخرنه
احمد::شعدج مريت ؏ بيت ام عــلي مكمله كولشي بس صبن
هدى::اي اسبح ابدل اطلع اسم بصدريتي
احمد::لا عيني حقج حقج اعصابج يابه
احمد::كوه كاتم ضحكتي وهيه دايره وجهه وتنفخ كلساع
هدى::ضجت منه بروده نرفزني وصلنه عفت جنطه ونزلت خلي هوه ينزلهه
احمد::شو هاي نزلت وعافت جنطه مسودنه واللّٰـه العظيم مو صاحيه 😂
نزلت جنطه ودخلت وراهه
هدى::هلاو خاله شلونج
ام عــلي:: هلا حبيبتي
هدى::شوكت لحكتي طبخين كل هذه واني كلت هسه واخير اجي اكدر اساعدها
ام عــلي:: يمه متعوده اني وشغلي سريع اذا تردين ساعديني صعدي غسلي ورتاحي حته مصب اني وياج من يجون
هدى:: ماشي حبيبتي
صعدت غسلت وبدلت لبست ثوب لون زيتوني طويل ومنفوش وشال زيتوني وخليت وخليت كحل شويه وحمرا ومال خدود ومسكاره وعطر ونزلت
ام عــلي::مــاشاءاللّٰـه ربي يحفضج من كل عين
هدى::اوي حبيبتي فدوه
احمد::اباوع نزلت لابسه زيتوني يربي استر عليه
هدى::احمد حلو لبسي
احمد::بدون ماباوع اي حلو
هدى:: هوه انته شفت حته تكول اي
احمد::رفعت عيني باوعت ونزلت اي حلوو
هدى:: شكرا بعصبيه اعلمك واللّٰـه
احمد::كلش متونس من اشوفهه هيج ضوكي الي ضكته
هدى::كاعدين وبعدهم ماجو واني طكيت من جووع
هدى::ادري شوكت يجون مو بطني كامت تقرقر
احمد::شسوي ؟؟
هدى::تقرقر
احمد::واللّٰـه انتي عليج مفردات
هدى:: ندكت الباب من فرحه كمت هوست اجو اجوو عالوو بينه يالحمزه الحك عالو بينه يالحمزه الحك هلا هلا اباوع احمد صافن وفاتح حلكه
هدى::شبيك
احمد:: لا هسه تاكدرت رسمي اني مو صاحيه واللّٰـه افتح الباب للولد
صفنت وميت ضحك طفله طفله فتحت الباب
مسلم وعلاوي::سلام عليكم بيت عامر شونك شويت جوعانين
احمد:: ؏ كيفكم شبيكم خرطتوهن كلهن الله ذاب عليه بس مخابيل فوتو فوتو
دخلو وتلكتهم ام عــلي
ام عــلي::ياهلا وميت هلا نور البيت كل الهلا
مسلم وعلاوي:: هلا بيج خاله نور نورج
هدى:: اهلا وسهلا البيت بيتكم
مسلم وعلاوي::هلا بيج خويه مبروك ؏ ولد وزواج ونشالله بيت العامر
هدى::شكرا يوم الي الكم نشالله
احمد::صافن ؏ ادب ورزانه من ربعي سرسريه لو مرتي المسودنه ماعرفتهم واللّٰـه
احمد::تفضلو تفضلو
مسلم::زاد فضلك خويه
احمد::دنيت يمه وكتله ولــڪ كواد ماعرفتكم
مسلم::ابن نعال مكود عليك
احمد::هسه عرفتك
هدى:: دخلو وسلمت الاوع شويه تهامسوو احمد ومسلم مدري شحجو كمنه اني وخاله نصب بالاكل واحمد ينكل خطيه مسويه سمج وتمن احمر وروبه وزلايط وطرشي وخضرا وفواكه كعدوو
مسلم وعلاوي ::سفره دايمه نشالله
احمد:: الف عافيه تفضلو
هدى::بدينه ناكل واني من جوع متت اله شويه كلت رتاحيت يمه بدون مانتبه كلت
هدى:: يابويه هسه بطني رتاحت وبعد ماتقرقر ماشوف كلهه صفنت عليه وبعدين ضحكوو يمه فشلتني يمه سويت نفسي اضحك وياهم
مسلم::واللّٰـه ياهدى كوه جنه لازمين نفسنه كدامج ماطول كلتي تقرقر ف هاي هيه
علاوي::اي واللّٰـه احمد ونزاح مني اقصد هم
احمد::وسمم
هدى::ههههه لا اخذو راحتكم خواني انتو
مسلم::هاي هيه احمد بس يضوجج كليلنه واللّٰـه نجي نلعب بي جوله
هدى::جوله والبيت اضلم
علاوي ::هلا هلا
احمد::ياربي جنت بثنين هسه صرت بثلاثة
الكل::ههههههههه
ام عــلي ::الله يديم هل ضحكه نشالله
الكل ::امين
.
.
.
.
.
.
.
.
اليوم نزلت بارت الكم وين تلكون هيج بيوم ستراحه نزلت اريدكم تنشرون القصه

لهنا وينتهي البارت توقعاتكم للبارت جاي ولاتنسون تصويت للبارت وتعليق حلو يشجعني انزل الكم وتقدير لتعبي وعذراً للاخطاء الاملائية شكرا جزيلا الكم♥️

الٌهـوس الـقـاتــل

الكاتبة  هـبة حـبـيـب|Hiba Habib

..........................................................،................