الهوس القاتل

البارت الثالث

الٌهـوس الـقـاتــل

الكاتبة  هـبة حـبـيـب|Hiba Habib
___________________________
احمد : بقيت اباوع شلون تمشي وتضحك طفله طفله خليت وصعدت كعدت بمكاني اجو صعدوو وعتذرو من العوائل ؏ تاخر كعدت بالكراسي الي بصفنه وابوهن وامهن كعدو وره بقيت احجي ؏ تاخر هيه باوعت الي ودارت وجهه هيه مشافتني بس اني شفت لان جان ضوه عليهه العيون صفرر مادري خضر ماعرف اللون خربط احاوالي خرب يومج مو بت بقيت اباوع الهه مبتسمه مثل طفل الي منتضر جائزته تحرك الباص وباوع الهه شويه شويه خلت راسهه ؏ جامه ونامت بقيت اباوع الهه وتامل ملامحهه هسه تكولون شنو حاي تبالغ او مشايف بس ماعرف هل بت شنو سوت بيه بهل لحضه بعد ماحسيت ؏ نفسي اله واني نايمم

هدى: كعدت من نوم جان صاير صبح واحنه واصلين ؏ حدود اربيل وكمت اصور وفرحانه كال ابو الكروب انو نكدر ننزل هنا لحد مايكمل اجراءات دخوليه
سرى: يلا عيني نزلي خل نصور
هدى:: يي اني هم اريد اصور
هدى: نزلنه وكلهه نزلت ابواع نتبهت ل واحد طويل ومعضل وشوراب عنده ويخبل وهيبه حته من واكف
سرى:: شفتي جمال موو اني شفته صبح وبقيت مسبله عليه
هدى:: نجبي بس حلوو وباوعت بقت صور بيه واني كلساع اباوعله اشوفه يباوعلي مثل الي كيفت لان يباوعلي لان بحسب اني مراهقه وتعرفون هل سوالف
سرى:: ولج شوفي شلون يباوعلج
هدى:: اي شفته ولج لا تثوليني
سرى:: واللّٰـه طلعتي مو شويه يهديوه
هدى:: صــآر وقت نصعد لان خلصت الاجراءات كعدنه  كل مادور وجهي اشوفه يباوعلي  لحد  ماوصلنه ونزلنه وكلمن اطوو غرفه احنه طونه سويت غرفتين. غرفه عمو وخاله وغرفه اني وسرى
هدى: تعبانه كلش حدخل اسبح اني
سرى:: نجبي اني ادخل قبلج
هدى:: واللّٰـه اني ادخل
بقينه نتعارك ؏ فوته ضربتهه ودخلت كبل سديت الباب عليه
سرى:: اني الج ياكلبه
هدى:: هه هه المهم دخلت قبلج
هدى:: سبحت وخلصت طلعت لكيت سرى غافيه ولازمه ملابسهه شكلهه يضحك اجيت يمه
هدى:: بوووووووه
سرى:: يمممه من عابت لهل خلقه زفره كطعتي خلفتي ولي ولي خل اسبح
هدى:: هههه فوتي عيني فوتي
هدى:: تصلت بماما وطمنتهه انو اني وصلت تمدتت طلعت سرى
سرى::هيوو اجه ولد كال ب 7 نطلع ياخذونه للمولات وهيج خل نام شويه حته نكعد نرتب نفسنه
هدى::اي واللّٰـه جسمي متكسر من الكعده اني
هدى:: نمنه وماحسينه غير خاله ام سرى تكعد بينه
ام سرى:: يالله يبنيات كومن كعدن وراجن بله وبليله
هدى::اي خاله كعدنه ... باوعت هاي بعدهه نايمه
هدى:: عيني الاميره النائمه يلا كوميي
سرى:: شويه حبابه شويه
هدى :: مَـ؏ــليه واللّٰـه اني حكوم ابدل
سرى:: اي كمت كمت
هدى:: كمت غسلت وجهي باوعت ؏ مرايه هلا اليوم احط مكياج براحتي امي ماكوو خليت مكياج وجريت لاينر
سرى:: لك عيني شنو هل جمال واللّٰـه ماعرفتك من جره لاينر
هدى::اعجبك عيني
خليت سرى تتمكيج واني رحت اختار ملابس لبست قميص اوف وايت وكيلوت اخضر وبي حزام اسود وشال اسود. وحذاء تكرمون وجنطه لو اسود
لبست وخليت عطرر
سرى:: صوفرت لك عيني فديت لابس اخضر اني طركاعه عليج كله علمود آبو شوارب
هدى:: دنجبي ولاتعرفين سولفين هذه كله حك نفسي يمامي
ام سرى:: يلا عيني مخلصتن صارلجن ســآعه والعالم جوه منتضره
سرى:: اي ماما اجينه
هدى:: نزلت خاله وعمو كدامنه واني وسرى نزلنه اباوع عيوني دور ؏ هذه ابو شوارب ماهوه يالله اووي شجاني ادور ؏ ولد ثول يهديوه  درت وجهي ؏ جهه ثانيه وشوفه واكف لابس قميص ابيض وبنطرون زيتوني خرب حضي شنو هذه
سرى:: شنهاي عيني مطقمين اليوم ظاهر
هدى:: سرى نجبي وامشي
سرى:: هههههه نجبينه عمي