1 شوال
______________________
الحجية سدرة : أنغيممه ءءهو محد تسمعني
أنغام : ها حبوبة اجيتج اجيتج
الحجية سدرة : بيش ساعه حبوبة إذن بعدا
أنغام : لا حبوبة بعده ساعة بـ2 هسه
من يأذن اني اكعدج نامي محتاجة شي ثاني
الحجية سدرة : لا حبوبة طفي ضوا وردي الباب
أنغام : رجعت للمطبخ نكمل الكليچة أني والبنات
ها منال شفتي الفرن خاف حتركن
منال : اي شفتهن بعدهن شتريد حبوبتي
أنغام : عبالهه إذن كتله بعدا
دخلت أمي للمطبخ
فردوس : ها يمه أروح انام كسرة خاف الوادم تجي غباشه تكملن وحدجن
أنغام : منال : _ أي نامي يُوم مضل شي أصلاً ونكمل نوم العافيه
أنغام : أكلج منال الولد ماكو شو لهسه بس لا صاير بيهم شي ولج
منال : يمعودة كلشي مابيهم متعودين يسهرون برمضان واليوم عيد تلكينهم سهرانين وي جماعتهم
أنغام : الله يسمع منج شو مامرتاحه
منال : أكلج بقن بس البيدج تكمليهن وحدج وروح اسبح وانام شوي هم
أنغام : ههههههههههه دروحي ضلت عليج أني اكملهن وحدي معليج
بقيت كاعدة بحدي صفنة تاخذني وصفنه تجيبني مامرتاحة بالي يم الولد كملت الكليچة ريحتهه تجنن هههههه بس مالي نفس اضوكهه رحت طلعت برا اتمشى بلحديقة منا إذن دخلت اكعد حبوبتي
_ حبوبة حبوبة إذن اكعدي
الحجية سدرة : ياهي انتي صخيمه
أنغام : هههههههههههه خربت من ضحك اسمي اختي ماري صخيمة وعبالهه هيا
لا حبوبة لا أني أنغام مو كتلج بس يأذن اكعدج
__ ها حبوبه فدوة لوجهج اروح
اللهم صلي على محمد وآل محمد يالله يا رحيم
__ رحت جبت ماي تتوضى لئن متكدر تنزل وتتحرك
صوت الأذان وصوتهه يخبل وهيا تذكر الله وصلي على محمد شعور روحاني حلو
حجيت بگلبي الله لا يحرمنة من هل بخت الي عدنه
__ نغيمة حبوبة روحي توضي وتعاي كعدي يمي صلي
__ اي حبوبة هسه . رحت توضيت واباوع للباب بلكت يجون الولد ماكو دخلت يم حبوبتي مديت المصلاية صليت فتحت كتاب مفاتيح الجنان قريت زيارة عاشوراء راحة نفسية اللتفتت شفت حبوبتي تمددت وتريد تتغطى رحت يمهه
