بتول : اشو من خذاهه اخوي لحد ما الله أخذ امانته شبع ضيم وقهر منها كلشي ماحصل منها حته صبي مثل نسوان مجابتله وفرحتة
زُها : ماتحملت دمي فار دخلت بساع وبعدهه تحجي عيوني نطن بكصتي وخواتي وراي
يعني حته وهيا كاعدة بيتهه ومتكفيه شرجن تحجن عليهه اشو انتن الشبعتنهه ضيم وقهر وانتن الضليتن تحجن براس أبوي عليهه منا خليتنه يبزع من أميييي متخافن من الله وللله لو ما جدي وبيبتي فلا ندوس عتبت هذه الباببب
عماتي ضلن صافنات وچناينهم هم
كامت عمتي كريمة من أيدي لزمتني
كريمة : تعاي عمه تعاي شمدريج انتي مجاي تحجي على امج خل نعايدج
حوراء : لاا عمه فدوة لا تغطين عليهه تقصد أمنا مبينه من كلمتهه مال مجابتله ولد
هما ذوله الماعدهم ذمة وضمير الله ماياخذهم
چنا نحجي وهيا دايره ضهرهه ولا كانو نحجي
زُها : سكتي حوراء خل نفوت نعايد بيبيتي ونروح الحجي وي الحياية ميفيد
أني طلعت مني الكلمة وإني ماحس إلى طفرت
بتول : شوفنننن شوفن من احجي محد ترضى هاي تربية جموله بطول نعال ( تكرمون) والسانهه السان امهه هل بر****
زُها : ديربااااااللججج تحجين على امي اقسم بالله اندمج شنوو عبالج خايفين منج لو مالج رداد امهات سحوره خرابات البيوت
عمتي كريمة تريد بس سكتني وحوراء وطيبة فار دمهن ماريدهن يحجن ويبتلن على عمرهن
تخطيتهه من يمي ودخلت سلمت على بيبي عايدناهه
وجينه نطلع وطلع جدي بوجهنه يتَجى على العكازه
زُها : طيبة : حوراء : هلا جدو عيدك مبارك أن شاء الله ايامك سعيدة
الحجي : هلا هلا بلحلوات وأنتن بألف خير وين رايحات جدي
زُها : راجعين للبيت اجينه نعايدك ونعايد بيبي ونروح
الحجي : اكو واحد مضوجن شو مصوفرات
__ طفرت طيبة كبل
طيبة : اي جدي عمتي بتول حسرة علينه احنه نجي نشوفك نشوف بيبي ولاكانو بيت جدنه هذا وبيت ابونه الربى بي نجي نسمع بس الاهاين والمسبه لأمنه شمسوية ماما شو عاشت وياكم على الحلوا والمرة
__ دموعي نزلن لا إراديا وإني احجي هيج حسبي الله عليهم
الحجي : وشنو محد يسكتهن الكح**** تعالن دشن (دخلن) وياي بعدني عايش ترة
بتوللل ام الـ*****
تعاي تعاي
زُها : جانت لحضة لاتُحسد عليهه صاحلهه جدي واجته تتمايل بخوف ها بوية
