"المشاعر المكتومة لا تموت
أبداً ، إنها مدفونة وهي على قيد الحياة
، وستظهر لاحقاً بطرق بشعة
الكاتبة نور المنتهى
______________________________
باهر : منوووو ؟؟
فردوس: زُها شبيك لو معاجبك
باهر : يمة صدك تحجين ومنو مساع يتنمر على البت
عوفج من شقة وكليلي منو
فردوس: شوف يمة زُها خوش بنية وهواي صالي أعرفها لا يوم ولا يومين وانتَ تدري
البت رزنه وخلوقة وشحلاتهه
باهر : يمة أعرف خلوقة ورزنه وحلوا ب..
فردوس : بسسس شنووو
باهر : البت متستاهل تتعب وياي برئيج ترتاح وياي ترضى بيا ؟ فدوة اروحلج يمة
هوا مو بس حچي أنتي هم فكري البت من تجي هنا انطيهة إلي تستاهله انطيها الحب والاهتمام
انطيها وقتي ؟ زين تعرف هيا من اداوم فوك 15 يوم ومن عندي تدريبات للشباب ابقه شهر وفوك هم تدري ؟ ترة الموضوع مو جبر أبوس راسج
فردوس: ومنو كلك نجبرها ؟ شسالفة يايمة أروح بليل وحاجي امها وأخذ شور البت هم
باهر : شنوووو بليلللل شسااالفة يمة شنووو منو يركض وراج
فردوس: أي اريد انتَ وعماد نسويلكم عرس شوكت يجي ٱلحسن خابرة
باهر : من شفت كلامها چدي حسيت دمي فار طلعت بدون وعي وركعت البيبان ، طلعت بشارع خابرت ٱلحسن
ٱلحسن : نعم سيدي
باهر : عوف التمسخر هسة طحت بمصيبة
ٱلحسن : ؟؟ ياساتر شصاير راح يغصبوج
باهر : لاتحجي بلمؤنث لا أطلع ضيم گلبي بيك
الزبدة الوالدة فتحت موضوع زواج وياي وكلامها مو بس حچي تريد تسوي هم وفوكاها تخطبلي زُها
ٱلحسن : أول شي مدموج ويا ومتفاجئ بس من كال زُها فرحت !!
اييي أبو الغيرة وين اكو هيج شي وليش ضايج زُها ومراضي شتريد مثلاً حورية من جنةَ بعد
