تنهدت قُوت : اليوم تكريمي
خلف : مافيه روحه
اخذت قُوت شنطتها ونطقت بقرف: رح لغنمك بس ، لاطموح ولاشهاده
كانت بتمشي قُوت
لكن استوقفها كلام خلف : احسن من بعض الناس ماعندهم شرف
صنمتّ بمكانها بلعت ريقها بصعُوبه
استجمعت انفاسها
وطلعت من الغرفه بدون ماترد عليه بأي كلمه
شافت ماريا وموضي يفطرون على طاولة الطعام
موضي : بالمدرسه لاتقولين انك اختي ، مابي يعرفون اننا خوات
ماريا بضيقه : ليه ؟ انا ابغاهم يعرفون انك اختي
موضي بحِده : ما ابي غصب ! انا كاذبه عليهم اني وحيدة اهلي
قُوت سمعت حوارهم : انتي مستحيه من اختك؟
موضي بتلعثم : ااءء لا بس ..
قاطعتها قُوت : ماريا خذيها قدام بنات فصلها عشان الكل يعرف انك اختها مفروض تفتخر فيك مو تخبيك
ماريا : لا يمه عادي ..
قوُت : قولي لي ماما صرتي زي حكي ابوك
ماريا ضحكت : طيب ماما ..
موضي : ماما
التفتت قُوت لموضي : هلا ؟
موضي بدلع : متى تطلبين لي شنطة لويس فيتون الي وعدتيني فيها ابي اكشخ فيها قدام بنات المدرسه
تنهدت قُوت : يمكن مو هذا الشهر حبيبتي عندي مصاريف مدارسكم والكهرب والمويه والبيـ...
قاطعتها موضي بصراخ : لمتى وانتي تكذبين علي! ومستخسره علي شنطه انتو كلكم ماتحبوني وكلكم تكرهوني
اخذت موضي شنطتها وهي تطلع لبرا
كانت قُوت بتلحقها ومسكت ماريا يديها : خليها .. تأثرت بصديقاتها الي مايهمهم غير المظهر
مسحت قُوت على شعر ماريا : اخ ياماريا ليتها زيك لو شوي
باست ماريا يد امها : وش هالزين والكشخه
ابتسمت قُوت : بيكرموني اليوم
صفقت ماريا بحماس وضمت امها : والله تستاهلين انتي افضل ممرضه
ناظرهم خلف من فوق الدرج
ناظروه الاثنين وابتعدو عن بعض بهدُوء
قُوت بتوتر : استناك بالسياره
طلعت قُوت للسياره
وظلت ماريا ترتب شنطتها لـ اجل تروح
تقدم منها خلف : هيه انتي
التفتت له ماريا : هلا يبه
خلف : تذكرين الموضوع الي كلمتس به
ماريا : لا وشو ناسيته
خلف : تشتغلين معي عند الغنم وقت العصريه بعد ماترجعين من دوامتس الي مامنه فايده
ماريا بصدمه : يبه طلعت صادق !
خلف بحِده : اكيد صادز اجل العب معتس امتس خلفتها كلها بنات لو عندي ولد كان ساعدني
اخذت ماريا شنطتها وركضت لبرا بتوتر من كلامه : مع السلامه
خلف بصراخ : هين هين
رفسَ الأرض برجله بقهر
خلف بشتّم : كله من امكم الـ *** قوتكم علي
حط شماغه على أكتافه وشمّر اكمامه وهو يفتح الباب
ركب شاصّه الأحمر متجه لـ اغنامه
ومشغل المسجل على شيلات صاخبّة
وقف عند الأشارة بجانب سيارة رياضيه
ناظره الشاب الي بداخل هذي السيارة باشمئزاز
فتح الشاب شباكه وبسخرية : ياخال ، بكم البرسيم
نزل خلف السواك من فمه : ابشر براعيك بالسعر ، دامك جيعان
انحرج الشاب وطقطقو عليه اخوياه
ضحك خلف وهو يرفع صوت الشيلات وانفتحت الإشاره ومشى ..
-
الساعة ٩ الصباح
صعدت قُوت ومعاها مجموعة من الممرضات للباص الي بينقلهم لحفل التكريم
انبسطو لما شافو السائقة بنت
طلبوها تشغل اغاني فيروز وبدأؤو كلهم بالتصفيق والتغنّي والتمايّل مع كلماتها الشجّية
