كبرياء اليمامة (متوقفه مؤقتاً)

4

كبرياء اليمامة 🖤🕊️
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

يمامة بعد ما صلت، بدلت ملابسها ونزلت جوا، شافت الجهال گالبين الصاله بلصياح وهمه يلعبون بلي ستيشن وما شافت احد من البنات عرفت زوج هديل بعده مجاي لان صوت البنات طالع من الاستقبال ... فدخلت يمامة لگتهم يتغدون

گالت السلام عليكم...وهي تشوف اخوها سعد وزجته اول مشافتها رادت تگوم... گالت بضحكه لحد يگوم لا سلام على الطعام وراحت لمرت اخوها سعد سلمت عليها...
ياا هلا ومرحبا ابت محمد

ابتسمت يمامة وهي تباوسها بخدها... وبيج اكثر بت حازم شلون الجهال ونصت صوتها سوسو شلونه وياج...

كوثر گالت بصوت ناصي...
كلهم بخير وسوسو گبالج وهي تباوع لسعد فديت عينو وحواجبو گالت بحماس ليمامه... تعالي تعالي گربي هين يمي وگليلي الاخبار بلتفصيل...

يمامة وهي تبتعد... اجيتچ بس اسلم على سعد

راحت يمامه دنگت على ابوها وباسته وهي تهمس اله...
مساك خير حبيبي شلونك مشتاگتلك هواي ترا

ابتسم ابوها بحنيه... بشوفتج يبوج صرت عال العال
سعد وهو يشوف اخته وابو يتهامسون گال بغيره... هااي شنو يابه ما النه حصه ابنتك... خذتها حاصل فاصل...

اندارتله يمامة وهي تضحك... حضنته من جتوفه وهي تبوس خده
وتكول بحب... شلونه ابو محمد

سعد سحبها گعدها بصفه وهو يگلها... بخير يعيون ابو محمد، حدري اكلي بصفي الاكل بدونج ما الو طعم

احمد... عجل احنه گاعدين كلنه جدامك ومحد حلا الاكل الا يمامة

سعد ابتسم وهو يحظن بايده يمامة... كلكم خير وبركه، الله يعثر الغيورين...

ريم اجت گعدت بين ابو سعد واحمد عمها وهي تگوم بثقه... افااا عليك حمودي اني احلي اكلك

يمامة رفعتلها حاجب... الله لا يحرمچ من دخلت جوري عليچ، تعلمج شلون تحلين غداه

اول مكملت يمامة حجيها سمعوا صوت جوري تگول بغيرة... اكول يمه ريم حلي غدا رجلج من تاخذيه عود اذا احد خذاچ... اما رجلي يحلي بجهرتي...

الكل اتفاجئ من سمع صوت جوري...

سعد ضحك على احمد وبنته ريم نزل راسه وشاور يمامة...بركاتچ ستنا الشيخة، علگت

اما ريم انجرحت من كلام مرت عنها فگالت بقوة وهي تباوع لجوري ... ام سيف الي ياخذني هذا لازم يصلي كل يوم خمسين مرة شكر لله لان وافقت عليه...