كبرياء اليمامة (متوقفه مؤقتاً)

11

كبرياء اليمامة 🖤🕊️
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

يمامة رجعت للغرفه هي وهدير بعد ما راح هجرس... چانو ناسين ريم بالغرفه... واول ما فتحو الباب لگو ريم تروح وترجع وشعرها منكوش بالغرفه ودردم باوعتلهم وگالت بعصبيه... اني شيطااااان

وهي تأشر على روحها...

يمامة وهدير خربو ضحك على شكلها وگالتلها : حقو والله شوفي روحچ بالمراية... وتاكدي

الشباب لگو احمد بعد ما دلهم عليه واحد من اصدقائه... فراحوله للكوفي البي...

تجمعو الشباب يم الباب  بعد ما اتاكدو من سيارته صافه برا...

احمد چان منطي ظهره للباب ما حس الا والجماعة واگفين گدامه... الدم نشف بعروگه... گال مدام مجمعين هل جمعه السالفه بيها ضرب عجل...

الشباب سلمو وگعدو...

صديق احمد من شاف اخو او ولد عمه اجو للكوفي...

وهو وياه من الصبح عرف اكو عدهم مشكله ومتزاعل وي اهله... فحب يخليهم على راحتهم يتفاهمون...

اترخص وگام...

احمد چان مستعد يتعارك وهو يباوع الهم واحد واحد سكتبن ويحجزله ... فمل من سكوتهم وقرر هو يبدي كلام فگال باندفاع :اسمعوني زين... مو مستعد اسمع اي حجايه منكم... فلعندو شي يتفضل برا وياي وياخذ حگو...

سعيد باوعله ابرود وگاله : ماكو داعي لهل حچي... اجينه نرجعك للبيت... الصار صار شكوو تطلع من البيت بعد

احمد ما اطمن خاف مسويله كمين... يعرف ابو مستحيل يسكت بهل سهوله على ضربه ليمامة...

بس هجرس اكدله ابو وعمه همه الدزوهم...ويردونه يرجع

احمد وهمه يحچون جان يباوع لدرع اللي ساكت من اول مدخل ويباوعله بنظرات غريبة ما گدر يحددها شنو موقفه من الصار... فرحان؟؟ زعلان... راضي لو شمتان...

اكيد شمتان؟؟.... اي اكيد شمت بيمامة... انضربت بنفس اليوم الرفضته بي...

وانه الثور الضربتها... عض شفته بقهر ونزل راسه وهو يفكر بهل شي...
وهو معترف بينه وبين نفسه السواه غلط... بس مع هذا ما يگدر يعترف بهل غلط گدام احد...

قرر يرجع وياهم واليصير... يصير

طلع وياهم...بباب الكوفي سعد انطه هجرس سويج سيارة احمد وگاله :اني راح اصعد وياه... خاف يشرد منه
وركب وي احمد...

.........

سديم ويمامة چانو گاعدين وحدهم بالغرفه...وهي مخليه يمامة بحضنها وتلعب بشعرها وتمشطه باديها...