كبرياء اليمامة (متوقفه مؤقتاً)

10

كبرياء اليمامة 🖤🕊️
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

محمد وهو يگعد بصف عمته يمامة على السرير : يولو اليوم التفاح مورد... وصحتو عال العال

ابتسمت يمامه : بشوفتك حبيبي... سكتت شويه ورجعت گالت
محمد... احمد وينو

محمد اختفت ابتسامته وگال: ما ادري.... مرته تگول طلع وما رجع من البارحة...بس

يمامة باوعتله : بس شنو.....

محمد بتردد: لا ماكو شي....

يمامة خلت ايدها بايده عرفت يعرف شي :محمد گلي وينو

محمد لف بسرعه يشوف الباب مردود وريم وهدير يسولفون...  وگال بصوت ناصي:عمه الكلام يبقى بينه...ميطلع لاحد... ولجدي خصوصاً... البارحه من اجيت شفت سيارة عمي واگفه ورا بيت جيرانكم...

ومن رجعتو بلليل چان يشوفكم... بس ما گدرت اگول لاحد خاف جدي يلزمه وتصير فضيحه بلمنطقه...

يمامة : لا زين سويت ... اسمع ما اريد احد يدري بهل سالفه حتى ابوك...

محمد: ان شاء الله بس ليش ابوي يمكن يساعدة

دخلت ريم وما حسو عليها وگالت بفضول :شنو اللي يساعد بي ابوي

محمد :ميخصج... بعدين انتي شدخلچ، يله طلعي براا

ريم وهي تحط اديها على خصرها وترفع حاجبها : اولا... هاي مو غرفتك حتى تطردني منها... وثانيا...اني جايبه التليفون لعمتي حتى ترد عليه... وانطت الجهاز ليمامة

يمامة وهي تاخذ التليفون :ريوم ليش ما قفلتي ما الي خلگ؟؟
منو المتصل... وشافت يمامة اسم المتصل... الشيخ

وما حبت تحاجي گدام محمد بسبب الوضع الهي بي...

رجعت الجهاز لريم وگالت الها هاي سارة ردي عليها وگليلها اني نايمة...

ريم اخذت التليفون من عمتها وهي رافعه حاجب ومنزله الثاني لان هي تعرف منو المتصل فكالت  بتاكيد :اكيد ترديني احاجيها؟؟؟

يمامة بتاكيد : اي وروحي برا اريد اسولف ويه محمد

ريم ابتسمت ابتسامه شريره وگالت بخبث وهي تسد الباب:ان شاء الله عمتي تدللين...

يمامة تريد تغير الموضوع :اي محمد شخبار الدراسه وياك...

وصل ابو درع لبيت ابو سعد... سديم وام درع صعدو فوگ ليمامة...

ابو درع بعد ما سلم وگعد چان  حاس بللي باخوه...
يتمنى يحاجي ويعرف اللي بگلبه...

بس ما گدر يحجي گدام سعد وابنه فگال:ابو سعد رايدك بكلمه...
وگامو ابو درع وابو سعد للصاله النسوان وسدو الباب...