كبرياء اليمامة (متوقفه مؤقتاً)

7

كبرياء اليمامة 🖤🕊️
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

هجرس گام بسرعة لدرع بعد ما طلع ابو... حاول يگومه

درع دفع ايد هجرس بعصبيه وعافهم وصعد لغرفته...

اول مدخل فقد أعصابه گام نثر كتبه الي على المكتبة كلها للگاع وطيح كل شي گدامه...

لزم راسه بيدة حيل ورفع راسة للسگف...

مخنوگ... بصورة مو طبيعية

صوت نفسه العالي الوحيد بلغرفه...ما اتحمل اخذ سويچه وطلع

بغرفه عساف وسديم...

عساف يحاول يهدي سديم ويهدي الموضوع... حضنها وگال :

ول سديم مسحي دموعچ ليشوفچ يگول ميتلج واحد... يله مسحي دموعچ الموضوع ميستاهل...

سديم بعدته وهي تگله بزعل ودموعها مستمرة  :شلون ميستاهل عساف... ما سمعته شگال على يمامة

كملت بقهر وكلمته على يمامة مطبوعه بعقلها :

يمامة اللي يتصلى على طرف ثوبها يگول عليها نفسها بهجرس....يمامة!!... حرام عليه والله هل حچي حرام

عساف رجع سحبها لحظنها وگال بتفهم  :يمامة شيخه ومحد يگدر يمسها بالشينه وما سوا هيچ الا من معزتها...

بس عاد يسديم درع حگو وما ينلام... من قهرو گال هل كلام... تدرين ناهي عليها من زمان... وهو چان يريد العرس من زمان وكذا مرة تتاجل السالفه
والحينه عجل ترفضو بعد هذا العمر وهو ينتظرها...
حگو يعصب... وصار رجال چبير وهو ينتظرها

قاطعته سديم وهي تخزره وگالت بعصبيه: عساف انته ليش تگلب الحقيقه... يمامة هي الچانت تنتضرو
درع چان يگدر يعرس باي وكت...
بس يمامة غصبا عليها جبروها تنتظره...

سعد ابتسم من عصبيتها وتنفعالها ودفاعلها المميت على يمامة وهو اكثر شخص يعرف شكد تحبها وقريبه منها ...

عجل تردينو يعرس بدون رضا اهلو... واصلا هو گبل لا يفكر بالعرس وهمه يگولولو ما الك الا يمامة...
گرص خدها وكمل...

وانتي تعرفين درع مالو بسوالف النسوان... وين يعرفلو وحدة حتى ياخذها

سديم :حتى ولو مو من حقو يگول عليها هيچ كلام..
صدگ اني انصدمت مثله ويمكن اكثر من رفضها بس افكر بالف سبب الها الا هذا الكلام...

عساف نام وسحبها لحظنه: لانچ اختها وهو الي يريدها... سديم دحگيلي يحبيبي هذا الحچي ما منو فايدة... اريدچ تنسي وممنوع احد من اهلچ يدري بي...