كبرياء اليمامة (متوقفه مؤقتاً)

5

كبرياء اليمامة 🖤🕊️
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

المغرب وصلو سديم وعساف لبيت ابو سعد بعد ما مرو بيت ابو درع يسلمون عليهم...

الكل فرحان برجعتهم... سديم وعساف متزوجين من خمس سنوات ومتصير عدهم خلفه حاولو وجربو وسافرو اكثر من مرة علمود العلاج... وأخيراً هل مرة حملت سديم بس ما خلوها ترجع لحد ما استقر وضعها وهي حاليا بأخر الشهر السابع...

هجرس بعد ما نزل سديم وعساف راح يسلم على عمه او ولده بلمجلس...
وبعدين دخل للبيت يسلم على مرت عمه دگ الباب محد يرد الكل مشغول باخو ومرته...

ما لگه الا يدگ على يمامة... خابر على يمامة

هجرس اول ما انفتح الخط گال... هلااا عمري

ريم بگلبها الله ياخذ عمرك ردت من ورة خشمها... عليكم السلام ورحمة الله وبركاته، شرايد

هجرس عرف صوتها بس راد ينرفزها... منو وياي، وين صاحبة التليفون وكال بصوت ناصي اتعمد يسمعها...

اعوذ هسه عرفت منو انكر الاصوات...

ريم فورت وهي تعض شفتها بقهر گالت بنرفزه... والله صاحبة التليفون مشغوله مفارغتلك... او وياك الشيخه ريم بت سعد

هجرس گللها بعصبيه... شاخت اركبچ العصله، المزعطه هم صايره تلزم اجهزه وتتشيخ...

ريم گامت تأكل بروحها ... انته صدگ متستحي ومو مال واحد ينطيك وجه المجنح...

وسدت الجهاز بوجهه...وهي تضحك تتخيل وجهه هسه يطلع دخان

هجرس ضل صافن بلجهاز... احووو بويه لو الزمچ وانتفو لشعرج العصله...

رجع اتصل اول مفتح الخط گاله بعصبيه... اسمعي يلحيوانة الظاهر انتي معرفتيني عدل والله لو تعيديها لاذبحچ واملصها لرگبتچ

يمامة عرفت ريم المقصودة لان شافتها تضحك

هجرس حس باحراج بعد ما عرف هي يمامة ... اعذريني يمه بس هاي بت اخوج الحمارة ما تحترم احد سدت التليفون بوجهي...
وتعرفين ما حب احد يقل ادبه عليه وخصوصا النعجه هاي

يمامة ... افااا هجرس تخلي عكلك بعگل هل زعطوطه

هجرس بعصبيه... زعطوطه كولي حيه ام راسين... عگرب مسموم.. بوومه لتكولين طفله

يمامة شبعانه ضحك... حرام عليك هجرس لتحجي على ريوم

هجرس... زقوم مو ريوم شوفي يمه انتي متعرفيها مثلي... هاي وحده ادبسز والمصيبه گدام الناس تسوي روحها ملاك يرفرف

يمامة تحاول تهدي الوضع لان تدري بي مدام يحجي على ريم نراح يسكت گالت بهدوء ...

هجرس...هجرس اليوم اني فرحانه برجعت سديم بداعتي لتخرب فرحتني وعهد علي اني اخذ حقك واخليها تعتذر منك