أجرام في بحر النجف

بارت 7

" أجرام في بحر النجف "
" الكاتبة جوري "

جنت اعَتبرك وَطن بوَكت الغرَبه يَلمني
وَتاليّ اسَتوطنت غيَري وخيبتَ ضنيّ .
:

لتنسون التصويت وتعليق بين الفقرات
والمتابعه 🖤

:

ضَي: كعدت بلكاع وخليت راسي بين رجليه وأحس همي يهد جبال الندم الخوف الكرهه احس ماكدر اوصف مشاعري ابد

فجاةً نفتح الباب دَخل هتان باوعلنا بحسره وعيونه مدمعه

ضَي : هتان وين امييي؟

هتان: جبتها بيدي الج بس ماكدرت أحميها والله

ضَي: حسيت گلبي وگف من حجه ركضت گبل والبنات هم نزلنا جوا شفنا عمامي وكلهم واگفين والحزن مبين بوجهم
شفت أمي بلگاع ومغطين وجها بقماش أبيض حسيت گلبي وگف
ماما فتحي عيونج عليج الله ماكدر بدونج أموت والله أموت

معالي: تقدمت الأمي وانا ممصدگه أمي تعوفنا وتروح بجيت وصرخت بأعلئ
ليش يايمة ليش عفتيني ورحتي شيخلص العمر بدونج هديتي حيلي والله

أباوع الرقة وقمر بس حاضناتها ويبجن بسكوت
ورسل كاعده يم راسها وتحرك بشعرها وتحجي

رسل: تقربت يم راس أمي واشم بشعرها
عفتيني وبعدني مشابعه من ريحة شعرج
يتمتينا واحنا صغار شلون نعيش بلياج شلون
فهميني..

ضَي: مامستعوبه ابد شلون امي تعوفني وتروح و صريخ اخواتي زرف گلبي
من اباوع لقمر و رقة يبجن بهدوء حسيت هدوئهن راح يموتني الندم اللي بداخلي شلون خليتها تروح ...
صرخت بأعلئ صوتي ليش يربي دَتعذبني ليش

اجتي معالي حضنتني تبجي وتحجي انا وياج ضَي مااعوفج والله بس لتعذبين روحج

شوية شوية بلشت استوعب امي راحت هاهيه بعَد ماكدر اشوفها اخذوها من بين ايدينا تمنيت لو انا ميته ولا خاسرتها
اخذتنا مرت عمي انطتنا ملابس لون اسود وحيلنا مهدود بلگوه بدلنا

قمر: احس چمر بگلبي وحتئ عيوني حرگوني من البجي وجسمي بس يرجف ...

ضَي: وگعت ع رگبي وابجي واصرخ أحس نار بگلبي متطفئ لو شكد ماابجي
اجتي مرت عمي محمد تحاول تسكتت بينا بس ولا وحده تگدر تسد فراغ امي ابد ..

نوال: يَبنات شنـيہ ماتحضرن فاتحة امجن كاعدات بالغرفه مايصير

معالي: من گمية القهر اللي بداخلي ماعرف حتئ اواسي اخواتي واقويهن لان حالي من حالهن ..
ومن مرت عمي گالت فاتحة امجن حسيت اخذت روحي وياها ... عمه وين الفاتحه؟

نوال: هنا عدنا ماتسمعين صوت النسوان.

معالي: هزيت راسي اي..

نوال: شسالفة امجن خلتجن مگطوعات من شجره الله واكبر الله يغفر ذنبها

معالي: عمه هاييييي أميييييي ترا وحدها أهلنا وابونا وجدنا وصارتلنا كلشي ..