أجرام في بحر النجف

بارت 19

أجرام في بحر النجف

للكاتبة جوري

insta: uw0yy

لتنسون التصويت والمتابعه وتعليق بين الفقرات يَحلوين 🤍

°°°°°°°°°°°°°°°°

مِن عرفتَك وانتَ تِتبغدَد عَلية

°°°°°°°°°°°°°°°

قمر ـ معااااالي رقة ماكوووو دورت عليها ماكوووو والله...

معالي ـ شدَتحجين أنتِ؟

قمر ـ والله كعدت ملكيتها نزلت جوا ماكوووو ابد

معالي ـ شنو ملكيتها هي جاهله وتضيع؟؟

قمر ـ حبابه گومي دوريها وياي والله دورت ملكيتها... نزلنا جوا هوسه نسوان واباوع بالوجه وحده وحده بلگي كاعده وياهن وماكو معالي فوگ تدور وانا جوا ركضت للمطبخ كلها ولد حتى عمر كاعد وياهم و اكو بيهم مااعرفهم بس شفت ام حُر واگفه وياهم.... عمه هم اجتي رقة هنا؟ دورت عليها وملكيتها

أم حُر ـ اي طلعوا هي وطالب من صبح مدري وين.

قمر ـ حسيت روحي رجعت من طمنتني عليها... خلتجي اذا مااموتها شلون تطلع بدون متگول

أم حُر ـ يمه انتن ليش متنزلن يم النسوان غير فاتحة ابوجن

قمر ـ اي خطيه من حنيته وياي انزل الفاتحة

أم حُر ـ مهما يكون ابوج

قمر ـ هزيت راسي اي... وعفتهم وصعدت فوگ البنات خابصات نفسهن.. هيو رقة الچلبه رايحه ويا طالب دايحين من صبح

رسل ـ وين رايحه؟

ـ مدري بس هيج دايحين

معالي ـ جنتن باب الغرفه متطلعن منه اذا متگوللي هسه تطلعن بدون متحجن ابد

قمر ـ خوش انا طالعه تقبلين لا؟

معالي ـ لتمسلتين انتِ اساساً روحي رايحه من وراج عمر هنا وانتِ ولاجنج لا خوف ولاشي عجيب ع هلبرود العندج

قمر ـ هسه هم شفته بالمطبخ بس عود ليش ميباوع بوجهي مدنگ معقوله مستحي

ضَي ـ يـا عود صدك تحجين؟

قمر ـ اي والله صدك بس سالفه محيرتني هتان لبارحه گله مرتك عافتك وهلكلمه بقت ترن بعقلي

معالي ـ دنعل ابوج الابو عمر وياج

قمر ـ الله الله ابوج ميت شلون تسبي

رسل ـ وحده منجن تنزل تجيبلنا ريوك ترا صار يومين اكلنا تمسلت

معالي ـ والله ولا انزل

ضَي ـ انا هم ماريد انزل ابد

معالي ـ هيو قميره روحي جيبي ريوگ وتعاي