" أجرام في بحر النجف "
" للكاتبة جوري "
" أُحبُّها وكأنها أمانَة وضِعت في عُنقيِّ ؛ وكأن العالم كلهُ قد أوصانيِّ عليها ♥️ "
أنستا: uw0yy
∆∆∆∆∆∆∆∆∆∆∆∆∆∆∆∆∆∆∆∆∆
رسل ـ هاي شكو منو يتعارك
معالي ـ يمعوده كملي نومتج احسن
. شكووو؟
- ماكو شي بس انطمي.
ضَي ـ معالي غيرت رأي اريد اشتغل
معالي ـ ديلا استلم حَتخبلوني والله
ضَي ـ اي اذا ابقى مااتحمل ع اقل اشتغل يخلص الوقت بسرعه
رسل ـ ها فهمت نوال متعاركه وياجن؟
معالي ـ ياربي صبرنييي ابوج أتعارك بس اسكتي كافي
رسل ـ صوجي احجي وياج..
معالي ـ هسه بله منو يوصل ضَي الشغلها؟
ضَي ـ اشوف هتان؟
معالي ـ معاجبتني علاقتج بهتان ابد !
ضَي ـ شعندي ويااا؟ ترا حاله حال اخويه
معالي ـ اي بس ماريد علاقتج تقوى ويا ابد فهمتي؟
. هاي شبيج معالي شوكت حاجيه ويا انا حتى علاقتي تقوه بي؟... اباوعلها شلون تحجي بعصبيه
وطالعه روحها.عفتها وطلعت كتبي حتى اقرا لحد
متصير ب 10 واروح الشغلي..
بقيت اقرا واكتب الملاحضات لحد ماصارت ب 10 الا ربع شلت كتبي ضميتهن وطلعت من الغرفه..
رحت ع غرفة هتان دگيت الباب صاح ادخل
دخلت شفت هتان ومحمد كاعد يمه ويخزر بيه
- ها ضَي گولي
. اريد توصلني للمحل اللي اشتغل بي؟
ـ عندج الموقع؟
. اي عندي
محمد ـ وانا شنو هنا رجل كرسي
هتان ـ وسم غير ماعندك سياره
محمد ـ مو ع سيارة بس شنو شغل شنو محل بكيفج تشتغلين انتِ
ضَي ـ معالي حجت ويا ابوك وقَبل
محمد ـ بس انا ماقبَل
ضَي ـ اي وانا اكبر منك ميهمني اذا تقبل او لا... احجي ومخليه عيوني بعيونه ماعرف منين اجتني
الجرأه وهيج احجي بدون مااهتم اذا فعلاً يقبل او لا.
محمد ـ ديلا استلم كالت اكبر منك شعليه العمر هيو؟؟
. لتصرخ عليه!... عفته وطلعت من الغرفه نزلت جوا شفت أم حُر ونوال ومرت ابويه كاعدات بصاله بس لمحتني ام حُر صاحت عليه
.. تعاي حبيبتي
. عمه اريد احد يوصلني الشغلي فدوة
.. تشتغلين بمحل انتِ مو؟
أنت تقرأ
أجرام في بحر النجف
Mystery / Thrillerأربَعة أخوات يُصارعونَ الحياة معًا تتَحول نِصَف حياتهم لِجحيم يُحاولنَ جاهدات للعيش حَياة السِلام والأطمئنان لكن هل يستمرون بالعيش؟ أم يستسلمون؟ معاً في رواية ( أجرام في بحر النجف) بقلمي أنا جوري 2022/11/16
