أجرام في بحر النجف

بارت 21

(أجرام في بحر النجف)

(للكاتبة جوري)

كوني أنتِ الكافية المُكتفية ،
و الغنية المُستغنية ، أرقصي و غني فرحاً
فَـ أنتَ لا تستحقين سوى الدَلال .

.

البنات وطالب كل واحد بداومه بقيت وحدي بالبيت
فد هدوء رحت اسوي غدا واسمع صوت سيارة شرطه
غلست شويه وندگ الباب بقوة......
رأساً خليت شال ع راسي وركضت للباب ... منو؟

ـ الشررررطه افتحوا الباب !
ـ شتريدوووون؟
ـ ندور ع تاجر مخدرات وخاتل ببيتكم
ـ لٱ ماكو هيج حجي انا وحدي بالبيت اخواتي دوام
واخويه بالشغل
ـ اختي بس افتحي الباب نتأكد ونطلع
ـ داگلك محد بالبيت ماكدر افتحه شدراني صدك شرطه
ـ خرب يابه والله العضيم منسويلج شي بس
انفتش ونطلع
ـ فتحت الباب ودَخلوا 3 اشخاص واحد چبير تقريباً عمره بالاربعينات والباقين عشرينات رأساً وگف كدامي الشرطي وحجه ... طلعي التاجر من بيتكم احسن من ماينگلب ع راسكم.
ـ ياتاجرررر مو داگلك ماكو احد بالبيت!
ـ واذا فتشنا وطلع بيتكم
ـ فتش
ـ خوش فتشوا يَولد
ـ راحو يفتشون وطگ سن بسن من الخوف وگلي ارچف
بقوا بالنص ساعه يفتشون بحيث حسيت البيت نهدم صار گله هوسه ..

إبرام ـ سيدي ملگينا شي ابد لٱ للتاجر ولا مخدرات

إيهاب ـ بنيتي سولفي وين تاجر

معالي ـ والله العضيم ماعدنا تاجر مخدرات بالبيت
واساساً ماعدنا شخص يشرب مخدرات ابددد

إيهاب ـ ترا من تحجون الحقيقه المصلحتكم!

معالي ـ اي بس ماكو يعني شنو اجذب عليك واكول
اكو تاجر هناااا؟

أبراهيم ـ سيدي ترا صدك ماكو شي ابد دورنا هواي

إيهاب ـ تكدرين تجين ويانا للمركز بخصوص
التحقيق

معالي ـ شدَتحجييي انتتتت؟ مركزززز ايش داگلك ماكو مخدرات ولا تااااجرررر شتحققق وياي ...حسيت روحي نقبضت واحجي بصراخ

ـ لتصرخين بوجهي الناس شاهده التاجر دَخل لبيتكم

ـ اها التاجر دَخل لبيتنا مووو ياتاجر ياصخام ماكووو
تاجر هوما بس ولد عمي يجون وخلص وماعدهم هايـہ سوالف المخدرات ابددد

ـ وينهم ولد عمج شوفيني صورهم يمكن واحد منهم..

ـ اللهم صبرج ياروح تصدك انتووو الشرطه ماعدكم ذرة خجل جان استحيتووو ع نفسكم وانتو تفتشون بالبيت وبي بس بنيه وحدهاااا شكد كرهتكم .