بقلمي#اسراء_السعدي
حسابي انستگرام: aass_736
سمعت سياره سحبت بريك وصوت ناس صيح
خفت اوكف واندار واشوفه ورايه ويرجعني للبيت ونفس العذاب
بس شجعت وكفت ودرت راسي وشفت منضر ما اكدر افسر مشاعري قهر وخوف وقلق وصدمه
جاسر مدد بالگاع وكله دم والناس تخاف تشيله او تتقدم يمه واحد يكول للثاني انته انقله للمستشفى
بقيت واكفه بصدمتي ورجليه ما تشيلني كل جسمي يرجف اذاني هواي بس احبه واتأذه اذا تأذه هوه
اريد اتحرك واروح علي بس رجلي ما تعيني حسيت شي نزل بين رجليه بس ما هتميت مشيت ورحت علي واني خايفه اتقدم يمه ويكوم ويرجعني للبيت ما أمن حتى وهوه سابح بدمه كعدت يمه ومسحت الدم عن وجه والدم جان ينزف من راسه
..: انتي شصيرين منه لان اني راح انقله للمستشفى واريد احد من اهله ويا
همس: لا لاااا اني ما اصير شي منه ما اعرفه اني
كمت من يمه بسرعه وكفت ع صفحه وتقدم الولد شاله من الكاع هوه ولد ويا وصعدو بالسياره
اخاف اخاف اروح وياهم ويكعد ويرجعني للبيت صرت اخاف حتى من طاري اسمه من العذاب لي شفته عنده
راحو للمستشفى والناس تفرقت وكل واحد راح الطريقه واني بقيت واكفه صافنه ع الدم لي بالكاع
رجعت امشي كوه والعالم تباوع عليه حافيه ومالبسي مال بيت وبس شال ع راسي وكل شويه يوكع واعدله وكفت سياره تكسي
همس: سلام عليكم توصل لمنطقه......
ابو التكسي: اي صعدي
صعدت وره وهوه حرك السياره واني الطريق كله صافنه ع الشارع وافكر شنو صار هسه مات لو بعده عايش وصلت البيت ونزلت
همس: بس انتضرني اجيب لفلوس واجيك ما تأخر
ابو التكسي: تمام بسرعه
طبيت اركض البيت طيبه دكيت الباب طلعتلي ام طيبه وهيه صافنه بوجهي مستغربه وضعي وشكلي
نفجرت بجي وصرت اشهك من البجي حرت ابجي ع العذاب لي شفته لو ابجي ع حبي لاول الفاشل لي ورطت نفسي بي واني جنت حذره حتى ما اوگع بهاذا الخطأ وهم وكعت لو ابجي ع جاسر لي ما اعرف ميت لو عايش صح أذاني وعذبني بس گلبي ما تهون علي العشره ولايام الحلوه لي عشته ويا صح جانن قليلات وايام ينعدن بس ما يهونن عليه
كوه حجيت من بين شهكاتي
همس: فدوه ابو ال تكسي بال شا رع ينتضر الف لوس
ام طيبه: بس ع كيفج وفهميني شكو
كوه هدئت شهكاتي وحجيت
همس: ابو لتكسي لي وصلني بالباب يريد لفلوس انطي
ام طيبه: هسه راح اروح فوتي اكعدي بالصاله هسه اجيج
دخلت كعدت بالصاله واهز برجليه ودموعي تجري ع خدي دخلت ام طيبه واجتي كعدت يمي ورجعت اشهك بالبجي اخذتني بحضنه وتهدء بيه واني ما اكدر ازيد بالبجي وما انقص
