بقلمي#اسراء_السعدي
حسابي انستگرام: aass_736
زيد: اني عندي حل ما ادري راح يرضي همس او لا
الكل: وهوه
زيد: الوزير رفض لاجازه لان همس ما تقرب مني بشي واحنه كلنه دوامات وما نقرب منه اني فكرت نسوي عقد بالمحكمه وسيد اول شي حتى نقدمه للوزير وينطيني اجازه وثاني شي اني المرافق الوحيد ويه همس ضروري تكون محلله عليه حتى اكدر اكون قريب عليه وماكو غير حل ثاني ولي معترض وعنده حل ثاني خلي يتفضل يحجي
همس: شنووو خلصت الحلول بس هاذا بقه
زيد: ما عدنه حل ثاني واذا عندج گولي
اني سكتت لان ما عندي حل ثاني
زيد: همس الزواج بس حبر ع ورق بس تخلصين علاجج نرجع واذا حبيتي ننفصل بعده عادي بس خلي تخلص هاي الفتره الصعبه
همس: هاي مو فتره صعبه هيه حياتي كله صعبه شوكت تخلص واخلصص مو تعبت والله تعبت من سالفه السالفه وكل ما اكول راح تخلص تجيني لاقوه منهة
طيبه: والله تهون عمري انتي بس وافقي ع اقتراح زيد لان ما عدنه غيره ومن ترجعين انفصلو وكل شي يصير تمام بس تعالجي
همس: ما ادري طيبه ما ادري اريد اموت
كامت ام زيد وكعدت بصفي
ام زيد: اسم الله عليج حبيبتي انتي مو گلتي اني قويه وراح اواجه المرض شنو لي تغير هسه واحنه ما عدنه حل ثاني وما نكدر نفرط بيج تقبلين اني تبقه حرگه بگلبي عليج واليل ما انامه واتعذب انتي بنتي واذا صار بيج شي اتخبل لا تعذبيني وافقي والله كريم كل شي بيد رب العالمين واني متأكده راح صيرين زينه وترجعيلنه بالسلامه
باوعت ع زيد عاگد حاجبه ومبين علي ضايج
همس: خاله باجر انطيكم جوابي النهائي واني ما عندي عتراض ع زيد بس اني حساسي يگول حتى لو سافرت لاخر العالم ما اصير زينه بس صرف فلوس وماكو نتيجه
ام طيبه: تف من حلگج اسم الله لا احنه متأكدين صيرين زينه بس روحي واذا ع الفلوس طبهن مرض هنه وحذائج اهم شي صحتج
نزلت راسي بالگاع وما حجيت بعد ما عندي طاقه وراسي الوجع زاد واحس صار عندي دوخه صرت اسمع اصواتهم وشكلهم مو بوضوح غمضت عيني
فتحته اني ع التخم وزيد يرش ماي ع وجهي شهگت وكعدت بسرعه
ام زيد: اسم الله الزهره يمه
شالي صاير ع جتفي رفعه زيد وحطه ع راسي بتسم بوجهي
زيد: شلون صرتي شتحسين
همس: راسي يوجعني
زيد: اكفي هسه اجيبلج حب
راح زيد جاب حب ورجع نطاني الحبايه شربته
ام زيد: ترتاحين بالغرفه
همس: لا خليني هنا عادي بس راسي يوجعني هسه شويه ويصير زين
همه كل واحد راح البيته واني بقيت
همس: خاله اريد اروح للشقه مالتي
ام زيد: ماكو روحه يمه اخاف عليج ولج ما انام اليل من انتي وحدج
همس: خاله خلي اروح هناك اخذ راحتي اكثر
زيد: اذا تحبين اطلع من البيت وانتو ابقو
همس: لا طبعاً بس اني متعوده هناك ع فراشي ومكاني
زيد: بس احنه نخاف عليج تبقين وحدج خاف يصير بيج شي واحنه ما ندري
همس: بس
زيد: لا بس ولا غيره باجر الصبح انتي يمنه ع سواد اليل وكفت
