بقلمي#اسراء_السعدي
حسابي انستكرام: aass_736
فتحت عيني شويه شويه بدت توضح عندي الرؤيه
بالسياره وراسي بحضن زيد وايد ع لستيرن مال السياره وايد ع خدي رفعت راسي شويه هوه حس بيه
زيد: اكفي هسه راح نوصل للمستشفى
همس: لا وديني للبيت ارتاح شويه واصير زينه
زيد: لا اريد افهم شبيج كل شويه خارطه روحج
ضحكت ع كلمته
همس: شبيك والله مابيه شي فقر دم وهاذا الكلب جر شعري حيل
زيد: لا راح نروح مستشفى اهلي احسن من الحكومي
همس: تمام بس وخر ايديك اريد اگوم
باوع عليه ورجع راسه للطريق وبعد ايده عني
كمت اني وكعدت شالي واصل الرگبتي رفعته بسرعه ع راسي وسويته عدل
همس: زيد رجعني للبيت
زيد: گلت اسكتي
سكتت شويه وصلنه المستشفى
نزلت من السياره حسيت دخت لزمت السياره وكفت
زيد: ها شبيج
همس: مابيه امشي يله
مشه هوه كدامي واني نتضرت الدوخه تروح ومشيت
دخلنه للمستشفى وبسرعه دخلنه للدكتور
سلمنه وكعدنه
دكتور: منو بيكم مريض
زيد: هيه
دكتور: احجي بنتي شبيج
همس: مدري بس ادوخ هواي وگالو فقر دم
زيد: مو هيج دكتور هيه صارله فتره كل شويه تفقد الوعي ودوخ بسرعه وراسه يوجعه وديناه مستشفى حكومي كالو عده فقر دم وضغط اخذنه علاج اله وما فاده بشي
دكتور: سويله تحليل دم واشعه الراسه وجيبهن
زيد: تمام دكتور
طلعنه من يم الدكتور ورحنه لغرفه التحليلات
سويت تحليل بعدين رحنه نسوي اشعه خلصنه لاشعه ورجعنه حتى ناخذ التحليل لان تأخر وحنه ما عدنه وقت ننتضره
اخذناهن ورجعنه للدكتور دخلنه ونطيته الاشعه والتحليل
دكتور: صح عندج فقر دم ولاشعه اكفو اشوفه
رفع لاشعه من الميز وصفن عليه وعكد حواجبه بقه يحرك بالاشعه ورجعه ع الميز
دكتور: شنو اسم حضرتك
زيد: زيد
دكتور: شنو تقرب من همس
زيد: اختي
دكتور: همس انتي مكمله دراسه
همس: نعم دكتور اني عندي بكلوريوس علوم امنيه
دكتور: حلو معنى انتي ضابط وانته ستاذ زيد شنو تشتغل
زيد: كذلك علوم امنيه
دكتور: حلو عفيه معنى انتو دارسين ومثقفين واعين باجر تعالو سوي مفراس الراسه وان شاء الله خير
همس: ليش
دكتور: افضل لان ما فهمت شي من لاشعه
زيد: تمام دكتور ان شاء الله في امان الله
طلعت اني وهوه ورايه صاح علي الدكتور ودخل اني بقيت وبالباب انتضره تأخر هوايه دخلت عليهم واكفين يحجون
زيد: تمام تمام
دكتور: الله وياكم
طلعنه وزيد ما حجه ولا كلمه
همس: شبي الدكتور لعد
زيد: ما بي شي يابه
