صدفه الضابط حسين

ملكوت

ونبدا البارت الثاني ونسلم القلم ل الضابط حسين

السلام عليكم حياكم الله

بعد كل الابتعاد عنهه وحاولت ما اتقربلهه واحجي وياهه قبل العرس وصارت الحنه بل قاعه بس اني ما شفتهه وجنت ملتهي بل حنه مالتي وبكثره المعزومين واصدقائي وصاراليوم الموعود ومن التوتر ردت بس الوقت يمشي اسرع جنت يم الحلاق ورجعت للبيت وخايف من كلشي راح يصير ومن حياتي الجديده وبس ادقق بكلشي بل غرفه خاف اكو شي ما يعجبهه ومن عاداتنه وتقاليدنه انو اول عريس من البيت يزفو للبيت مال اهله ما يروح للفندق خابرتهه كالت انو هيه بل صالون وراح تروح للبيت مال ابوهه حته مناك اخذهه وصدك طلعت الزفه من بيتنه واني كاعد بسياره الزفه وابوي كاعد يكلي لا تتوتر طب وبوسهه من راسهه وشبكهه ومن توكلهه كيك دير بالك لا تسلم على وحده من النسوان ولا تباوعلهن ومن تطب نزل راسك واني كل اجوبتي جانت ب اوكي طبيت لبيت ابوهه وسلمت علي وضل ياحجي وياي انو بنته امانه عندي ما ارفضلهه طلب جه ابوي وشاورني ب حسين لا تتردد بكلشي اذا ما قبلت تلمسهه لا تجبرهه كتله انشالله صاحلي خالي والي هوه ابوهه كتله ها كال يالله تعال طب حته تاخذ العروس بس عيونه جانت مدمعه كتله يالله بهل لحضات قريت القرءان نصه طبيت للبيت جان اكو ميز حاطين علي مي خذت مي وشربت والتوتر يقره الف طبيت بستهه من راسهه ومن خدهه بس هيه جانت ضايجه وحسيتهه ما حابتني
حسين؛. قمر ليش خايفه
قمر؛. ما خايفه متوتره شوي وسد دكمت قميصك ليش ما لابس رباط
حسين؛. والله حبيت هل ستايل وطلع حلو عليه
قمر؛. اسكت ولك انتبهولنه
وكامت توزع ابتسامات للحاضرات واني راسي بل كاع ما رفعته صار وقت انو ناكل كيك وقمر ترجف وجنت لمه كاعد يمهه خايفه وحته من حطيت ايدي على ضهرهه خافت وتوترت
حسين ؛. همست باذن قمر انشالله تكونين مستعده نفسيا لهاي اليله راح يكون اكو هواي ناس بس لا تخافين اوكي
قمر ؛. وبتردد كتله اوكي
اتوقعت حسين يريد الشغله الي كلتلي عنهه امي بس اني خايفه منه كلش لان هوه عنيف وجسمه ضخم مو سمنه عضلات حسين امنيت كل البنات بس عافهن كلهن وحبني
حسين ؛ بيني وبين نفسي افكر بقمر خايفه هوايه وتريد بس تشرد من عندي
ام قمر ؛. طشيت جكليت عليهم وبفرحتي خايفه على بنتي من عنده لانو حسيتهه طفله كدام شخص متمرد كتلهم يالله حته تبدي الزفه
حسين ؛. ماعرف ليش ام قمر متوتره بس مشيت السالفه بس اريد نروح للغرفه
بدات الزفه وبدات مراسيمهه صعدت قمر بسياره الزفه وكعدت يمهه بس مو كلش قريب صفنت عليهه وعلى دمعاتهه ماعرف هيه خايفه من عندي لو تبجي على اهلهه
قمر حبيبتي
قمر ؛. ها وبكل حزن وخوف جنت احسه ماخذني للسجن هوه ولد مودب وما حجه وياي شي بس خايفه لدرجه ما تنوصف وخايفه من اليله هاي بل ذات ما جنت ادري راح يصير حسين الهوه الي اتنفسه
حسين ؛. ولج شنو ها اني صرت زوجج كولي ها حبيبي مو بس ها يا عمري انتي شوفيي هسه راح نوصل للمصور مسحي دموعج يا ورده عمري
قمر ؛. ما رديت علي باي كلمه ووصلنه للمصور وجنت خايفه من كل الضغبره والناس والسيارات بدقايق لكيت نفسي بل استوديو من كثر الهوسه ما اتذكر شلون نزلت ومستعجلين حيل بده حسين يضهر شخصيته بل صور لانو لازم يسوي وضعيات للصور وحط شفته على جتفي بس استحه وبعدهه تقربنه كلش على بعض وحط عيونه بعيوني
حسين ؛. وصلنه لل استوديو وقمر سارحه ماعرف وين كالت المصوره لازم احط شفتي على جتف قمر وبديت اطبق كل طلبات المصوره وجانت لقطات كلش جريئه بس حطيت شفتي على جتف قمر حسيت بكميه خجل وشهوه اتجاهه بنفس الوقت ماعرف شنو الي جان يدور بعقلي بس تجاهلت كلشي وكملنه تصوير وطلعنه من يمهم حسيت كالت قربت نهايتي
قمر ؛. ويه جرئت حسين حسيته يريد غايه او هيج شي بس تركت تفكيري لان تعبت من التفكير
اباوع حسين شارد بتفاصيلي ويكلك لعيبه بايد طفل باوع بعيوني وكال احنه بل سياره بس لو يجي بايدي اكضي العمر كله اباوع بعيونج
حسين ؛. وصلنه للبيت احس نار وشبت بكلبي خايف وخوفي ماعرف من شنو
قمر ؛. لا وصلنه للبيت ماريد اطب احس حسين راح ياكلني طبينه وعيوني كلهه حزن وضايجه على كلشي راح يروح مني
حسين ؛. بيني وبين نفسي انتضرت هل يوم هوايه بس ماراح اذي قمر بعدهه زغيره
قمر حبيبتي تعاي منا الغرفه شلتهه وصعدتهه ما جانو الناس ملتمين كلهم ومحد شافني بس ابوي وامي جو يباركولي
ام حسين ؛. يمه هاي مثل بنتي دير بالك عليهه لا تاذيهه وبس تريد تطلع دز عليه
ابو حسين ؛. ابني لا تفرغ كل طاقتك بهاي اليله وسوي مثل ما علمتك حته البنيه ما تتاذه
حسين ؛. تامرون امر انشالله مايصير اله الخير جنت بس اريد اطب للغرفه ماريد غير شي دخلت للغرفه وبكل فرحه واباوع لقمر مدنكه راسهه رفعت راسهه بايدي الكحله سايله وعيونهه حمر وترجف
كالتلي حسين حباب لا تلمسني ابتعدت عنهه وكتلهه ادري بيج خايفه بس يعني كالت ادري بيك شتريد كتلهه لا اني ما مستعجل على راحتج كعدت كدامهه وباوعلهه وهيه تباوعلي وتبجي باوعت على الساعه ماره بس نص ساعه
كتلهه راح ابدل وادز امي تساعدج تبدلين اخذت ملابسي ورحت للحمام الي بل غرفه نزعت قاط العرس ولبست الزي العربي وطلعت كلت ل امي تروحلهه وبنضرات ابوي لعيوني جنت بل كوه لازم نفسي لان ابوي موجود فاخذني ابوي وكعد يسولف وياي وكال شسويت وياهه كتله ولا شي كال ابني مو شرط هسه عوفهه براحتهه
حسين ؛. بيني وبين نفسي احس لو اموت احسن ما تخيلت كميه الالم الي بكلبي شكبرهه طلعت ليبره وجانو كل الناس ياكلون واني ما كلت لكمه ويه قمر الاكل ضل على الميز وبرد
ام حسين ؛. حسين صاحلي كال تعاي شوفي قمر طبيت الغرفه قمر لسه ب البدله وباجيه
عمه قمر شبيج
قمر ؛. مابيه شي عمه والله خايفه كلش ماكدرت اخلي يلمسني
كلت بدخلي شعجب ما ضربني او جبرني حسين مبيت على عنيف بس كلبه طيب بس ماحبيته ماريد يلمسني
ام حسين ؛. يالله عمه خلي اساعدج تبدلين ملابسج وضلي هنا بل غرفه
قمر ؛.اوكي عمه خلي اطلع ملابس مشيت على الكنتور فتحته جانت بي ملابسي مال بيت لمه جنت ويه اهلي وامي اجت صفطت الملابس ورتبتهن بس بلوزتي الي بيهه عطري ماهيه طلعت ملابس حته البسهن بس ضل تفكيري وياهه جت عمتي وساعدتني بكلشي وبدلت ملابسي وعمتي لمت البدله وكلشي وحطتهن على صفحه وكالت انتي عروس لازم تبقين بهاذي البسه وجاننن ملابس فاضحه وشفافه بس طلعت عمتي بديت ادور بملابس حسين وبغراضه وجان كنوتوره كله ملابس عسكريه وعنده سلاح بس مالكيت البلوز ماهوه بخانته رحت ادور لكيت البلوزه يم مخده حسين عرفت انو جان يشتم عطري بيهه
حسين ؛. امي طلعت من يم قمر كتلهت قنعتيهه كالت لا ما حجيت وياهه كتلهه حبابه رجعي قنعيهه
ام حسين ؛. رجعت للغرفه لكيت قمر كاعده وصافنه كغدت وياهه واحاول افهمهه كتلهه يا روحي بس افهميني هاذه زوجج لازم هسه تتقاربون واهاذه الصح يا حبيبتي
قمر ؛. ادري بي هاذه حسين دزهه
عمه والله اخاف منه هوه كال ما مستعجل
ام حسين ؛. يعني شنو قصدج ما تريدينه يلمسج
قمر ؛. فهمتيني عمه
حسين ؛. طلعت امي من يم قمر كالت ماكو فايده. اتركهه هسه طبيت للغرفه قمر لابسه لبس مغري كلش ماعرف شلون تمالكت نفسي وحاولت وياهه ونامت تبجي واني ضايج يعني بليله عرسي مانام بحضن زوجتي ولا انلم يمهه نمت على الكاع بس بودي اموت واخلص من كلشي وخايف اذا اصدقائي سئلوني شسويت شاكولهم