صدفه الضابط حسين

البارت ال ٨

#حسين
قمر وينج وين صرتي صحتلها جنت اريدها تجي نسولف ولا جنت حاط على بالي شي جانو بيت عمتي يمنه وهنه بنات عمتي وعمامي همينه اجو مسيرين وسوينه كعده مختلطه وقمر اشو ضاجت وجانت وحده من بنات عمتي بنيه لابسه كصير وجت ضلت تباوعلي واني صافن وسوالف عود اني ثكيل بس هيه طفله ف اني باوعت بوجها ابتسمت ما جنت منتبه بتصرفاتي تعشينه وبيت عمتي راحو وبيت عمي ضلون بايتين يمنه على الونسه جانت ليله خميس واني ترخصت منهم و صعدت للغرفه قمر دائمه تصعد وراي جايبه حبشكلات اني احس كل جسمي نحلان وابد مابيه حيل لكلشي صحتلها ماكو كعدت على الجربايه انتضرها فتحت التلفون ورجعت سديته كمت نزلت لكيتها تريد تصعد

قمر؛. تعال وين رايح

_ اريد اشوفج وين صرتي
حطيت ايدي على وجها وايدي الثانيه كمشت ايدها

قمر ؛. خلي نصعد للغرفه
عبالي تريد تكول شي عن الحمل او هيج طبينه للغرفه سدت الباب وكعدت على الكرسي اني جيت كعدت على الكرسي يكلك عندنه اجتماع واباتسامه ما فاركت وجهي

_شكو اكو بحلكج حجي

قمر :.اي اكو هواي

_احجي يا روحي جاهز اسمعج منا لحد ما تخلصين
وكع الحجاب على جتفها وطلع شعرها ونزل على عيونها وخرت شعرها وحطيته وره اذنها

قمر ؛. هاي شهد بنت عمتك شبيك تباوعلها وتبتسم
بس حجت هيج بدون ما اني اخفي ابتسامتي وحدها اختفت

_ منو شهد هاي البنيه الجبيره لو هاي الثانيه الازغر منها هنه مو هواي ياهيه منهن

قمر ؛. يعني ما عرفتها هاي الي لابسه كصير البنيه السمره

_ هههههههه هاي الطفله الي تباوعلي وتبتسم واني هم ابتسمتلها

قمر ؛. هاي مو طفله هاي بنت مراهقه

_ اي انتي جاي تكولين مراهقه يعني طفله

قمر ؛. لا تضل تلف بيها

_هههه يا حبيبتي هاي طفله شعندي وياها مثلن موعد ويه المميه

قمر ؛.اي خوش جذب اذا هوه انت حلو وعندك فلوس والجماله ضابط وبس تباوعلها وتضحك وهيه مكيفه بشر انطيتها الرقم لا

_قمر شهل حجي شبيج شسوي بهاي الطفله لو اريد جان اخذت رقم اختها وتزوجتها بل حلال

قمر ؛. ها وانته جنت تحب اختها

_ كولي والله شبيج تجريها منا وترجعيها هنا يابه يا اختها اقصدلج على العمر

قمر ؛. من الاخير انطيتها الرقم مو

_لا ما انطيتها شي

قمر ؛.خوش جذب
ماعرف الشعور الي صار بداخلي شنو بس قمر عصبتني حيل ردت اكوم اضربها بس ما اتحمل اضربها ولا اتقبل فكرتي