صدفه الضابط حسين

على لحضات القدر

#حسين
رجعت من الدكتور وجان بايدي مغذي بس خلص رحت لقمر وجريتها من ايدها وسالتها عن البياض ورةحت جابته
هل بياض من عاداتنه وتقاليدنه والمفروض جان لازم انطي لوالد قمر بمصباح العرس واتشكره لان انطاني بنت شريفه وباكر ومحد لامسها بس بما انو اني ما لمست قمر بليلت العرس ف اخذتها ورحت اتشكرت من والد قمر رجعنه وابوي انطه فلوس بشاره لقمر ومكيف عباله كملت وياها وحتصير حامل مني بس ما يدري بالي سويته
بده جتفي ومكان السجينه يوجعني واحس بكميه الالم تدخل قلبي
_بويه

هشام ؛.ها حسين

_جتفي مكان السجيني بي الم كلش قوي

هشام؛. تعال وياي

مشيت ويا واخذني لغرفته هوه وامي

هشام ؛. انزع الدشداشه

نزعت بدون اي كلمه وشاف صدري

هشام ؛. شنو هاذه صدرك شبي

_ شهاب يحجيلك
وفتر وبده يباوع على جتفي وكال ماكو شي بس مكان الخياط ملتهب ولازم احطله مرطبات وهوه يعرف بهل شغلات لان قبل جان  يداوي الناس
تغدينه متاخر وصعدت بس قمر ما اجت بره شوي اجت وبدت تسالني شلون صرت واني كلتلها بخير جان اكو تجهيزات بل غرفه وانيي اريد اجيبهن لان نواقص والغرفه الي سويتها مكتب الي فارغه صار ثاني يوم واخذت شهاب والولد ورحت جبت الشغلات ورجعنه وجانو الولد يجيبون اشياء حلوه على ذوقهم ورحنه جبنه تحفيات وجباسه كلشي وكلاشي جبنه رجعت على كثرت الغراض يحتاج اسبوعين يالله ولان اريد اغير ديكور الغرفه واسوي ورق جدران فلازم انام بغير غرفه وكلت لقمر تروح تنام ويه اختي الوسطانيه بغرفتها وصدك اخذت ملابسها وكل اغراضها حته من نشيل الغراض يصيرن خفيفات
ومر اسبوعين على التعديلات وخلصنه واخيرا وابوي جان بكل هل وقت يم بيت عمي وعمي جاي يشتغل بل بيت ماله وابوي جان يريد يوسع الديوان مالتنه ومشغول وحمدت ربي شهاب ما التقه بابوي وحجاله الصار جا ابوي طيح حضي وكل الوقت جان شهاب يكلي انو اقوي علاقتي ويه قمر ميصير اضل هيج كملنه ونضفنه كلشي وكلت لقمر تجيب اغراضها وترتبهن بل غرفه وصار المغرب واني تعبان نزلت تعشيت ورجعت صليت اريد انام بس بعد وكت قمر جانت بعدها ما مصليه وكامت تصلي اني مددت على الكرويته الي بل غرفه وقمر تصلي قريب عني بس ما باوعت الها وما احس اله ابوي يصيح واجه للغرفه وفتحها ودخل

هشام ؛. حسين ولك وينك يا غبي

حسيت كمشني من ياختي وشالني ودكني بل كاع هوه قوي ومعضل وضخامه فول دور كامشني من الدشداشه بس شايلني يعني ماعرف اوضف الحضه
وجان يضربني راجدي طار فجي اذني كامت طلع دم
_ بويه .... ش...شكو

هشام ؛. شمسوي بل بنيه اغبر
والتفت يباوع وكال لقمر تطلع من الغرفه وبسرعه شالت السجاده وطلعت بدون اي كلمه
_ بس كلي شكو بويه اروحلك فدوه شصاير شمسوي