صدفه الضابط حسين

ضعف قمر امام شموخ حسين وكبريائه

حياكم الله بالبارت الثالث

حسين؛. كضيت الايام واني اباوع لقمر ويكلك خوان بل غرفه ونفسيتي تعبت لابعد درجه بحيث من رجعت للدوام كمت اضرب المتهمين والي قضاياهم ثكيله وما يعترفوت اني ابقه اضرب بيهم من كثر ما ضايج وحته كمت ابات بل دوام وقمر ولا مهتمه اصلن اروح للبيت بس بوقت ابدل ملابسي ولو انام بل صاله لو ما انام وصلت بيه المرحله انام بل غرفه الي بره مال حارس بس ماريد اشوف شكل قمر لان كرهتني بل دنيه واهلهه
ابو حسين ؛. حسين تغير كلش من العرس صارله شهر ونص تقريبن نفسيته تعبانه وحته للبيت ما يجي واني قلق علي خاف يسوي بروحه شي اني ابو واعرفه
حسين ؛. رجعت للبيت ودي بس اضرب شخص بس محد تعارك وياي بل بيت بدلت ورحت للدوام عندي خفر وقمر بل جذب ما باوعتلي اخو واخته بل غرفه هيج احنه رحت للدوام لكيت ضابط ملازم كاعد بمكتبي وحاط رجله على المكتب طبيت سلام عليكم ما رد السلام كتله حبيبي هاذه مكتبي كال ومنو انته هيه نمونه جنت لابس مدني كتله اني كال اي هوه انت هسه تطلع خلك موضف تافه ما تمشي المعامله اله بميت دولار كتله ها هيج لحجي كضيته خليته يتفل بسنونه وضل يبجي كتله روح كول للي لبسك رتبه وحطك خلي منا ورايح يعلمك شون تحترم الاكبر منك ان جان ضابط او شخص عادي
بس فتح حلكه طلعت هويتي حطيتهه بوجهه بس شنو ارتاحيت من ضربته حسيت نفسي فرغت طاقه الي بجسمي بس كل هاذه ما حسيت بشي هوه ضربني وحاول يدافع عن نفسه بس شنو جان عنده ماعرفف كعدت وما احس اله دم ينزل من جتفي بعد ماكدر اتحرك نزعت القميص اباوع ثاري داجني سجينه كمت اطلع كطن او اي شي بعد ما حسيت بنفسي كعدت
ابن خالي محمد كدامي كال ضربوك ابره يريدون يصحوك وبعدهه يضربوك بنج لان السجينه هواي ماذيتني وكاطعه شريان باوعت لمحت قمر كاعده يمي بس بعد ما اشوف شي بعد هواي واني اتخيل لن راح اموت والبنج ضل اربع ساعات من كعدت ما شفت بس قمر وابوي وامي بس ما جنت اشوف بوضوح ولدكتور حاطلي مغذي وايدي الثانيه ج يديرولي دم وخوب قمر بس تباوع عليه حته من كعدت ما كالتلي الحمدالله على سلامتك سولفت لاهلي شصار بس ضجت من قمر ضليت اخزر بيهه وما جت تطمن عليه تاذيت حيل
ابو حسين ؛. حسين راح للدوام بعد ساعتين تقريبن دك عليه ابن خاله محمد كال ابنك متعارك وداجي سجينه ومغمه علي من النزف اني كلت هسه مات كتله اخذه للمستشفه واني جاي واني ادري بي تعارك وضاج بسبب زوجته بس شيسوي اذا هيه رافضه الفكره تماما رحنه ولمن فاق من البنج جان ضايج حيل ويباوع لقمر بكراهيه سولفلنه شصار كتله ليش تعاركت احجيلي شنو السبب الرئيسي كال ماكدر احجي خابرت محمد يجي ياخذ ام حسين وقمر للبيت ويدزولنه اكل حته حسين ياكل راحن وحجالي حسين قمر شمسويه بي حسين يحجي وياي ويدور وجهه لغير جهه ما جنت منتبه لوجهه اشوف المغذي ما خلص ثاري حسين يبجي ويعني بس من حجيه حسيت بحساسه وما قهرتني غير (بويه اصدقائي يسئلوني بشر شوكت يشرف ولي العهد)
وصديقي تزوج ورا عرسي وهسه مرته حامل
حسين ؛. سولفت لابوي همومي ولي بكلبي لان بس ابوي احسه يفتهمني وبكلبي كلت يبو راح دور يجونه كرايبنه وذوله يضلون يسئلوني مرتك ما صارت حامل لو من سوالفهم الطايح حضهه
قمر ؛. ما حبيت احجي وي حسين شي وبما انو هوه ضايج مني ما حاجيته خاف يضوج ومو زين علي بس جنت ودي انام بحضنه وعرفت بنفسي اني احبه من سمعت هل خبر حسيت كلبي راح يوكف اريد بس حسين يجي
ويطلب مني شي حته انفذ كل طلباته

حسين ؛. جانت الدنيه ضهر بوقت العركه بس من شفت الساعه وره العمليه الساعه بل ٨ بليل كلت لابوي نروح للبيت احسن وعلمود المغذي نجيب المضمد للبيت اباوع لملابسي بس بل فالينه واني بردان كتله خابرهم خلي يجيبون ملابس وكل للدكتور يجي يلفهه زين حته اسبح لان كل جسمي بي دم راح ابوي للدكتور صاحه اجه الدكتور لفلي الجرح كال هاي لو تطب بل بانيو هم مينفل لو يتبلل بس انته هم نشفه اذا سبحت كتله اوكي كال وتعالي بعد اسبوع نشووف اذا صرت زين نفل الخياط وذا لا نعوفهه اسبوعين كتله انشالله جه ابوي جابلي ملابس لبست حطيت القمصله على ايدي حته محد يشوفني ايدي مشدوده وجتفي مشدود رحت للبيت سبحت ولبست ملابس عريضه ورحت للغرفه باوعت كتلهه قمر
قمر ؛. ها حسين
حسين ؛. وين فراشي الي بل كاع حبابه جيبي اريد انام
بس حسيت كلبي يريد يطلع ويحضنهه
قمر ؛. حبيبي نام هنا على الجربايه عوف الفراش ذاك مو زين عليك ومنا ورايح ما تنام على الكاع يا روحي
حسين ؛. اول تالي قمر تكلي حبيبي وروحي اشلع ابو قصي ما معقوله كلبهه حن شويه
قمر ؛. حسيت حسين ارتاح من سمع كلام حلو مني حته من حط راسه على المخده يضحك مو مثل كل مره ضايج
حسين ؛. اباوع لقمر كاعده تباوعلي خاف ادور واتاذه بره شوي بردت ثاري صخنت قمر يم راسي وتسويلي كمادات مي بارد وساعه تجيبلي حليب واني منتهي عيوني ما اشوف حطيت راسي بحضنهه احس بس هنا الامان بعد شوي ما حسيت بكلشي كعدتني الصبح جايبتلي الريوك وهيه كمر طالعه الصبح ليش مادري ضليت كاعد واباوعلهه وحته ما اكلت سويت نفسي ماكدر اكل وما بيه حيل وشلون اكل بس بايد وحده ايدي الثانيه ميصير احركهه جت قمر توكلني بايدهه احس لو يصير اطلع كلبي واحطهه بمكانه جا سويت هيج بره شويه جو اهلهه وضليت اني قمر جيبيلي مي لو قمر بيش ساعه واني فرحان حته ضليت اسالهه اساله تافهه بس اريد اشوفهه لان اهلهه كاعدين وهيه ويه امي تسوي اكل بره شويه طلع عندي مغذي لازم احط كالوله خابرنه المضمد واجه حطليوكالوله شدولي المغذي راح المضمد واني قمر شوفي المغذي خلص وهيه تكول لا بعدله شويه حته ما امل منه كلهم يحجون وياي واني منتهي حته نفسي كامت تلعب من المغذي يكلك مي طب صدري صار الغده جابو الاكل كتلهم اريد اطلع بره لان ضجت من الكعده ول مغذي رحت بره كتلهه قمر جيبيلي كطنه جابت كطن وخرت الكالوله كتلهه جوعان كالت هسه اجيبلك اكل اخذتني كعدتني بل مرجوحه بل شمس وراحت تجيب اكل جابت اكل اباوع اجه محمد اخوهه ونور احتي لان همه متزوجين فاجوي سويه للحديقه باوعي محمد
محمد ؛. حسين المخبل رايح ضاربله واحد منهي تنهي وجماله ذاك ملازم متخاف ولك
حسين ؛. وشنو شسويله خاوه هيه ومن منو اخاف فنهم يحجون كلمه ميكدرون يستغنون عني
محمد ؛. خوش لازم نقطه ضعفهم اكعد واستجن لا يجون يطيرولك رجولتك
حسين ؛. يا رجوله يا اخي رجوله ما مستعمله وكمنه نضحك
قمر ؛. حسين هاذه الاكل كوم تعال اكعد على الميز حته اوكلك
حسين ؛. كعدت على الميز وقمر توكل بيه ومحمد صافن
محمد ؛.هاي شنو هاي باوعي نور شوفي حسين دجو سجينه مرته توكله راح اروح لواحد يضربني طلقه منو يوكلني
حسين ؛.ها ولك لا تحسدني هاي نعمتي التهي بنعمتك لك
واني اباوع لقمر واباوع بعيونهه وهيه كاعده تكلي وتسولف
قمر ؛. اريدك تاخذني لكربله نروح اني وياك يالله طيب حته نروح بل سياره
حسين؛. اكفيلنه وحدهو وحده اني هيج كلبي يوكف على كيفج وياي اني رجال منتهي
بس ودي اعرف شنو الي غير قمر لهل درجه خلاها تحبني هيج ماعرف
نلتقي باجر انزل بعد جزء