صدفه الضابط حسين

جريمة مغفوره

لن تغفر قمر ذنب حسين بسبب عنفه وصيطره كبريائه وافكاره السيئه وكلام الاقارب

__________________
#حسين
ضليت اتسائل واكل بروحي ليش قمر لهسه ما تخلينه المسها وجت فكره محلوه بالي قمر مو بت بيوت لا مو هيج عقلي كام يتخيل اشياء مصايره اصلن وقبل لا احاجيها جانت تتعامل وياي بحب وجنه متصافين بس هسه كامت تبتعد عني وصارلها اسبوعين على هل حاله وما رحت للدكتور النفسي ولا مشيت بكلام محمد وبيوم انطتني هديه كبل نامت حته ما خلتني اشبكها ضليت افكر وضايج لدرجه صارت الساعه ٣ الفجر يالله كدرت اغمض عيني حسيت الصبح ساعه ٩ بدلت نزلت لكيت شهاب كاعد بل كلدور كال شبيك جوه عيونك صاير اسود كتله تعبان كمشني من ايدي كال تعال رحنه كعدنه على الشمس بل حديقه ضلينه نسولف عن الشغل
شهاب؛انسه الشغل وحجيلي همك

_يخوي مرتي تدري بيها وتعبت حيل

شهاب ؛ شعجب مو علاقتكم تحسنت وكمتو واحد يحب الثاني شغيرها هسه

_ مادري شبيها غيرت رايها كمت اشك بيها

شهاب ؛ جوز عليها العاده عوفها جم يوم شتشك يولو هيه مال شك هسه هاي مرتك

_ شنو عاده ها لا وين اكو عاده اسبوعين ولك عليها عاده تكلب وجها لا ما اتوقع شهاب انت اخوي وصديقي وانت الوحيد الي تفتهمني

شهاب ؛ انت عيوني مو بس اخوي وصديقي انت متربع بصدري احجي واعتبرني صندوك شوكت متريد تحط بي اسرارك تحطهن وانت مامن

_ اكو سالفه بالي صارلها يومين سالبه راحتي

شهاب؛افه يبن ابوي شنيه بس انطق بيها ما عاش اليسلب راحتك

_ بس هوه شك وتعبت من التفكير بعد ما اكدر افكر لا اروح اسوي شي بنفسي واني طكه ونص تدري بيه

شهاب ؛ وتعترف هسه اكطع الشك واحجي عوفنه من كلشي طب بل مهم

_السالفه اني خايف لا تطلع قمر مو بت بيوت وهلي ما تخليني المسها

شهاب ؛ اول شي يا خويه انت ابو سلك وتفتهم اكثر مني وما دام ماكو احد خارج العائله يعرف بانو انتو ما صرتو رجال ومرته من صدك فالحجي هنا بي صالح الك وانت ابن شيخ وهل حجي ما يصرفلك تريد تتاكد منها بت بيون انت شوف بنفسك وارجع واكلك هاي مرتك وعوف الشكوك على صفحه واني اعرفها قمر بنيه مربايه وما عندها هيج سوالف

_ يخوي شلون اتاكد وهيه ما تقبل المسها تحجي صدك انت

شهاب؛ ولك انت الي تعرف كلشي هسه متعرف شتسوي يعني اعتبر هاي باب وراها سعادتك راح تفتحها لو لا

_ اكيد افتحها لان راح احصل السعاده

شهاب؛ هاي هم اعتبرها باب

_ بس هاي ما وراها السعاده دور تكوم تكرهني

شهاب ؛ هههه وهسه تريد مني حل