لـ زهراء جبار
ورقة قديمة مهترأة ممزقة و مصفرة لها رائحة كـ عبق البيلسان ،
مزقتها دموع أحدهم حين كان يشتكي إليها بالحبر الاسود ،
سطرت كلماتها بصمت على تلك الورقة باكية مختنقة تتسارع انفاسها و تتباطئ كـ دقات قلبها الحنون الذي طالما إحتضنني ،،،،
بـ ايد ترجف مثل انفاسي و صدر مخنوووگ و دمعه متفارگ عيوني همست هل عبارات و اني ارسم
اوراق متطايرة هنا و هناك ،
تسألني و أجيب ..
ماذا ستكتب ؟
أجبت ، متعب
لماذا؟
لأنني متعب و مرهق ، اتعبتني الحياة
ماذا فعلت لك؟
أجبت بصوت مرتجف و انا اتذكر كلماتها ...
إمتدت كفوف الناس لي سايبةً
و تــتلاحق بشاعةً في الضربِ
إنتهكت دماراً بجسدي و لم
تراعِ مودةً و لا دينٍ و لا مذهبِ
كلمات جانت تكتبهه شوقة ع الورق معاناة و الم ، تبتسم بوجه كل الناس و تشكي بس للورق ، عسى بس الورق يفهمنا ... فعلا بس الورق يفهمنا ، ...
ارسم الاوراق ع جداري بـ إيد ترجف و گلب مكسور و روح تعبانه ،
افكر وين صرتي هسة شصار بحالج ....
1984
برودة الجو و الضرب ما تخليني اكتم صراخي
اصرخ بكل قوتي
لاا فدوة بابااا و الله مااعيدها ابجي بصوت و اصرخ
اتوسل يعوفني
_انه اشتغل و اتعب الج؟ هاااا جايتني تاكلين براسي و الله ازوعج والله
يضربني بالصوندة بكل قوته احس جسمي تفتح ،
اتوسل بي
و الحسين مااعيدها و الله مااكل و الله مااريد فدوة كافي
ابجي و اشهك ولج ماماااا تعاي و الله مااكل.
يضربني وي كل ضربة روحي تشوغ ،
تمددت بالكاع و حاضنه نفسي استسلمت للضرب مااسيطر ع نفسي ، دنگ علية
_اني شگايلج ها؟ انتي نكرة فراغ انتي ماكو ، صرخ بصوت فززني
بت الكلب مااريد احس بوجودج
كام و يرفسني بطني بكل قوته ما تحملت الالم تقيأت و اصرخ و اتوسل يعوفني مختنگة و روحي تلوب من الالم
رفعت راسي اباوع نغمة سادة حلگها ب ايدها و تبجي و رحيم لابد وراها خايف
كعدت مااريد ابين شي الهم اباوع بوجه ابوي بعيون تتوسل
خزرني و كال بنبرة كلهه قسوة
_والله اموتج اخليج بحسرة كلشي
دفعني برجلة و اخذ الصوبة و طلع قفل الغرفة
كمت ضليت افتر بالغرفة مثل المخبلة من الالم روحي راحت
ابجي و انفخ ع ايدي متأذية ،
برودة الجو زادت الامي رحت اريد اطلع بطانيه اتغطى توني اريد اسحب و تذكرت و خفت ما يقبل اتغطى ألا بـ بطانيتي و بطانيتي بالصالة
رحت حشگت نفسي بالزاوية ادور دفو ،
يكولون ماكو دفو من بعد ام و اب بس آني عشت ايامي بردانه
كاعدة بالزاوية باردة و دموعي تجويني صغيرة اني ع الالم و الضرب ليش هيج
لميت رجلية لصدري و خليت ادية عليهن و اشهگ
شوق: ليش هيج ابوي يعاملني ليش الوحيدة اني اللي يستلذ بعذابها ليش ميحبني
هو مو طبعه هيج لان يحب نغمة و رحيم و مودة و هسة امي حامل ، كلهم يحبهم بس اني
معقولة اني مو بتهم شنو لاگيني بالشارع إذا لاگيني بالشارع ليش ما يذبني هسة ليش مخليني هنا
بس اني اشبه امي و اخواني يعني بتهم ، لا لا يجوز لگوني بالشارع
احجي و برطمت ابجي اختنكت حيل تفكير و كلام و ضرب و معاملة و اسلوب مو لطفلة بعمر 8 سنوات ، هذا العمر لازم يكون مرحلة حلوة بحياة كل طفل ، لعب و مرح و سعادة
أنت تقرأ
جِــدار الـحَـبيس
General Fictionبين السامر و الاشواق و بين القمر و نجمته و ما بين الحبيس و جدار اسراره إبتعدت راكضة تحبث عن ملجأ لـتحتمي به من وحوش هذا المستنقع ، و ذهبت هي الأخرى باحثة عن ذلك العطر ، عطر صار لها الامان ، بينما هو مُلقى على قارعة الطريق ، و الاخر يسير للمج...
