جِـدار الحبيس
امس هذا الوجه
مو نفسه شفتك بي
عشت عمري الاعرفة الثوب يتبدل
مجبسين ايده و رابطيهه ع ركبته يروح و يرجع يصيح
جواد: نطيت كلمة و هاي هيه حس نفس ماريد فهمتوووو
_شنو هي بكيفك نطيتك عين و سمحتلك كلشي تسوي بس مال تزوج ديانا و هي بهالعمر فـ مااسمحلك افتهمت
مسح وجهه
الوجه العبوس الي ابد ميضحك ، كل شخص يشوفه يشوف شرار عصبيه قسوه
جواد: هههههه ضحكتيني تدرين ، و بصفتج شنو تمنعيني ست وسن
وسن: انت شنو تخبلت شنو بصفتي شنو اني غريبه لو شنووو بصفتي امها و ماانطي بنتي
ذيج المره زوجت نجوى غصبا عليهه و عليه و عدت راحت
بس مال تزوج ديانا انساها و طلعها من راسك
جواد: لا تضلين تنكين على راسي ترا تعبان و مالي خلك و اليوم راجع عساني لا رجعتلكم
كام يريد يطلع التفت و كال
جواد: اني هسه طالع ، يجون الجماعه باجر يجون عكبه بعد ساعه بعد سنه ديانا شلتهه و انطيتهه الهم مفهوووم
بعد كلمه وحده ماريد
باوعلي و ابتسم
ماشي ديونه
عافنه و طلع
كامت أمي تلوب بمكانهه و تصيح
ولك ثاامر انت احجي وي اخوك كله الجاي يسوي غلط مايصير
ثامر : اهو يمه عاد لاتسوين اكشن و صياح بنيه مردها البيت زوجها عليمن حاركه دمج
وسن: ادري ادري مردها البيت زوجها بس مو بالهعمر يا امي ميصير البنيه صغيره بعدها كلشي متعرف لحد هسه تلعب
ثامر: و انه وياج تلعب و صغيره و متعرف شي بس شتسوين هي تتعلم هناك
بعدين مراح يعتبون عليها هناك كلشي تتعلم لأن هم من الجبايش حياتهم مو مثل حياتنه تتعلم شوي شوي
يعني حتى لو ديانا عمرهه اربعين سنه هم من تروح متعرف شي هههههه
فزت امي و ضربت وجها
وسن: شنو شنووو بالجبايش وين مودين بنتي ولكم راح تموتوني
و انت يااخوها هذا كله و سكتت مانطيت راي
ثامر : يمه ترا هذا شيخ ابو ستار رجال معروف ب اخلاقه و طيبته لا عبالج هيج
و راح تعيش احسن عيشه هناك
انتي تدرين شكد عدهم املاك خير خييير
وسن : شنو خير شنو املاك شنو شيخ اصلا و انه اروح اضيع بتي علمود املاك و شيخ شسوي انه هسه حاجووونيي
ثامر: اهووو كافي رحمه لربج كافي اولها و تاليها تسكتين و متحجين شي الراي راي جواد
نسيتي من زوج نجوى لو اذكرج
اشو كمتي تكمزين و بالتالي راحت و تزوجت
كافي تحركين بروحج و تصيحين لميتي الامه علينه ما نرتاح
عافنه و طلع و سد الباب حييل
كعدت امي باب الهول خلت راسهه بين اديهه و تبجي
كل الاعرفه انوو جواد كال
"كبع و اخذ"
الجمله الي ياما هدمت حياة بنات و شباب
صح مثل ميگولون البنيه لبيت زوجها بس ابد مو بالغصب ابد مو برأي غيرها
شنو فائدة الزواج
اذا كان بدون حب ، بدون رضا ، بدون اهتمام ، بدون معرفه
شلون نعيش و نتقبل بعض اذا احنه تزوجنه غصب
بمجرد الزواج بالاجبار مراح تتقبل فكرة التعرف على زوجتك او زوجج ،
اذا فلان تزوج لخاطر ابوه و فلانه اخوها غصبها ع الزواج فـ شلون راح تتكون اسره متحابه اسره تعيش بحب و حنية
اكثر و اكبر خطأ يرتكبه الاب او الاخ او حتى الام هو اجبار اولادهم على الزواج بحجة المصلحة
مو لمصلحتي اتزوج غصب و لا لمصلحتي اعيش حياة مااعرفها و لا لمصلحتي اعيش وي شخص ماشايفته ابد او مره وحده
أنت تقرأ
جِــدار الـحَـبيس
General Fictionبين السامر و الاشواق و بين القمر و نجمته و ما بين الحبيس و جدار اسراره إبتعدت راكضة تحبث عن ملجأ لـتحتمي به من وحوش هذا المستنقع ، و ذهبت هي الأخرى باحثة عن ذلك العطر ، عطر صار لها الامان ، بينما هو مُلقى على قارعة الطريق ، و الاخر يسير للمج...
