الحوت وعروس البحر 🧜‍♀️🧜‍♀️🧜‍♀️

الفصل الاول

****: تتجوزيني

#####: ازاي وانا يتيمة وعلي قد حالي وانت مالك المنصوري صاحب اكبر شركات في الشرق الاوسط والعالم

مالك بحب: كل ده ميفرقش معايا انتي ليا مهما حصل بس احنا هنتجوز في السر

هي بغضب: انت بتقول ايه هو انت فاكرني من الشارع انا اه يتيمة وفقيرة بس ده ميدكش الحق انك تقولي كده عن اذنك

مالك شدها عليه وكانت شبه في حضنه: انتي بتقولي ايه انا مسمحلكيش تتكلمي عن نفسك كده وبعدين انا بعمل كده عشان خايف عليكي انا ليا اعداء كتير حتي واكمل بحزن اتقنه: حتي منهم ابويا وامي اللي مش عارف هي كويسه ولا لا

هي بحب وعطف: خلاص يا حبيبي هدي نفسك بس انا مقدرش اعمل كده مش هعرف اكون ليك في الضلمة طب افرض حد تاني اتقدملي اعمل ايه انا

مالك بتملك: انتي ليا انا ومش لحد غيري مين اصلا يقدر يبص لحاجة بتاعت مالك المنصوري

هي بحدة: اولا انا بني ادمه مش حاجه ثانيا انا مش بتاعت حد ثالثا بقا انا هكون ليك في الضلمة يعني محدش هيعرف اصلا

مالك بعنجهية: عادي يبقي يترفض علي طول مش محتاجه كلام

هي: وبالنسبة للي الحارة اللي عايشة فيها هيكون موقفهم ايه من رفضي لكل عريس يجيلي غير ان بعد موت اهلي مشيت علي حل شعري

مالك بعصبية مسكها من كتفها: انا مسحلكيش تتكلمي كده علي نفسك واللي يقول يشرب من البحر ويبقي حد يستجري وينطق كلمة في حقك والنهاردة كتب كتابنا واللي هيحضر انا وملك وعاصم وادهم تمام يا زمرد

زمرد تلقائيا: وادم كمان

مالك بتملك وغيرة: لا والزفت انا قولت ميت مره متتكلميش معاه ولا انتي مش بتفهمي

زمرد بهدوء: انا لحد دلوقتي بتكلم براحه ومش عاوزه اسيبك وامشي برغم كلامك ده اما بقا بالنسبة لي ادم فانا مش هعرف اقطع علاقتي بيه لانه بالنسبالي الاب والاخ والصديق اللي عوضني موت اهلي ووو

قاطعها مالك بغيرة عمياء وهو يغرز ضوافره في لحم زراعها: انا بس اللي من حقي اكون لك كدة هو او غيره المفروض ميفرقوش حاجه معاكي

زمرد بقوة رغم المها: بس ادم مش اي حد وهو هيكون وكيلي النهارده يا كده يامفيش كتب كتاب

مالك ببرود رغم النار التي تصعد من اذنيه: تمام يا زمرد مش عاوزه يبقي وكيلك تمام ده مفتاح شقة مدينة نصر ودي هتبقي عش الزوجية يا مدام مالك

وفي سره: تبقي بس علي اسمي واشوف ازاي هتعرضي كلامي

زمرد بدلع: لسه مبقتش مدام مالك

مالك بتملك: انتي المدام من يوم ماعيني وقعت عليكي ويلا انا هبعتلك ملك والميكب ارتست والفستان