سمينة والسمن محليني(منقولة_ليبية)

1

شني رأيكم انكمل فيها ولا نوقف وهيكي هنعرف على حسب التفاعل ❤❤❤

#سمينة_وسمن_محليني😅

بقلم #هدو_الحاج ✍

الحلقة 《《 1 》》

في إحدى ضواحي طرابلس
فيه عمارة على 4 أدوار يسكنو فيه عمكم فتحي وصغاره
في دور الأول كانت عمتكم عجيلة ادير في غذاء لي راجلها وولدها العزري وبنتها البايرة الي هيا أني 😅😂😂

وفي دور الثاني كانت الكنة الكبيرة اضم في الحوش وفي ايديها بنت رضيعة وصغار يجرو في كل مكان ولاوية شاربة على راسها وكأنها مصرية وقريب اتموت ومعش عارفة شني دير 😂

وفي دور الثالث الكنة الوسطية نكدية تتعارك هيا وراجلها لانه سلفتها دارت جلسة احلا منها 😂

وفي الرابع والأخير كانت الكنة المزيتة محطية رجل على رجل وتلوي في شواربها ب اللبان وتهدرز مع صاحبتها المعسلة على صعوبة الحمل الي مدته أسبوعين 😂😂

.
.
.
.
.
.
.
.

عمتكم عجيلة حطيت سفرة الغذي لي عمكم فتحي وولدها أيوب وناضت

أيوب : وين ماشية يام
ماما : بنمشي نادي على أختك
أيوب : على ساس مدايرة رجيم
ماما : ايه ، بس قلبي مش طاوعني من بارح ماكليتيش حاجة وماطلعتيش من دارها
أيوب : قعمزي توا نمشيلها أني
ماما : لالا انت قعمز تغدى وبما اني واقفة نمشيله
بابا : ماطعتلوش
ماما : أنتم أبدو واحني توا نلحقو

.
.
.
.

إمشيت عمتكم عجيلة لي دار بنتها البايرة ،، وقت فتحت الدار استغربت انها مهناش ،، قعدت دور فيها وقت فتحت الحمام " حشاكم " اهني جيتها الصدمة 😅

ماما : ياسمينة

نوضت مخلوعة

أنا : شنو فيه ياماما
ماما : لا مافيش سلامتك ،، كملي نومتك
أنا : همم " وغمضت عيني "

شديت عصا السياقة

ماما " قعدت تضرب فيا " : نوضي منوض ياعطيك دي ، ان شاء الله ماتشبعي
أنا " وقفت استعداد " : شني فيه ياماما
ماما : شنو فيه شنو فيه ،، انتي ماتشبعيش قوليلي ماتشبعيش
أنا : خيرك ياماما هاذم مقبلات
ماما : هاذم مقبلات هاذم 🤬🤬

تبو تعرفو علاش ماما فصلت هيكي 😅 ،، ياحنة هذا على أساس اني مدايرة رجيم ،، بس والله ماقدرت ،، ف بعتت ولد خوي صغير جابلي مقبلات بسيطة زي 3 تشيبس و4 كولا و5 ميلكا وزوز شاورما وواحدة بيتزا وحاجات هيكي يعني حاجات ماتسمنيش 😅 ،، ف أضطرت حتى نأكل بسلامة وبدون حد يكبسني نأكل في الحمام واني نأكل نعسني النوم في حوض الشور😂😂 ،، يعني شيء بسيط مايستحقيش تعصيب ماما بس هي اعصابها في حكة 😂😂😂

ماما : وفيه إنسان طبيعي يأكل في الحمام 😡
أنا : واللهي فيه متعة مش عادي 😅
ماما : فهميني شني اندير معاك ،، كل يوم نتكلم بلا فايدة ،، اندادك أجسامهم باربي وأنتي بحداهم زي دينصور ،، ولا كرشتك الي طالعة ميتروين
أنا : لو سامحتي ماما اهني ووقفي ،، هذا ماسمهاش كرشة ، اسمه منحنى سعادة مخزن البهجة ارتقو شوية عاد 😒😅
ماما : نرتقو صار ، توا نوريك ارتقاء على اصولة " ونحيت سلاحها الفتاك " شبشب "
أنا : إستهدي بالله ياماما